અમદાવાદ / બાપુનગરમાં આવેલી કાપડ માર્કેટમાં લાગી આગ, 20થી વધુ દુકાનો સળગી

• ભીડભંજન હનુમાન મંદિર નજીકની ઘટના
• આગમાં 20થી વધુ દુકાનો સળગી
• 12 ફાયર ફાઈટરની લેવાઈ મદદ

અમદાવાદના બાપુનગર વિસ્તારના ભીડભંજન સામે મોટી કાપડ માર્કેટ આવેલી છે. જે માર્કેટમાં કોઈ કારણોસર આગ લાગી છે. આ આગે ધીરેધીરે મોટું સ્વરૂપ ધારણ કરતા એક બાદ એક એમ 20થી વધુ દુકાનો આગની લપેટમાં આવી ગઇ. આગ લાગતા નાસભાગ મચી જવા પામી હતી. આ ઘટનાના પગલે તાત્કાલિક ફાયર ફાઇટરે ઘટનાસ્થળે પહોંચી આગ પર કાબૂ મેળવવાની કામગીરી હાથ ધરી છે. 

આ આગની ઘટનાની જાણ થતા પોલીસનો કાફલો પણ ઘટનાસ્થળે દોડી આવ્યો હતો. જોકે આ આગ લાગવાનું કારણ હજુ સુધી જાણી શકાયું નથી. સદનસીબે કોઇ જાનહાની પણ થવા પામી નથી.