મુલાકાત / સીએમ ભૂપેન્દ્ર પટેલે આજે રાજકોટના પ્રવાસે, મનપામાં બેઠક ઉપરાંત વિવિધ વિકાસના કાર્યોનું કરશે લોકાર્પણ

• સીએમ આજે આખો દિવસ રાજકોટમાં
• વિવિધ વિકાસના કાર્યોનું કરશે લોકાર્પણ
• રાજકોટ મનપાની બેઠકમાં આપશે હાજરી 

એક તરફ વિધાનસભાની ચૂંટણી આવી રહી છે તો બીજી તરફ પ્રજાને આકર્ષવા માટે રાજકીય પાર્ટીઓ સક્રીય થઇ ગઇ છે.  વિવિધ વિકાસના કાર્યોનું લોકાર્પણ કરવામાં આવી રહ્યું છે. ત્યારે આજે સીએમ ભૂપેન્દ્ર પટેલ રાજકોટની મુલાકાતે છે. તેઓ આજે રાજકોટમાં  આવાસ સહિત વિકાસના કાર્યોનું લોકાર્પણ કરશે. 

આજે સીએમ આખો દિવસ રાજકોટમાં

રાજકોટમાં સીએમ ભૂપેન્દ્ર પટેલ વિવિધ વિકાસના કાર્યોનું લોકાર્પણ કરશે સાથે જ રાજકોટ મનપામાં મહત્વની બેઠક પણ કરશે. 11.30 વાગે મહત્વની બેઠક કરશે  જેમાં કોર્પોરેશનના અધિકારીઓ અને પદાધિકારીઓ ઉપસ્થિત રહેશે. જ્યારે બપોરે કલેક્ટર કચેરીમાં સાંસદ-ધારાસભ્યો-અધિકારીઓ સાથે બેઠક કરશે.જેમાં રાજકોટ શહેર-જિલ્લાના વિકાસ કામોની માહિતી મેળવશે. તો સાંજે રાજકોટના જેમ્સ એન્ડ જ્વેલરી કાર્યક્રમમાં ઉપસ્થિત રહેશે.  

આ વિકાસના કાર્યોનું લોકાર્પણ કરશે 

 વિચરતી-વિમુક્ત જાતિ માટે નિર્માણ કરાયેલા 65 મકાનોના લોકાર્પણની સાથે 40-40 મીટરના 300 પ્લોટની સનદનું પણ લાભાથીઓને વિતરણ કરશે. તેમજ 65 મકાનોના લાભાથીઓને ઉજજ્વલા યોજના હેઠળ ગેસ કનેકશન પણ અપાશે. આ ઉપરાંત 15મા નાણાપંચની ગ્રાંટમાંથી 89.40 લાખના ખર્ચે રાજકોટ જિલ્લાની 650 આંગણવાડીઓમાં મુકાયેલ શુધ્ધ પાણી માટેની આરઓ સીસ્ટમ તેમજ 200 શાળાઓમાં અડધા કરોડના ખર્ચે મુકાયેલા સેનેટરી પેડ વેન્ડીંગ મશીનનું લોકાર્પણ મુખ્યમંત્રી ભુપેન્દ્ર પટેલના હસ્તે કરવામાં આવશે.

ગામો માટે પણ વિકાસના કાર્યોનું લોકાર્પણ 

 જિલ્લા પંચાયત દ્વારા રાજકોટ જિલ્લાના ગામડાઓ માટે 1.20 કરોડના ખર્ચે વસાવાયેલ 60 વેસ્ટ કલેકશન ઇ-રીક્ષા તેમજ આટકોટમાં 16 અને મવડીમાં 40 નિર્માણ કરાયેલ પોલીસ આવાસનું લોકાર્પણ પણ મુખ્યમંત્રી ભૂપેન્દ્ર પટેલના હસ્તે કરવામાં આવનાર છે. જે બાદ મુખ્યમંત્રી ભૂપેન્દ્ર પટેલ રામપરા બેટીથી બાય રોડ રાજકોટ આવી પહોંચ્યા બાદ 11-40 કલાકે રાજકોટમહાનગરાપલિકા કચેરીમાં અધિકારીઓ અને પદાધિકારીઓ સાથે બેઠક યોજાશે.