ટૂલકિટ કેસ / દિશા રવિની ધરપકડ પર ટ્વિટરવૉર, 'નિઃશસ્ત્ર યુવતીથી ડરી ગયા vs કસાબ-બુરહાન પણ 21ના હતા'

• દિલ્હી પોલીસ દ્વારા એક્ટિવિસ્ટ દિશા રવિની ધરપકડ મામલો
• તમામ વિપક્ષી દળોએ સરકારની ટીકા કરી
• રાહુલ ગાંધી, પ્રિયંકા ગાંધી અને કેજરીવાલ સહિતના નેતાઓએ કર્યા ટ્વિટ

દિશા રવિ દિલ્હી પોલીસની સ્પેશિયલ સેલમાં 5 દિવસની કસ્ટડીમાં છે. પર્યાવરણ એક્ટિવિસ્ટ ગ્રેટા થનબર્ગે ખેડૂત આંદોલનના સમર્થનમાં એક ટ્વિટ કર્યું હતું, ત્યારબાદ તેમણે ભૂલથી એક ટૂલ કિટ પણ શેર કરી દીધી હતી. જોકે બાદમાં ગ્રેટાએ આ ટ્વિટને ડિલીટ કરી દીધી. પરંતુ 21 વર્ષીય દિશા રવિની કૃષિ કાયદાના વિરોધ કરી રહેલા ખેડૂતો સંબંધિત ટૂલકિટ ફેલાવવાના આરોપમાં બેંગલુરૂથી ધરપકડ કરવામાં આવી હતી. આ મામલે 4 જાન્યુઆરીએ દિલ્હી પોલીસે કેસ દાખલ કર્યો હતો, જ્યારબાદ દિશા રવિની ધરપકડ કરવામાં આવી હતી. દિશા રવિની ધરપકડ બાદ પોલીસે વધુ બે એક્ટિવિસ્ટ નિકિતા જૈકોબ અને શાંતનુની શોધખોળ શરૂ કરી છે.

અત્યાર સુધીમાં કોણ કોણ કરી ચૂક્યું છે સપોર્ટ?

દિશા રવિના પક્ષમાં ખેડૂતોની યૂનિયનોના સંયુક્ત કિસાન મોર્ચાએ અવાઝ બુલંદ કરી છે. આ સિવાય કોંગ્રેસ, લેફ્ટ, આમ આદમી પાર્ટી સહિત અલગ અલગ વિપક્ષી દળોના નેતાઓએ પણ દિશાની ધરપકડને ખોટી ગણાવી છે. કોઅલિશન ફૉર એન્વાયર્નમેન્ટલ જસ્ટિસ ઇન ઇન્ડિયાએ દેશભરના 78 એક્ટિવિસ્ટ્સ તરફથી નિવેદન જાહેર કરીને દિશાની ધરપકડની નિંદા કરી છે. કેટલાક સેલિબ્રિટીએ પણ દિશા રવિના સમર્થનમાં ટ્વિટ કર્યા છે. તો વિદેશથી પણ દિશા રવિના પક્ષમાં અવાજ ઉઠી રહ્યો છે. 

દિશા રવિના વિરોધમાં પણ છે લોકો

ભાજપના લોકો દિશા રવિની ધરપકડને યોગ્ય ગણાવી રહ્યા છે. ધરપકડના વિરોધમાં એક તર્ક એ આપવામાં આવી રહ્યો છે કે, દિશા રવિ 21 વર્ષની છે. આના પર બેંગલુરૂ સેન્ટ્રલથી ભાજપ સાંસદ પીસી મોહને લખ્યું છે કે, બુરહાન વાની 21 વર્ષના હતા. અઝમલ કસાબ 21 વર્ષના હતા. ઉંમર માત્ર એક સંખ્યા છે. કોઇ કાયદાથી ઉપર નથી. કાયદો પોતાનું કામ કરશે. ગુનો, ગુનો હોય છે. તો અનિલ વિજે ટ્વિટ કરીને દિશા રવિ પર પ્રહાર કરતા કહ્યું હતું કે, દેશ વિરોધનું બીજ મગજમાં રાખનારાઓને નાશ થાય. જ્યારે મંત્રી અનિલ વિજના ટ્વિટ પર શશિ થરૂરે કહ્યું ટૂલકિટથી વધુ લોકતંત્રને આવા નિવેદનોથી ખતરો છે. 

Burhan Wani was a 21-year-old.

Ajmal Kasab was a 21-year-old.

Age is just a number!

No one is above the law.

Law will take its own course.

