તારાજીની તસવીર / CM ભૂપેન્દ્ર પટેલે પૂર અસરગ્રસ્ત વિસ્તારનું કર્યું હવાઇ નિરીક્ષણ, બોડેલી અને નર્મદામાં લોકોના રૂબરૂ જઈ હાલચાલ પૂછ્યા

• મુખ્યમંત્રી ભૂપેન્દ્ર પટેલ બોડેલી-નર્મદા પહોંચ્યા
• ભારે વરસાદથી આ જિલ્લાઓમાં ભયંકર નુકસાન
• મુખ્યમંત્રીએ સોસાયટીઓંમાં જઇ લોકો સાથે કરી વાત

ગુજરાતમાં છેલ્લા એક અઠવાડિયાથી પડી રહેલા વરસાદના કારણે ભારે નુક્સાન થયું છે. ત્યારે આજે  ભૂપેન્દ્ર પટેલ આ વરસાદ અસરગ્રસ્ત વિસ્તારોની જાત મુલાકાત લઇ સ્થળ પરની વિગતો મેળવી રહ્યા છે. જ્યાં તેઓ અસરગ્રસ્ત લોકોની મુલાકાત લઈ તેમના હાલચાલ જાણી રહ્યા છે. અને સરકાર તરફથી પૂરતી મદદની ખાતરી આપી રહ્યા છે. સાથે જ જિલ્લા વહીવટી તંત્રને જરૂરી માર્ગદર્શન આપી આદેશ કરી રહ્યા છે. હાલમાં સીએમ ભૂપેન્દ્ર પટેલે બોડેલી તેમજ નર્મદા જિલ્લામાં વરસાદી તારાજીનું હવાઈ નિરીક્ષણ કર્યું હતું. 

બોડેલીમાં સીએમ ભૂપેન્દ્ર પટેલે લોકો સાથે વાતચીત કરી પૂરતી મદદની ખાતરી આપી હતી

મુખ્યમંત્રી શ્રી ભૂપેન્દ્ર પટેલે વરસાદથી અતિ પ્રભાવિત વિસ્તારોની જાત નિરીક્ષણ મુલાકાત અંતર્ગત બોડેલી ખાતે વર્ધમાનનગર વસાહતના અસરગ્રસ્તોને રૂબરૂ મળીને વરસાદે વેરેલા નુક્સાન તથા વહીવટી તંત્ર દ્વારા કરવામા આવેલા બચાવ-રાહત કાર્યો, આશ્રય સ્થાનોની વ્યવસ્થા અંગે વિગતો મેળવી હતી. pic.twitter.com/hDpjZRkbbj

— CMO Gujarat (@CMOGuj) July 12, 2022

નર્મદા જિલ્લા સેવા સદન ખાતે યોજી બેઠક
મુખ્યમંત્રી ભૂપેન્દ્ર પટેલ વરસાદથી ભયંકર રીતે અસરગ્રસ્ત નર્મદા જિલ્લાની મુલાકાતે છે. હવાઈ નિરીક્ષણ કર્યા બાદ અહી પણ તેઓએ પૂર પીડિત પરિવારો સાથે ચર્ચા કરી હતી જે બાદ તેઓ  જિલ્લા સેવા સદન પહોંચ્યા હતા જ્યાં મંત્રી, સાસંદ અને પાલિકા પ્રમુખ સહિતના અધિકારીઓ સાથે બેઠક કરી હતી.રાજપીપળામાં અસરગ્રસ્ત 10 જેટલા લાભાર્થીઓને કીટનું વિતરણ પણ કર્યું હતું.સૌ પ્રથમ ગતરોજ કરજણ ડેમના પાણીના પ્રવાહમાં તણાઈ ગયેલા યુવાનોના પરિવારની મુલાકાત પણ લીધી હતી.

મુખ્યમંત્રીશ્રી ભૂપેન્દ્ર પટેલે ભારે વરસાદથી પ્રભાવિત નર્મદા જિલ્લામાં ખેત વિસ્તારોની મુલાકાત લઈને ખેડૂતો પાસેથી વરસાદથી થયેલા પાક અને અન્ય નુક્સાનની જાણકારી મેળવી હતી તથા વરસાદી પાણી ઓસરે તે સાથે જ ખેતીવાડીને થયેલા નુકસાનનો સર્વે હાથ ધરવા સ્થાનિક તંત્રને સૂચનાઓ આપી હતી. pic.twitter.com/3xFF99VUSW

— CMO Gujarat (@CMOGuj) July 12, 2022