દેશમાં સ્વચ્છ ભારત અભિયાન ચાલી રહ્યું છે. એમાંય PM મોદીએ શનિવારે સવારે મહાબલીપુરમનાં તટ પર સફાઇ કરી સ્વચ્છતાં કરતાં નજરે પડ્યાં હતાં. જ્યારે કે અમદાવાદી યુવતી છેલ્લાં બે મહિનાથી 30 મિનિટ ક્લિનઅપ સ્પ્રિન્ટ નામનું કેમ્પેઇન ચલાવી રહી છે. તેણે આની શરુઆત પોતાનાથી કરી હતી. આજે તેની સાથે અનેક યુવાનો જોડાયાં છે. સાથે સાથે દેશભરનાં અલગ અલગ સિટીનાં લોકો જોડાયાં છે. શું છે 30 મિનીટ ક્લિનઅપ સ્પ્રિન્ટ....
30 મિનિટ જોગિંગ કરવા કરતાં ક્લિનઅપ સ્પ્રિન્ટ કેમ્પેઇન કરો
યુવતીને સફાઇ કરતાં જોઇ કુતરાઓ પણ સફાઇમાં જોડાયાં
યુવતીએ પોતાનાથી સ્વચ્છતાં કેમ્પેઇન શરુ કર્યું
મૂળ અમદાવાદી યુથ આઈકન બિઝનેસ વુમન શ્રુતિ ચતુર્વેદી બિઝનેસ માટે 9 મહિનાથી ગોવા સ્થાયી થઈ છે. શ્રુતિ છેલ્લાં 2 મહિનાથી એકલી રોજ ગોવાનાં અલગ અલગ બીચ પર 1 કલાક જોગિંગ માટે જાય છે. જેમાંથી 30 મિનીટ તે બીચ તથા જાહેર જગ્યાઓ પર પડેલો કચરો વીંણીને ડસ્ટબીનમાં નાંખતી હતી. આ જોઇ ઘણાં લોકો પણ તેમાં જોડાતાં ગયાં.
નવાઇની વાત એ છે કે લોકોને સ્વચ્છતાનાં આગ્રહી બનવા સમજાવવા પડે છે. બીજી તરફ આ મુંગા પ્રાણીઓ વગર કીધે શ્રુતિનાં કેમ્પેઇનમાં જોડાયાં. જી હા, ગત અઠવાડિયે શ્રુતિ જ્યારે સીરીદાઓ બીચ પર કચરો ભેગો કરી રહી હતી. ત્યારે ત્યાં રહેલાં સ્ટ્રીટ ડોગે તેને ઓબ્જર્વ કરી જોયું કે આ કેવાં પ્રકારનો કચરો ઉપાડે છે. એ બાદ આ ડોગ્સ ત્યાં પડેલો કચરો પકડીને શ્રુતિની બેગમાં નાંખવાં લાગ્યાં હતાં. જેને ફોટોમાં કંડારતા શ્રુતિ પોતાને રોકી શકી નહોંતી.
કેવી રીતે કરી શરુ થયું આ કેમ્પેઇન
શ્રુતિ રોજ 1 કલાક જોગિંગ માટે જતી હતી. તે દરમિયાન ઘણાં ટુરિસ્ટો ગમે ત્યાં કચરો ફેંકી ખૂબ ગંદકી ફેલાવતાં હતાં. આ અંગે વાત કરતાં શ્રુતિએ જણાવ્યું હતું કે 'પહેલાં હું લોકોને કચરો કસ્ટબિનમાં નાંખવાં સમજાવતી હતી. તો કેટલાંક લોકો દલીલ કરતાં કે અમે ટેક્સ ભર્યો છે. આ સાફ કરવું તંત્રનું કામ છે. એક કિસ્સામાં ફરવા આવેલાં એક પરિવારના 15 ડગલાં પર ડસ્ટબીન હોવા છતાં બીચ પર કચરો ફેંક્યો હતો. તેમને સમજાવ્યાં પણ તે ન સમસ્યાં તો મે તેમની સામે જ તે કચરો ઉઠાવી ને ડસ્ટબીનમાં નાંખ્યો. પછી મેં નક્કી કર્યું કે હવેથી હું સમજાવીશ નહીં પણ જાતે જ સાફ કરી દઇશ. બીજુ કે બીચનો કચરો દરિયામાં જવાથી તેનાં જીવોને પણ નુકશાન થતું હોય છે.'
શ્રુતિએ ગત અઠવાડિયે ઇન્સ્ટાગ્રામ અને ટ્વિટર પર પોતાના કેમ્પેઇન વિશે લખ્યું હતું. જેમાં દેશભરનાં લોકો જોડાયાં હતાં. ઘણી કોર્પોરેટ કંપની અને વેબસાઇટ પણ જોડાયી છે. આ કેમ્પેઇન હેઠળ લોકોને અપીલ કરવામાં આવી છે કે 30 મિનિટ જોગિંગ કરતા કરતાં 30 મિનિટ ક્લિનઅપ સ્પ્રિન્ટ કેમ્પેઇન હેઠળ દરેક સિટીમાં એક રવિવારે સ્વૈચ્છાએ લોકો જોડાય અને શહેરની સ્વચ્છતાં માટે 30 મિનિટ કાઢે. આ કેમ્પેઇનમાં ગોવા, અમદાવાદ, બેંગ્લોર, દિલ્હી અને બરોડાનાં લોકો જોડાયાં છે. જેઓ વારાફરતી દરેક સિટીમાં આ કેમ્પેઇન હેઠળ કામગીરી થશે.