A Crime is a crime is a crime is a crime.#DishaRavi pic.twitter.com/m6eRwAnMuf

— P C Mohan (@PCMohanMP) February 14, 2021

પ્રિયંકા ગાંધીએ દિશા રવિના બચાવમાં કર્યું ટ્વિટ

કોંગ્રેસ નેતા પ્રિયંકા ગાંધીએ ટ્વિટ કરીને કહ્યું કે, ડરતે હે બંદૂકો વાલે એક નિહત્થી લડકી સે, ફેલે હે હિંમત કે ઉજાલે એક નિહત્થી લડકી સે. તેમણે દિશા રવિને છોડવાની માંગ કરી. 

डरते हैं बंदूकों वाले एक निहत्थी लड़की से
फैले हैं हिम्मत के उजाले एक निहत्थी लड़की से#ReleaseDishaRavi #DishaRavi#IndiaBeingSilenced

— Priyanka Gandhi Vadra (@priyankagandhi) February 15, 2021

રાહુલ ગાંધીએ પણ દિશા રવિના સમર્થનમાં કર્યું ટ્વિટ

દિશા રવિના બચાવમાં ટ્વિટ કરતા રાહુલ ગાંધીએ લખ્યું કે, બોલ કિ લબ આઝાદ હે તેરે, બોલ કિ સચ જિંદા હૈ અબ તક! વો ડરે હે, દેશ નહીં! ભારત ચુપ નહીં રહે. 

દિશા રવિની ધરપકડને અરવિંદ કેજરીવાલે ગણાવ્યો લોકશાહી પર હુમલો

હાલમાં જ દિશા રવિની ધરપકડ પર દિલ્હીના મુખ્યમંત્રી અરવિંદ કેજરીવાલે એક ટ્વિટ કર્યું છે. જેમાં મુખ્યમંત્રીએ દિશાની ધરપકડને લોકશાહી પર હુમલો ગણાવ્યો. અરવિંદ કેજરીવાલે ટ્વટિ કરતા લખ્યું કે, 21 વર્ષની દિશા રવિની ધરપકડ કરવી લોકતંત્ર પર બહુ મોટો હુમલો છે. ખેડૂતોનું સમર્થ કરવું ગુનો નથી. કેજરીવાલવના આ ટ્વિટ પર આમ તો લોકોએ ઘણી પ્રતિક્રિયા આપી રહ્યા છે.

Arrest of 21 yr old Disha Ravi is an unprecedented attack on Democracy. Supporting our farmers is not a crime.

— Arvind Kejriwal (@ArvindKejriwal) February 15, 2021

કેજરીવાલના ટ્વિટ પર બોલીવુડ ડાયરેક્ટરે કર્યું રિએક્ટ

પરંતુ દિલ્હીના મુખ્યમંત્રીના આ ટ્વિટ પર બૉલીવુડ ડાયરેક્ટર અશોક પંડિતે પણ રિએક્ટ કર્યું છે. તેમણે અરવિંદ કેજરીવાલ પર કટાક્ષ કરતા કહ્યું કે, ઘરના સોફા વેચાયા કે નહીં હજુ સુધી? જણાવી દઇએ કે અશોક પંડિત સોશિયલ મીડિયા પર ઘણા એક્ટિવ રહે છે. તેઓ અનેક મુદ્દાઓ પર પોતાની વાત રાખતા નજરે આવે છે. તેવામાં હવે આ ટ્વિટ પણ ઘણુ વાયરલ થઇ રહ્યું છે.

#DishaRavi is one of those who has worn a mask of a environmentalist but is a terrorist who is being paid to create unrest in India .
Terrorism has many faces & Disha is one amongst them. #DishaRaviArrested

— Ashoke Pandit (@ashokepandit) February 15, 2021

અમેરિકન ઉપરાષ્ટ્રપતિની ભાણીએ પણ કર્યું ટ્વિટ

અમેરિકન ઉપરાષ્ટ્રપતિ કમલા હૈરિસની ભાણી મીના હૈરિસે સરકાર પર એક્ટિવિસ્ટ્સની અવાજ દબાવવાનો આરોપ લગાવ્યો છે. અમેરિકન સિંગર રૂપી કૌરે પણ આને લઇને ટ્વિટ કર્યું છે. બ્રિટિશ સાંસદ ક્લૉડિયા વેબે દિશાની ધરપકડની નિંદા કરતા સૌને આનો વિરોધ કરવાની અપીલ કરી છે.

