ગુજરાત ભારતીય જનતા પાર્ટીના નેતા અને એક સમયે સંઘના નજદીકી ગણાતા પૂર્વ ગૃહ મંત્રી ગોરધન ઝડફિયાના ઘરે રાજ્યના મુખ્યમંત્રી ભૂપેન્દ્ર પટેલ પહોચતા રાજનીતિક અટકળો તેજ
મુખ્યમંત્રી ભૂપેન્દ્ર પટેલ ઝડફિયાને ઘરે પહોચ્યા
હર્ષ સંઘવી,જીતુ વાઘાણી પણ CMની સાથે રહ્યાં
ગોરધન ઝડફિયાને મોટી જવાબદારીની અટકળો
ગુજરાત ભારતીય જનતા પાર્ટીના નેતા અને એક સમયે સંઘના નજદીકી ગણાતા પૂર્વગૃહ મંત્રી ગોરધન ઝડફિયાના ઘરે રાજ્યના મુખ્યમંત્રી ભૂપેન્દ્ર પટેલ પહોચતા રાજનીતિક અટકળો તેજ થઇ ગઈ હતી. મુખ્યમંત્રી સાથે શિક્ષણમંત્રી જીતુ વાઘાણી અને ગૃહ રાજ્ય મંત્રી હર્ષ સંઘવી પણ પહોચ્યા હતા.
કેન્દ્રિય ગૃહ મંત્રી અમિત શાહ ગુજરાતની બે દિવસીય મુલાકાતે છે ત્યારે તેઓ પૂર્વ નિયોજિત કાર્યક્રમમાં વ્યસ્ત છે.આ વચ્ચે રાજ્યના મુખ્યમંત્રી,શિક્ષણ મંત્રી અને ગૃહ મંત્રી ઝડફિયાને મળવા ઘરે પહોચતા સ્વાભાવિક જ રાજનીતિક અટકળો તેજ થાય. ગોરધન ઝડફિયાને આ તકે યાદ કરવામાં આવે તે સહજ એટલા માટે છે કે, ઉત્તર પ્રદેશ વિધાનસભાની ચૂંટણી છે.
ઉતર પ્રદેશ વિધાનસભા ચૂંટણીના પ્રભારી ?
ગુજરાતના પૂર્વ ગૃહમંત્રી રહી ચુકેલા ગોરધન ઝડફિયાને 27 ડીસેમ્બર-2018ના રોજ લોકસભાની ચૂંટણી માટે ઉત્તર પ્રદેશમાં ચૂંટણી ઇન્ચાર્જ બનાવીને ભાજપના રાષ્ટ્રીય સ્તરે સ્થાન આપવામાં આવ્યું હતું. હવે જ્યારે ઉત્તર પ્રદેશ વિધાનસભાની ચુંટણી છે ત્યારે, ગુજરાતથી એક ટીમ જવી એ બહુ જ સ્વાભાવિક છે. મુખ્યમંત્રી ભૂપેન્દ્ર પટેલ કહેવાય છે કે, ઉતર પ્રદેશ વિધાનસભા ચૂંટણી સંબંધિત કોઈ સંદેશ લઈને,ગોરધન ઝડફિયાને મળ્યા હોઈ શકે છે. કારણકે, ઉત્તર પ્રદેશ ગત વિધાનસભાની ચૂટણીમાં યૂપીનાં પ્રભારી જે.પી. નદ્ડા રહ્યા હતા. હવે આ વખતે જે. પી.નદ્ડા ભાજપના રાષ્ટ્રીય અધ્યક્ષ છે.ત્યારે, સૂત્રોથી મળતી માહિતી પ્રમાણે ગોરધન ઝડફિયાને ઉત્તર પ્રદેશ વિધાનસભા ચૂંટણીના પ્રભારી બનાવી શકાય તેમ છે. યૂપીની ગત વિધાનસભા ચૂંટણીમાં ગોરધન ઝડફિયાની કામગીરી બહુ જ અસરકારક સાબિત થઈ હતી.
લોકસભા-2019 રહ્યા હતા યુપીના સહ પ્રભારી
2014 સુધી ઉત્તર પ્રદેશના પ્રભારી તરીકે હાલના કેન્દ્રિય ગૃહ મંત્રી અમિત શાહ હતા. હવે અમિત શાહ જુદી ભૂમિકામાં છે.ત્યારે 2018 માં જગત પ્રકાશ ( J P ) નદ્ડાને આ જવાબદારી સોંપાઈ હતી .2019ની લોકસભા ચૂંટણી માટે ગોરધન ઝડફિયાને સહ પ્રભારી બનાવ્યા હતા. હવે જ્યારે ઉત્તર પ્રદેશની વિધાનસભા ચૂંટણીની દૂદૂમ્ભી વાગી ગઈ છે ત્યારે, ઝડફિયાની ભૂમિકા પણ મોટી રહેશે.
યુપી ચૂંટણી માટે પ્રચાર ટીમની પણ જવાબદારી
ગુજરાતના મુખ્યમંત્રી ભૂપેન્દ્ર પટેલ,ગૃહ રાજ્ય મંત્રી હર્ષ સંઘવી અને શિક્ષણ મંત્રી જીતુ વાઘાણી જ્યારે આજે ગોરધન ઝડફિયાના ઘરે મળ્યા છે ત્યારે ચોક્કસ એ શુભેચ્છા મુલાકાત સાથે ઉત્તરપ્રદેશમાં ઝડફિયાની મોટી ભૂમિકા અને તે માટે ગુજરાતમાંથી પ્રચાર માટે મજબૂત ટીમ બનાવવાની જવાબદારી પણ તેમના શિરે આવશે.
ગોરધન ઝડફિયા- પૂર્વ ગૃહમંત્રી
ઉલ્લેખનીય છે કે, ગોરધન ઝડફિયા અમદાવાદ શહેરમાં ભાજપના મહામંત્રી તરીકે સેવા આપી ચુક્યા છે. ઉપરાંત 1995-97 અને 1998-2002 દરમિયાન બે વખત ગુજરાત વિધાનસભાના સભ્ય તરીકે ચૂંટાયા હતા. તેઓ નરેન્દ્ર મોદીના નેતૃત્વમાં ગુજરાત રાજ્ય સરકારમાં 2001-2002 દરમિયાન ગૃહ અને સુરક્ષા અને પોલીસ આવાસ (સ્વતંત્ર હવાલો) રાજ્ય મંત્રી હતા. વર્ષ 2002માં ગુજરાતના રમખાણો વેળાએ ગોરધન ઝડફિયા ગૃહરાજ્ય મંત્રી રહી ચૂક્યા હતા.
.