ઇમ્પેક્ટ / વીમા કંપનીઓની બદમાશી સામે CM રુપાણીનો કૃષિ વિભાગને આપ્યો આ આદેશ

• CM રૂપાણીએ કૃષિ વિભાગને આપી સૂચના
• પાક વીમાની નુકસાનીની નોંધણીમાં ખેડૂતોને મુશ્કેલી
• કૃષિ વિભાગે ઇ-મેલ કરી વીમા કંપનીને આપી સૂચના

કૃષિ સચિવે 72 કલાકમાં ખેડૂતોને ફરિયાદ નોંધાવવા કહ્યું, વીમા કંપનીની હેલ્પલાઈન બંધ

ખેડૂતોને કમોસમી વરસાદમાં થયેલાં પાકનાં નુકસાનને પહોંચી વળવા ખેડૂત હેલ્પલાઈનની સુવિધા પુરી પાડવામાં આવી હતી. જેમાં તેઓ પાકને થયેલાં નુકસાન બાબતે અરજી કરી શકે છે. જોકે ટોલ ફ્રી નંબર બંધ હતો. જેથી ખેડૂતોની મુશ્કેલીમાં વધારો થયો હતો. બીજી તરફ કૃષિ સચિવે 72 કલાકમાં ખેડૂતોને ફરિયાદ નોંધાવવા કહ્યું છે.

રૂપાણીએ કૃષિ વિભાગને સૂચના આપી 

VTVGujarati.comએ ખેડૂતની આ સમસ્યા અને વીમા કંપનીની બદમાશીનો અહેવાલ પ્રકાશિત કરતાં સીએમ રૂપાણીએ કૃષિ વિભાગને કડક શબ્દોમાં સૂચના આપી છે. તેમને આદેશ કર્યો છે કે કૃષિ વિભાગ ઈ-મેઈલ કરી વીમા કંપનીને સૂચનાં આપે કે તેઓ તાત્કાલીક ધોરણે ટોલ ફ્રી નંબરની સેવ શરુ કરે. 

ખેડૂતોને પડતાં પર ડામ

 VTVGujarati.comનાં રિયાલીટી ચેકમાં એ પણ સામે આવ્યું હતું કે રિલાયન્સ વીમા કંપનીનો નંબર માત્ર 9.30થી 6.30 સુધી જ કાર્યરત કહે છે. આ દરમિયાન પણ કોઈ ફોન ઉપાડતું નથી. ફોન ઓટો મોડ પર મુકી તમામ કંપનીઓ ખેડૂતોને હેરાન કરી રહી છે. આ પરિસ્થિતિ ખેડૂતોને પડતાં પર ડામ આપવાં જેવી છે.

વીમા કંપનીઓ ખેડૂતોને હેરાન કરે છે

બીજી તરફ રિલાયન્સ વીમા કંપનીનો નંબર માત્ર 9:30થી 6:30 સુધી જ કાર્યરત રહે છે. આથી આ સમય દરમ્યાન રિલાયન્સ વીમા કંપનીનો ફોન કોઈ ઉપાડતું નથી. આ ફોનને ઓટો મોડ પર મુકીને વીમા કંપનીઓ ખેડૂતોને હેરાન કરી રહી છે. જ્યારે કૃષિ સચિવે ખેડૂતોને 72 કલાકમાં ફરિયાદ નોંધાવવા જણાવ્યું છે.