દસ્ક્રોઈ / પ્રથમ વખત ઠાકોર સમાજ દ્વારા યોજાયેલા હાઈટેક લગ્નમાં CM ભૂપેન્દ્ર પટેલ અને CR પાટીલ પહોંચ્યા, જુઓ કેવું છે આયોજન

• દસ્ક્રોઇના ભુવાલડી ખાતે ઠાકોર સમાજના હાઈટેક સમૂહ લગ્ન 
• મુખ્યમંત્રી ભૂપેન્દ્ર પટેલ લગ્ન પ્રસંગમાં રહ્યા હાજર
• ભાજપ પ્રદેશ પ્રમુખ સી.આર.પાટીલ પણ ઉપસ્થિત
• સાંસદ દેવુસિંહ ચૌહાણ, પૂર્વ મંત્રી પ્રદીપસિંહ જાડેજા રહ્યા હાજર

આજે દસ્ક્રોઈના ભુવાલડી ખાતે ઠાકોર સમાજના સમૂહ લગ્ન યોજાઈ રહ્યાં છે. જેમાં ઠાકોર સમાજના 51 નવ યુગલ પ્રભુતામાં પગલાં માંડશે. ઠાકોર સમાજ દ્વારા આયોજીત આ સમૂહ લગ્નમાં મુખ્યમંત્રી ભૂપેન્દ્ર પટેલ, ભાજપ પ્રદેશ પ્રમુખ સી.આર.પાટીલ, સાંસદ દેવુસિંહ ચૌહાણ અને પૂર્વ મંત્રી પ્રદીપસિંહ જાડેજા હાજર રહ્યા છે. પ્રથમ વખત ઠાકોર સમાજ દ્વરા આ પ્રકારનું આયોજન કરવામાં આવી રહ્યું છે. જેમાં લગ્નનો ડોમ સેન્ટ્રલી ACથી તૈયાર કરાયો છે. ઉપરાંત લગ્ન કરનારી તમામ દીકરીઓ માટે ઓડી, BMW સહિતની ગાડીની વ્યવસ્થા કરાઈ છે. ઉપરાંત ઠાકોર સમાજ દ્વારા લગ્નમાં તમામ દીકરીઓને રૂપિયા 1 લાખના બોન્ડ આપવામાં આવ્યા છે.

Live: જે.કે ગ્રુપ દ્વારા આયોજિત ઠાકોર સમાજના સમુહ લગ્નોત્સવમાં ઉપસ્થિત રહી નવયુગલોને આશીર્વાદ પાઠવતાં માનનીય મુખ્યમંત્રી શ્રી ભૂપેન્દ્રભાઈ પટેલ. સ્થળ: અમદાવાદ https://t.co/FLXAoooAtB

— Bhupendra Patel (@Bhupendrapbjp) May 9, 2022

50 હજારથી વધુ લોકોની હાજરીમાં આ સમૂહ લગ્ન યોજાયો 

મહત્વનું છે કે ઠાકોર સમાજ દ્વારા પહેલી વાર આ પ્રકારના હાઈટેક લગ્નનું આયોજન કરવામાં આવ્યું છે. આશરે 50 હજારથી વધુ લોકોની હાજરીમાં આ અવસર યોજાયો હતો. મહેમાનોને કોઈ પ્રકારની અગવતા ન પડે તે માટે સુવિધા ઉપરાંત ડોમમાં ફાયરના સાધનો વસાવાયા છે. વધુમાં એક દવાખાનું પણ ઊભું કરવામાં આવ્યું છે. તથા બે 108 એમ્બ્યુલન્સને પણ ખડેપગે રાખવામાં આવી છે. મહત્વનું છે કે, આ પ્રસંગને લઈને આયોજકોમાં ભારે ઉત્સાહ જોવા મળ્યો હતો. 

સમાજમાં જાગૃતિ આવે તે માટે પ્રયાસ

ઉલ્લેખનીય છે કે, દસ્ક્રોઈ તાલુકા ભુવાલડી ખાતે યોજાયેલા આ સમુહ લગ્ન થકી સમાજમાંથી કુરિવાજોને તિલાંજલિ મળે અને જાગૃકતા આવે તે માટે દરેક મંડપે વર-વધૂના નામ-ફોટો સાથે સ્વચ્છતા, સ્વાસ્થ્ય અંગેના અલગ અલગ સંદેશાઓ પણ લગાવવામાં આવ્યા છે.