ગુજરાત / BIG NEWS: આવતીકાલે સવારે 9 વાગ્યે CM ભૂપેન્દ્ર પટેલ કરશે મોટી જાહેરાત, હર્ષ સંઘવીએ આપી માહિતી

• શુક્રવારે CM ભૂપેન્દ્ર મોટી જાહરાત કરશે 
• ગૃહ રાજ્યમંત્રી હર્ષ સંઘવીએ કર્યું ટ્વીટ 
• યુવા અને સ્પોર્ટ્સને લઇ જાહેરાત કરશે

ગૃહ રાજ્યમંત્રી હર્ષ સંઘવીએ ગુરૂવારે એક ટ્વિટ કર્યું છે. જેમાં તેમણે લખ્યું છે કે, આવતીકાલે સવારે 9 વાગ્યે મુખ્યમંત્રી ભૂપેન્દ્ર પટેલ યુવા અને સ્પોર્ટ્સ અંગે કેટલીક મહત્વની જાહેરાત કરશે.

Hello Folks!

Some big announcement coming up for Youth and Sports tomorrow, morning at 9 am by Hon'ble CM Shri @Bhupendrapbjp ji.

Stay tuned!

— Harsh Sanghavi (@sanghaviharsh) July 7, 2022

રમતગમતોમાં યુવાનોને કેન્દ્ર સ્થાને રાખવા સરકાર કટિબદ્ધ : CM ભૂપેન્દ્ર પટેલ

મહત્વનું છે કે, થોડા દિવસો અગાઉ વિશ્વમાં રમત-ગમત ક્ષેત્રે ભારત શ્રેષ્ઠ પ્રદર્શન કરે તેના સામુહિક ચિંતન મંથન માટે દેશની સૌ પ્રથમ એવી રમત-ગમત અને યુવા બાબતોના મંત્રીઓની દ્વિ-દિવસીય પરિષદ સ્ટેચ્યુ ઓફ યુનિટી-એકતાનગર ટેન્ટસીટી ખાતે યોજાઇ હતી. આ પરીષદના સમાપન અવસરે મુખ્યમંત્રી ભુપેન્દ્ર પટેલ ખાસ ઉપસ્થિત રહ્યાં હતાં. જેમાં મુખ્યમંત્રી ભૂપેન્દ્ર પટેલે જણાવ્યું હતું કે, યુવાઓને ખેલકુદ ક્ષેત્રે પ્રોત્સાહિત કરી રાષ્ટ્રીય અને આંતરરાષ્ટ્રીય સ્તરે રમતોમાં ઉજ્જ્વળ દેખાવ માટે પ્રસ્થાપિત કરવા સરકાર કટિબદ્ધ છે. 

મુખ્યમંત્રીએ જણાવ્યું હતું કે સ્વર્ણિમ ગુજરાત સ્પોર્ટ્સ યુનિવર્સિટી રમતવીરોને વૈજ્ઞાનિક તાલીમ આપવાનું એક સક્ષમ માધ્યમ બની છે અને સ્પોર્ટસ કારકીર્દી નિર્માણનું ક્ષેત્ર પણ બની છે. આ પરિષદનું સામૂહિક વિચાર-મંથન એ દિશામાં ઉત્તમ પ્લેટફોર્મ બનશે.

વધુમાં સીએમએ કહ્યું હતું કે, ખેલાડીઓ, કોચ, ટ્રેનર્સ અને અન્ય લોકોને તેમની સાચી ક્ષમતાનો અહેસાસ કરવામાં મદદ માટે વૈજ્ઞાનિક રીતે તાલીમ અને વૈજ્ઞાનિક જ્ઞાન આપવાની જરૂર છે. યુવાઓને ખેલકુદ ક્ષેત્રે પ્રોત્સાહિત કરી રાષ્ટ્રીય અને આંતરરાષ્ટ્રીય સ્તરે રમતોમાં ઉજ્જ્વળ દેખાવ માટે પ્રસ્થાપિત કરવામાં આવશે.