ભાજપના નેતાઓની બેઠકમાં આ વખતે 150થી વધુ બેઠકો જીતીને રેકોર્ડ બનાવવાની ઈચ્છા વ્યક્ત કરી હતી. આ વાતને ભૂપેન્દ્ર પટેલ અને સીઆર પાટીલે અમલમાં મૂકી અને.....
ગુજરાત વિધાનસભાની ચુંટણીમાં ભાજપની પ્રચંડ જીત
PM મોદીએ 150થી વધુ બેઠકો જીતીને રેકોર્ડ બનાવવાની ઈચ્છા વ્યક્ત કરી હતી
CM ભૂપેન્દ્ર પટેલ-CR પાટીલે પૂરી કરી PM મોદીની ઈચ્છા
ભારતીય જનતા પાર્ટી ગુજરાતમાં સૌથી મોટી જીત તરફ આગળ વધી રહી છે. અત્યાર સુધીના આંકડા દર્શાવે છે કે, ભાજપને રાજ્યમાં 150થી વધુ બેઠકો મળશે. પાર્ટી અસ્તિત્વમાં આવી ત્યારથી ગુજરાતમાં ભાજપની આ સૌથી મોટી જીત છે. સૌથી મહત્વની વાત એ છે કે, તેની કલ્પના ખુદ વડાપ્રધાન નરેન્દ્ર મોદીએ કરી હતી. તેમણે ભાજપના નેતાઓની બેઠકમાં આ વખતે 150થી વધુ બેઠકો જીતીને રેકોર્ડ બનાવવાની ઈચ્છા વ્યક્ત કરી હતી. પીએમ મોદીની આ વાતને મુખ્યમંત્રી ભૂપેન્દ્ર પટેલ અને પ્રદેશ અધ્યક્ષ સીઆર પાટીલે અમલમાં મૂકી હતી.
આ વર્ષે જુલાઈમાં ગુજરાત વિધાનસભાની ચૂંટણીને લઈને વડાપ્રધાન નરેન્દ્ર મોદી, ગૃહમંત્રી અમિત શાહ અને ગુજરાતના દિગ્ગજ નેતાઓની બેઠક થઈ હતી. કહેવાય છે કે, આ બેઠકમાં પીએમ મોદીએ પાર્ટીને આ વખતે રાજ્યમાં 150થી વધુ સીટો જીતવાનો ટાર્ગેટ આપ્યો હતો. ગુજરાત પ્રદેશ પ્રમુખની જવાબદારી સી.આર.પાટીલ પાસે હતી. તેમણે આને પોતાનું સૌથી મોટું લક્ષ્ય બનાવ્યું. એક ટીવી ચેનલને આપેલા ઈન્ટરવ્યુમાં સીઆર પાટીલે સપ્ટેમ્બરમાં કહ્યું હતું કે, પીએમ મોદીનું સપનું દરેક સ્તરે પૂરું થશે. વડાપ્રધાનનું સ્વપ્ન હવે ગુજરાત ભાજપના દરેક કાર્યકરનું સપનું છે. આ જોઈને બધા આગળ વધી રહ્યા છે.
ભૂપેન્દ્ર પટેલે તોડ્યો નરેન્દ્ર મોદીનો રેકોર્ડ
આ તરફ ગુજરાતના પરિણામ બાદ આજે ભૂપેન્દ્ર પટેલે અગાઉના નરેન્દ્ર મોદીના રેકૉર્ડ તોડી એક નવો રેકોર્ડ સર્જ્યો છે. મોદી જ્યારે ગુજરાતનાં મુખ્યમંત્રી હતા ત્યારે વર્ષ 2002માં 127 બેઠકો ભારતીય જનતા પાર્ટીએ જીતી હતી જે બાદ જેટલી ચૂંટણી થઈ તેમાં ભાજપની સીટો સતત ઘટી રહી હતી. આમ 127નો આંકડો પીએમ મોદીનો રેકૉર્ડ હતો અને હવેના ભાજપે આ આંકડો પણ પાર કરી લીધો છે. અગાઉ અનેક જાહેરસભામા વડાપ્રધાન નરેન્દ્ર મોદીએ કહ્યું હતું કે, મારી ઈચ્છા એવી છે કે, આ વખતની ચૂંટણીમાં તમામ રેકોર્ડ તૂટે અને સાથે સાથે નરેન્દ્રભાઈના રેકોર્ડ ભૂપેન્દ્ર ભાઈ તોડે. જોકે આ વાતને સાબિત કરતાં પરિણામો આજે આવ્યા છે.
જાણો શું છે નવો રેકોર્ડ ?
નરેન્દ્ર મોદી જ્યારે ગુજરાતનાં મુખ્યમંત્રી હતા ત્યારે વર્ષ 2002માં 127 બેઠકો ભારતીય જનતા પાર્ટીએ જીતી હતી જે બાદ જેટલી ચૂંટણી થઈ તેમાં ભાજપની સીટો સતત ઘટી રહી હતી. આમ 127નો આંકડો પીએમ મોદીનો રેકૉર્ડ હતો. જે બાદમાં હવે આજે પરિણામ આવ્યા બાદ ભૂપેન્દ્રભાઈની ભાજપ સરકારે આ આંકડો પણ પર કરી 127થી વધુ એટલે કે 150થી વધુ સીટો ઉપર જીત કેસરીયો લહેરાવી દીધો છે.