Indian officials have arrested another young female activist, 21 yo Disha Ravi, because she posted a social media toolkit on how to support the farmers' protest. Read this thread about the sequence of events and ask why activists are being targeted and silenced by the government. https://t.co/ycUgDEqwdF

— Meena Harris (@meenaharris) February 14, 2021

Disha Ravi is 21 yrs

A climate activist from India she campaigns for clean air, clean water and a liveable planet

She is now facing state sanctioned violence for peacefully supporting farmers

Silence is not an option we must all condemn this act of suppression#FarmersProtest

— Claudia Webbe MP (@ClaudiaWebbe) February 14, 2021

દિશા રવિના સમર્થનમાં પી ચિદમ્બરમ, કહ્યું ભારત ઘણી કમજોર બુનિયાદ પર ઉભું છે

કોંગ્રેસના વરિષ્ઠ નેતા પી. ચિદમ્બરમ્ દ્વારા દિલ્હી પોલીસે કરેલ 'ટૂલકિટ' મામલે તપાસમાં 22 વર્ષની જળવાયુ કાર્યકર્તા દિશા રવિની ધરપકડની નિંદા કરી છે. પૂર્વ નાણામંત્રી ચિદમ્બરમે ટ્વિટ કરી જણાવ્યું છે કે જો માઉન્ટ કાર્મેલ કોલેજની 22 વર્ષની વિદ્યાર્થિની અને જળવાયુ કાર્યકર્તા દિશા રવિ દેશ માટે ખતરો બની ગઇ છે, તો ભારત ઘણો કમજોર પાયા પર ઉભો છે. 

ચિદમ્બરમે લખ્યું કે ચીની સૈનિકો દ્વારા ભારતીય વિસ્તારમાં ઘુસણખોરીની સરખામણીમાં ખેડૂતોનું વિરોધના સમર્થન માટે લાવવામાં આવેલ એક ટૂક કિટ વધારે ખતરનાક છે. ચિદમ્બરમે દિશાની ધરપકડનો વિરોધ કરતા વધુ એક ટ્વિટમાં લખ્યું છે કે 'ભારત એબ્સર્ડ થિયેટર બની રહ્યું છે અને આ દુઃખદ છે કે દિલ્હી પોલીસ છેડતીનું હથિયાર બની ગઇ છે. હું દિશાન રવિની ધરપકડની કડક નિંદા કરુ છું અને બધી વિદ્યાર્થિનીઓ અને યુવાઓને આગ્રહ કરુ છું કે તેઓ નિરંકુશ શાસન સામે અવાજ ઉઠાવે.'

ટૂલકિટનો શું છે મામલો?

• 4 ફેબ્રુઆરીએ સોશિયલ મીડિયામાં પોલીસને એક ટૂલકિટ મળી
• ટૂલકિટને ટ્વીટર પરે શેયર કરવામાં આવી હતી
• ટૂલકિટના એક ભાગમાં એક્શન પોઈન્ટ લખાયેલા હતા
• 26 જાન્યુઆરી અને હેશટેગથી ડિજીટલ સ્ટ્રાઈકના પોઈન્ટ લખાયા હતા
• ડોક્યૂમેન્ટના બીજા ભાગમાં ભારતીય દૂતાવાસને ટાર્ગેટ કરવાનો કરાયો હતો ઉલ્લેખ
• દિલ્લીમાં હિંસા થતા સાયબર પોલીસે ફરિયાદ નોંધીને તપાસ શરૂ કરી
• ગૂગલ ડોક્યુમેન્ટના એડિટર નિકીતાના વિરૂદ્ધમાં સર્ચ વોરેન્ટ ઈશ્યૂ કરાયું હતુ
• મુંબઈમાં નિકિતાના ઘરે તપાસ કરતા 2 લેપટોપ અને 1 આઈફોન મળ્યું હતું
• ખાલિસ્તાની સંગઠનના MOએ પોતાની કેનેડામાં રહેતી સહયોગીથી નિકિતાનો સંપર્ક કર્યો હતો
• 26 જાન્યુઆરીના રોજ હિંસા કરવાનો આ લોકોને પ્લાન હતો
• 11 જાન્યુઆરીએ આ હિંસા કરવા માટે મિટિંગ મળી હતી
• મિટિંગમાં નિકીતા, શાન્તનું, ઓમઓ ધાનિવાલ, સહિતના લોકો હાજર રહ્યા 
• ડોક્યૂમેન્ટને શાન્તનુના ઈમેઈલ એડ્રેસથી બનાવાયું છે
• 6 ડિસેમ્બરથી તમામ લોકો વોટ્સએપના એક ગ્રુપમાં પણ જોડાયેલા હતા
• દિશાની મિત્રે ટેલિગ્રામમાં આ ટૂલકિટને મોકલી હતી
• 13 જાન્યુઆરીએ સ્થાનિક પોલીસે દિશાની અટકાયત કરી હતી
• નિકીતા અને શાન્તનું માટે વોરન્ટ ઈશ્યૂ કરાયું