ગુજરાતના રાજકારણને લઇને મોટા સમાચાર સામે આવ્યાં છે. ગુજરાત વિધાનસભાની ચૂંટણીને લઈને દિલ્હીમાં મહત્વની બેઠક યોજાવા જઈ રહી છે. આ બેઠકમાં સામેલ થવા માટે મુખ્યમંત્રી ભૂપેન્દ્ર પટેલ અને ભાજપ પ્રદેશ અધ્યક્ષ સી.આર. પાટીલ દિલ્હી જવા રવાના થશે.
મુખ્યમંત્રી ભૂપેન્દ્ર પટેલ અને સી.આર પાટીલ જશે દિલ્હી
વિધાનસભા ચૂંટણીને લઈને દિલ્હીમાં મહત્વની બેઠક
છેલ્લી ઘડીની તૈયારીઓની થશે સમીક્ષા
ગુજરાત વિધાનસભાની ચૂંટણીને લઇ રાજ્યમાં તમામ પક્ષો તડામાર તૈયારીઓ કરી રહ્યા છે. રાજકીય પક્ષો અલગ-અલગ રીતે મતદારોને રીઝવવાના પ્રયાસ પણ કરી રહ્યા છે. આ વચ્ચે ગુજરાત ભાજપની રાજનીતિને લઈ મોટા સમાચાર સામે આવ્યા છે. દિલ્હીમાં ગુજરાત વિધાનસભાની ચૂંટણીને લઈને મહત્વની બેઠક યોજાવા જઈ રહી છે. આ બેઠકમાં ગુજરાતના મુખ્યમંત્રી ભૂપેન્દ્ર પટેલ અને ભાજપ પ્રદેશ અધ્યક્ષ સી.આર. પાટીલ હાજર રહેશે.
Gujarat Elections 2022: મુખ્યમંત્રી ભૂપેન્દ્ર પટેલ અને CR પાટીલ જશે દિલ્હી, વિધાનસભા ચૂંટણીને લઈને PM મોદી સાથે યોજાશે મહત્વની બેઠક, ચૂંટણીની તારીખ જાહેર થાય એ પહેલાં તાકિદની બેઠક
.#GujaratElections2022#Bhupendrapatel#CRpatil#PMModi#Delhi
દિલ્હીમાં યોજાશે મહત્વની બેઠક
ગુજરાત વિધાનસભાની ચૂંટણીને લઈને દિલ્હીમાં મહત્વની બેઠક યોજાવા જઈ રહી છે. આ બેઠકમાં સામેલ થવા માટે મુખ્યમંત્રી ભૂપેન્દ્ર પટેલ અને ભાજપ પ્રદેશ અધ્યક્ષ સી.આર. પાટીલ દિલ્હી જવા રવાના થશે.
બેઠકમાં ગુજરાતના મુદ્દે મંથન થશે
વિધાનસભા ચૂંટણીના ઢોલ ઢબૂકવા લાગ્યા છે, ત્યારે આજે ચૂંટણી પંચ ગુજરાત અને હિમાચલ પ્રદેશની ચૂંટણીની તારીખોનું એલાન કરી શકે છે. એવામાં એવું કહેવામાં આવી રહ્યું છે કે, આજે દિલ્હીમાં યોજાઈ રહેલી વડાપ્રધાન નરેન્દ્ર મોદી સાથેની બેઠકમાં ગુજરાતના મુદ્દે મંથન થશે.મુખ્યમંત્રી અને સી.આર.પાટીલ ચૂંટણીની તૈયારીઓ અંગે PM સાથે મંથન કરશે. આજની આ બેઠકમાં ગુજરાત વિધાનસભા ચૂંટણીની તૈયારીઓની સમીક્ષા કરવામાં આવશે. આજની આ બેઠકને ઘણી મહત્વની માનવામાં આવી રહી છે. કારણ કે આજે ચૂંટણી પંચ ગુજરાત અને હિમાચલ પ્રદેશની વિધાનસભાની ચૂંટણીની તારીખોનું એલાન કરી શકે છે.
ચૂંટણી પંચની પ્રેસ કોન્ફરન્સ
આજે બપોરે ચૂંટણી પંચ દ્વારા એક પ્રેસ કોન્ફરન્સનું આયોજન કરવામાં આવ્યું છે. જેમાં હિમાચલ પ્રદેશ અને ગુજરાતની વિધાનસભા ચૂંટણીની તારીખોનું મહત્વનું એલાન ચૂંટણી પંચ કરી શકે છે. ગુજરાતમાં ત્રિપાંખિયા જંગ વચ્ચે દિવાળી પહેલા રાજ્યમાં ચૂંટણીની તારીખની જાહેરાત થાય તેવી પૂરેપૂરી શક્યતાઓ છે. સૂત્રથી મળતી વિગત પ્રમાણે, આજે ચૂંટણીની તારીખો જાહેર થઇ શકે છે. નવેમ્બરના અંત કે ડિસેમ્બરની શરુઆતમાં મતદાન થશે જ્યારે ડિસેમ્બરના પહેલા અઠવાડિયામાં પરિણામ આવી શકે છે.
2017માં 25 ઓક્ટોબરે થઈ હતી ચૂંટણીની જાહેરાત
મહત્વનું છે કે ગત ટર્મનાં 25 ઓક્ટોબરે ચૂંટણીની જાહેરાત થઈ ગઈ હતી. આ વખતે દિવાળી પણ અગાઉના વર્ષ કરતાં વહેલી છે. જેને લઈ રાજકીય પંડિતો અનુમાન લગાવી રહ્યા છે કે ચૂંટણીની જાહેરાત દિવાળી પહેલા જ થઈ જશે. આ અંગે કેન્દ્રીય ચૂંટણી પંચે ગુજરાતની ચૂંટણી મુદ્દે સંકેત આપી દીધા છે અને પંચ હાલ તમામ તૈયારીઓમાં જોતરાઈ ગયું છે.