BIG NEWS / CM ભૂપેન્દ્ર પટેલે એક ઝાટકે રાજ્યમાં 5 મોટી TP સ્કીમને મંજૂરી આપી, 24 હેક્ટર્સ જમીન આવાસ માટે

• રાજ્યના ચાર મહાનગરોના સુઆયોજિત વિકાસની દિશામાં મોટો નિર્ણય 
• 1 પ્રિલીમનરી અને 4 ડ્રાફટ મળી કુલ પાંચ ટાઉન પ્લાનીંગ સ્કીમને મંજૂરી 
• CM ભૂપેન્દ્ર પટેલે એક જ દિવસમાં 5 TP સ્કીમને આપી મંજૂરી 

શું લેવાયો નિર્ણય? 
ગુજરાત રાજ્યના મુખ્યમંત્રી દ્વારા આજે TP સ્કીમને લઈને મોટો નિર્ણય લેવામાં આવ્યો છે. રાજ્યની ૧ પ્રિલીમનરી અને ૪ ડ્રાફટ મળીને કુલ પાંચ ટાઉન પ્લાનીંગ સ્કીમ એક જ દિવસમાં મંજૂરી આપવામાં આવી છે. 

કઈ કઈ TP સ્કીમને મંજૂરી? 
અમદાવાદ મ્યુનિસિપલ કોર્પોરેશનની ટી.પી સ્કીમ-૧ બોડકદેવ પ્રિલીમનરી સ્કીમ મંજૂર કરવામાં આવી છે જ્યારે આ ઉપરાંત 4 ડ્રાફટ સ્કીમ અંતર્ગત અમદાવાદ શહેરી વિકાસ સત્તામંડળ-ઔડાની મુસદારૂપ ટી.પી સ્કીમ નં-૩૦૭ સાંતેજ-રકનપૂર, ગાંધીનગર શહેરી વિકાસ મુસદારૂપ ટી.પી સ્કીમ નં. ર૮ સરગાસણ-પોર-કુડાસણ, ભાવનગર મ્યુનિસિપલ કોર્પોરેશનની મુસદારૂપ ટી.પી સ્કીમ નં.ર૧ રૂવા-વડવા અને જામનગર મ્યુનિસિપલ કોર્પોરેશનની મુસદારૂપ ટી.પી સ્કીમ નં.૧૧ જામનગરનો સમાવેશ થાય છે. 

24.31 હેક્ટર્સ જમીન આવાસ માટે
નોંધનીય છે કે રાજ્ય સરકારના આ નિર્ણયથી કુલ 24.31 હેક્ટર્સ જમીન સામાજીક અને આર્થિક રીતે નબળા લોકોના આવાસ માટે સંપ્રાપ્ત થવાની છે. આવી જે જમીન સંપ્રાપ્ત થશે તેમાં ઔડાની ડ્રાફટ ટી.પી સ્કીમ ૩૦૭ સાંતેજ-રકનપૂરમાં અંદાજે પ.પ૬ હેક્ટર્સ, ગાંધીનગર શહેરી વિકાસ ડ્રાફટ ટી.પી ર૮ સરગાસણ-પોર-કુડાસણમાં ૧.૮૬ હેક્ટર્સ, ભાવનગર મહાનગરપાલિકાની ડ્રાફટ ટી.પી સ્કીમ-ર૧ માં ૭.૬પ હેક્ટર્સ અને જામનગર મ્યુનિસિપલ કોર્પોરેશનની મુસદારૂપ ટી.પી સ્કીમ-૧૧માં ૯.ર૪ હેક્ટર્સ જમીન ઉપલબ્ધ થશે. 

આ ઉપરાંત ખૂલ્લી જગ્યા, બાગ-બગીચા તથા રમત-ગમતના મેદાન અને જાહેર સુવિધા માટે જે જમીન સંપ્રાપ્ત થશે તેમાં ઔડાની મૂસદારૂપ ટી.પી સ્કીમ-૩૦૭માં અનુક્રમે ૬.૧૩ અને ૪.૮૮ હેક્ટર્સ તથા આંતરમાળખાકીય સવલતોના ખર્ચને પહોચી વળવા વેચાણ માટે અંદાજે ૯.૦૭ હેક્ટર્સ જમીન સંપ્રાપ્ત થઇ શકશે.