રાજ્યમાં આ ચોમાસા દરમિયાન ભારે વરસાદ જોતાં શહેરી વિસ્તારોમાં માર્ગોને ભારે નુક્સાન થયું છે. તેથી તેની મરામત અને રોડ રિસરફેસના કામો માટે 74.70 કરોડ રૂપિયા ફાળવ્યાં
રસ્તાના મરામત માટે 74.70 કરોડની રૂપિયાની ગ્રાન્ટ ફળવાઈ
CM બનતા જ જાહેરાત કરી હતી રસ્તાઓનું સમારકામ ઝડપથી કરાશે
રાજ્યની 156 નગર પાલિકાઓને ગ્રાન્ટની રકમ ફાળવાઈ
CM Bhupendra Patel has sanctioned Rs 74.70 crores under Mukhyamantri Shaheri Sadak Yojana for repairing roads and road resurfacing works following heavy rains in the state: Gujarat Chief Minister's Office
ગુજરાતના મુખ્યમંત્રી ભૂપેન્દ્ર પટેલે રાજયમાં ભારે વરસાદ ને કારણે આ વર્ષે રાજ્યના નગરોમાં માર્ગ રસ્તાઓને થયેલા નુકસાનની મરામત અને રોડ રિસરફેસ ના કામો માટે 74.70 કરોડ રૂપિયા મુખ્યમંત્રી શહેરી સડક યોજના અંતર્ગત તત્કાલ મંજૂર કર્યા છે. સીએમ ભુપેન્દ્રભાઈ પટેલે રાજ્યમાં આ ચોમાસા દરમ્યાન ભારે વરસાદ અને હજુ પણ વરસાદની સ્થિતિ જોતાં શહેરી વિસ્તારોમાં રસ્તા માર્ગોને જે નુકસાન થયું છે તેનું રીપેરીંગ ,રિસરફેસ તેમજ નાગરિક સુવિધા વૃદ્ધિના માર્ગ મરામત કામોમાં થર્મો પ્લાસટિક રોડ પેઇન્ટ, કર્બ પેઇન્ટ,સ્ટ્રીટ લાઈટ બોર્ડ અને રોડ સેફ્ટી ના કામો વગેરે માટે આ રકમ ફાળવવાનો નિર્ણય કર્યો છે.
CM બનતા જ જાહેરાત કરી હતી રસ્તાઓનું સમારકામ ઝડપથી કરાશે
ગુજરાતના મુખ્યમંત્રી પદના શપથ લેતાની સાથે જ ભૂપેન્દ્ર પટેલે કહ્યું હતુંકે, જ્યાં-જ્યાં વરસાદને કારણે રોડ-રસ્તાની હાલત ખરાબ છે તે તમામ રસ્તાઓનું ખુબ જ ઝડપથી સમારકામ કરવામાં આવશે. નાગરિકો-રાહદારીઓને કોઈપણ પ્રકારે અગવડતા ન પડે સરકાર તેની પુરતી કાળજી લેશે.જેના ભાગરૂપે આજે મુખ્યમંત્રી ભૂપેન્દ્ર પટેલે રાજ્યના રોડ-રસ્તાઓના સમારકામને મંજૂરી આપી છે.
રાજ્યની 156 નગર પાલિકાઓને ગ્રાન્ટની રકમ ફાળવાઈ
મુખ્યમંત્રીના આ નિર્ણય અનુસાર રાજ્યની અ વર્ગ ની 22 નગર પાલિકાઓને પ્રત્યેકને 75 લાખ, બ વર્ગ ની 30 નગર પાલિકાઓને પ્રત્યેક ને 60 લાખ, ક વર્ગ ની 60 નગર પાલિકાઓ ને પ્રત્યેક ને 45 લાખ તેમજ ડ વર્ગની 44 નગર પાલિકાઓ ને પ્રત્યેક ને 30 લાખ એમ રાજ્યની તમામ 156 નગર પાલિકાઓ ને સમગ્રતયા 74.70 કરોડ રૂપિયા રોડ રસ્તા રીપેરીંગ રિસરફેસીંગ ના કામો માટે ફાળવવામાં આવ્યા છે.