ફરી એક વખત CM ભૂપેન્દ્ર પટેલ અને પૂર્વ નાયબ મુખ્યમંત્રી નીતિન પટેલ એક મંચ પર સાથે દેખાયા છે. ગઇકાલે કડીમાં પણ બન્ને એક સ્ટેજ પર જોવા મળ્યા હતા.
જામનગરમાં સપ્તાહમાં CM ભૂપેન્દ્ર પટેલ રહ્યા હતા હાજર
સપ્તાહમાં CM અને નીતિન પટેલ એક સાથે જોવા મળ્યા
ગઇકાલે કડીમાં બન્ને નેતા એક મંચ પર જોવા મળ્યા હતા
ગુજરાત વિધાનસભાની ચૂંટણી હજુ જાહેર થઇ નથી પરંતુ રાજકીય પાર્ટીઓમાં તૈયારીઓ જોરશોરમાં ચાલી રહી છે. આ વચ્ચે હવે ગુજરાતના મુખ્યમંત્રી ભૂપેન્દ્ર પટેલ અને પૂર્વ નાયબ મુખ્યમંત્રી નીતિન પટેલ એક મંચ પર જોવા મળી રહ્યા છે. જામનગરમાં ભાજપ નેતા હકુભા જાડેજા દ્વારા આયોજિત ભાગવત સપ્તાહમાં ભાજપ અને કોંગ્રેસના નેતાઓ સામેલ થયા હતા. આજરોજ સપ્તાહના સાતમા દિવસે મુખ્યમંત્રી ભૂપેન્દ્ર પટેલ પણ પહોંચ્યા હતા. સાથે પૂર્વ નાણામંત્રી નીતિન પટેલ પણ હાજર રહ્યાં હતાં. આ દરમ્યાન બંનેનું સન્માન કરાયું હતું.
કડી ખાતે મુખ્યમંત્રી ભૂપેન્દ્ર પટેલ અને પૂર્વ નાયબ મુખ્યમંત્રી નીતિન પટેલ એક મંચ પર
ગઇકાલે અમદાવાદથી થોળ સુધી AMTS બસ સેવાનો શુભારંભ કરાયો છે. કડી તાલુકાના થોળ ગામેથી મુખ્યમંત્રી ભૂપેન્દ્ર પટેલના હસ્તે આ બસ સેવા શરૂ શુભારંભ કરાયો છે. આ પ્રસંગે પૂર્વ નાયબ મુખ્યમંત્રી નીતિન પટેલ પણ ઉપસ્થિત રહ્યા હતા. આ દરમિયાન બન્ને હળવા મૂડમાં વાતો કરતા પણ નજરે પડ્યા હતા. ત્યારે આજે પણ બન્ને એક મંચ પર એક સાથે નજરે પડ્યા છે.
જામનગરમાં મુખ્યમંત્રીની સાથે કેબિનેટ મંત્રીઓ અને કોંગ્રેસના નેતાઓ પણ હાજર રહ્યા હતા. કેબિનેટ મંત્રી પ્રદીપ પરમાર, અર્જુનસિંહ ચૌહાણ, રાઘવજી પટેલ અને ધારાસભ્ય જયેશ રાદડિયાએ પણ સપ્તાહમાં પોતાની હાજરી આપી હતી. ઉપરાંત પૂર્વ નાયબ મુખ્યમંત્રી નીતિન પટેલ અને વિપક્ષ ઉપનેતા શૈલેષ પરમારે પણ હાજર રહ્યા.
જામનગર ખાતે શ્રી ભાગ્યલક્ષ્મી એજ્યુકેશન એન્ડ ચેરીટેબલ ટ્રસ્ટ આયોજિત ભાગવતકથામાં ઉપસ્થિત રહી પૂજ્ય ભાઈશ્રી રમેશભાઈ ઓઝા, પૂજ્ય શેરનાથજી બાપુ, જામનગર મોટી હવેલીના પૂજ્ય વલ્લભ બાવાશ્રી સહિતના સંતોના દર્શનનો લ્હાવો મેળવ્યો. આમંત્રણ બદલ ધારાસભ્ય શ્રી ધર્મેન્દ્રસિંહ જાડેજાનો આભારી છું. pic.twitter.com/lf3kVB3yLc
CMએ કોંગ્રેસ નેતાને કહ્યું કે, 'આવી જાઓ,અમે બધાને લઈએ છીએ'
સપ્તાહમાંથી પરત ફરવા સમયે મુખ્યમંત્રી ભૂપેન્દ્ર પટેલે વિપક્ષના ઉપ-નેતા શૈલેષ પરમાર સાથે કટાક્ષ કર્યો હતો. તેમણે શૈલેષ પરમારને પોતાની કારમાં બેસવાનું કહીને કટાક્ષ કર્યો હતો કે, આવી `જાઓ અમે બધાને લઈએ છીએ'. મુખ્યમંત્રીના કટાક્ષને લઇ રાજકીય ચર્ચાઓ થઇ શરૂ.