અમદાવાદના સફાઈ કર્મીઓ હાલ હડતાળ પર ઉતર્યા છે. અમદાવાદ કોર્પોરેશન સામે રોષ ઠાલવવા માટે સફાઈ કર્મીઓએ જાણે શહેરને બાનમાં લીધું છે અને પોતાની ખુલ્લી દાદાગીરી કરી રહ્યા હોય તેમ લાગી રહ્યું છે. એક બાજુ શહેર અને દેશને સ્વચ્છ રાખવાની દેશમાં વાતો થાય છે.
સરકાર અને જનતા ખુદ પોતાના શહેર અને ગામને સ્વચ્છ રાખવાનો પ્રયાસ કરી રહી છે. પરંતુ સફાઈ કામદારો તેના પર પાણી ફેરવી દે છે. અમદાવાદથી એક વીડિયો સામે આવ્યો છે તેમાં જોવા મળી રહ્યું છે કચરો ઉપાડવાની ગાડી રોડ પરથી પસાર થઈ રહી છે અને તે કચરો તેની યોગ્ય જગ્યાએ ઠાલવવાને બદલે રોડ પર ઠાલવી રહી છે.
ઉલ્લેખનીય છે કે આવી રીતે કચરો રોડ પર નાંખવો કેટલો ઉચિત છે ? શું આ હડતાળના નામે આ દાદાગીરી નથી તો શું છે ? સફાઈકર્મીઓ બ્લેકમેલ કરી રહ્યા છે. સફાઈકર્મીઓને જે પગાર મળે છે તે જનતાના કરોડોના ટેક્સમાંથી મળે છે અને તે સફાઈ રાખવા માટે મળે છે નહીં કે ગંદકી કરવા માટે.
આ વીડિયોમાં તો સફાઈકર્મીઓ ખુદ શહેરને ગંદુ કરી રહ્યા છે. જે ખરેખર યોગ્ય નથી. બીજી તરફ સફાઈકર્મીઓની ગેરવર્તણૂક મામલે અલગ અલગ 5 ફરિયાદો અમદાવાદમાં નોંધાઈ છે. ખોખરા રામોલ કાગડાપીઠ સહિતના પોલીસ સ્ટેશનમાં જાહેર માર્ગ પર કચરો નાંખવા મુદ્દે ફરિયાદ નોંધાઈ છે.