સીએમ ભૂપેન્દ્ર પટેલના હસ્તે AMCના 187 કરોડના પરિમલ ગાર્ડન, કાંકરિયા અટલ એકસપ્રેસ, બાપુનગર ચંદ્ર પ્રસાદ દેસાઈ હોલનું લોકાર્પણ કરવામાં આવ્યું
AMCના 187 કરોડના વિકાસલક્ષી કામનું લોકાર્પણ
CM ભુપેન્દ્ર પટેલના હસ્તે વિવિધ કામોનું લોકાર્પણ
બાપુનગર ચંદ્ર પ્રસાદ દેસાઈ હોલ ખાતે કાર્યક્રમ
અમદાવાદમાં આજે CM ભૂપેન્દ્ર પટેલના હસ્તે AMCના રૂ.187 કરોડના વિકાસલક્ષી કાર્યોનું લોકાર્પણ કરાયું. જેમાં ખોખરા બ્રિજનું CM ભુપેન્દ્ર પટેલના હસ્તે ઉદ્ઘાટન તેમજ પરિમલ ગાર્ડન, કાંકરિયા અટલ એકસપ્રેસ, ખોખરા બ્રિજનું લોકાર્પણનો સમાવેશ થાય છે. બાપુનગર ચંદ્ર પ્રસાદ દેસાઈ હોલ ખાતે કાર્યક્રમનું આયોજન કરવામા આવ્યું હતું.લોકાર્પણ પ્રસંગમાં લોકો તિરંગો લઈને આવ્યા હતા. તેમજ ખોખરા બ્રિજમાં પણ ત્રિ કલરનું અદભૂત લાઇટિંગ કરવામાં આવ્યું હતું.
પરિમલ ગાર્ડનની કાયાપલટ થઈ
ફોટો જોઈને લાગતું હશે આ વિદેશી ગાર્ડનનું દ્રશ્ય હશે. પરંતુ ના. આ નયનરમ્ય દ્રશ્ય આપણાં જ ઘર આંગણાનું છે. આ દ્રશ્ય છે ભારતના સૌથી જૂના જાહેર બગીચામાના એક એટલેકે અમદાવાદ સ્થિત પરિમલ ગાર્ડનનું છે. પરિમલ ગાર્ડનનું આ નવું સ્વરૂપ જોઈને આપ આશ્ચર્યચકિત થઈ જશો. પરંતુ હકીકત એ છે કે, વૈજ્ઞાનિક ઢબે અને સૌંદર્યલક્ષી દ્રષ્ટિ સાથે ખાનગી ભાગીદારીથી પરિમલ ગાર્ડનને નવપલ્લવિત કરવામાં આવ્યો છે. સરકારી અને ખાનગી ભાગીદારી દ્વારા રિસ્ટોર કરાયેલા આ સુંદરતમ, નયનરમ્ય, લેન્ડસ્કેપ ગાર્ડનને, અનેક મોર્ડન સુવિધાઓ સાથે આજે મુખ્યમંત્રી ભુપેન્દ્ર પટેલ દ્વારા નાગરિકોને સમર્પિત કરવામાં આવ્યો હતો.
400 વર્ષ જૂના વૃક્ષોનું જતન
આ માત્ર ગાર્ડન નથી. પરંતુ આ ગાર્ડન એક આગવા ઐતિહાસિક મહત્વને ધરોબીને બેઠો છે. ઓગણીસો પચાસમાં અમદાવાદના પ્રથમ મેયર ચિનુભાઇના વિચારે પરિમલ ગાર્ડનને સાકાર સ્વરૂપ અપાવ્યુ હતું. સમયે સમયે તેને ખાનગી સાહસો દ્વારા ફંડ મળતું રહ્યું. હવે આ પરિમલ ગાર્ડન નવા અવતારમાં સામાન્ય નાગરિકોને સમર્પિત છે. પરિમલ ગાર્ડનના નવા અવતારમાં તેની ઈંટોની ચીમનીઓ અને બોગનવિલેઆ આર્બર જેવા છોડની આગવી ઓળખ જાળવી રાખીને સંપૂર્ણપણે કાયાપલટ કરવામાં આવ્યું છે. આ ગાર્ડનમાં તમામ 400 વર્ષ જૂના વૃક્ષોનું જતન કરવામાં આવ્યું છે. જેમાં આઇકોનિક વડ પણ સામેલ છે. પરિમલ ગાર્ડન અમદાવાદીઓ માટે તૈયાર થઇ ચુક્યો છે . રિસોર્ટ ને પણ ટક્કર મારે તેવો ગાર્ડન અમદાવાદ મ્યુન્સિપલ કોર્પોરેશન દ્વારા બનાવામાં આવ્યો છે
12 કરોડના ખર્ચે રીનોવેશન
AMC દ્વારા રિસોર્ટ ને પણ ટક્કર મારે તેવો અત્યાધુનિક ગાર્ડન બનાવમાં આવ્યો છે . રિડેવલોપમેન્ટ બાદ પરિમલ ગાર્ડન ની કાયા પલટ થઇ છે અને હવે અમદાવાદીઓ ને આ ગાર્ડન માં રિસોર્ટ જેવી જ મજા મળશે . તો પહેલું એવું ગાર્ડન હશે જેમાં ડોગ સાથે પણ પ્રવેશ મળશે . 60 વર્ષ જુના પરિમલ ગાર્ડન નું રૂ 12 કરોડના ખર્ચે રીનોવેશન કરવામાં આવ્યું છે . પોષ વિસ્તાર માં આવેલ પરિમલ ગાર્ડન લોકો માટે ખુબ જાણીતો છે જેની હવે અત્યાધુનિક સુવિધા નાગરિકો માણી શકશે .
હાઇટેક ગાર્ડનના આકર્ષણો
60 વર્ષ જૂનો પરિમલ ગાર્ડન
35 હજાર ચોરસ મીટર વિસ્તારમાં રિડેવલપમેન્ટ
8 લોન પ્લોટ બનાવાયા , એમ્ફીથિએટર
ક્રિકેટ-વોલીબોલ માટે બેરિકેટેડ સ્પોર્ટઝોન
બે માળનું હાઇટેક જિમ્નેશિયમ
યોગા પેવેલિયન ,આકર્ષક સિટિંગ
1 ચબૂતરો , બે ફાઉન્ટેન
પેટ ડોગને લઇ જવા માટે પણ સ્પેસિફિલ જગ્યાની ફાળવણી
35 હજાર ચોમી વિસ્તારમાં ફેલાયેલા આ ગાર્ડનમાં એમ્ફિ થિયેટર, બેરિકેટેડ સ્પોર્ટસ ઝોન, આધુનિક જિમ્નેશિયિમ, યોગા પેવેલિયન, સિનિયર સિટીઝન માટેની અલગ વ્યવસ્થા અને પેટ ડોગને લઇ જવા માટે પણ સ્પેસિફિલ જગ્યાની ફાળવણી કરવામાં આવી છે. અમદાવાદ મનપા દ્વારા પીપીપી ધોરણે પરિમલ ગાર્ડન તૈયાર કરાયું છે. 50 વર્ષ જૂના આ પરિમલ ગાર્ડની કાયા પલટ કરી દેવાઇ છે. આથી, હવે શહેરના અન્ય ગાર્ડનો કરતાં પરિમલ ગાર્ડનની સુંદરતા કંઇક અલગ જ હશે.