આઇસ એજ એટલે કે હિમયુગના સમયમાં માટીનાં વાસણનો પ્રયોગ ખૂબ જ થતો હતો. જીવિત રહેવા માટે પ્રાચીન સાઇબિરિયાઇ શિકારીઓએ એવાં ગરમી પ્રતિરોધી વાસણ બનાવ્યાં છે, જેમાં તેઓ ગરમ ભોજન બનાવી શકે. આ એવાં વાસણ છે, જે આંચથી ગરમ થાય તો તૂટતાં નથી. એક અભ્યાસમાં આ દાવો કરાયો છે.
જર્નલ ક્વાર્ટનરી સાયન્સ રિવ્યૂમાં પ્રકાશિત આ અભ્યાસમાં જણાવાયું હતું કે તેનો અર્થ એ છે કે દુનિયાનાં સૌથી જૂનાં માટીનાં વાસણની ઉત્પત્તિ અંગે કોઇ એક મત નથી. સમય સમય પર આ વાસણ પર પ્રયોગ થતા રહ્યા છે. બ્રિટનની યુનિવર્સિટી ઓફ યોર્કના સંશોધકોએ કહ્યું કે અંતિમ હિમયુગ ૨૬,૦૦૦ અને ૨૦,૦૦૦ વર્ષ પહેલાં પોતાના સૌથી ગાઢ બિંદુ પર પહોંચી ગયો હતો, જેના કારણે માનવ ઉત્તર ક્ષેત્ર સહિત સાઇબિરિયાના મોટા ભાગને છોડવા માટે મજબૂર થઇ ગયો.
લગભગ ૧૯,૦૦૦ વર્ષ પહેલાં તાપમાન ધીમે ધીમે ફરી વખત ગરમ થવા લાગ્યું. તેથી નાના શિકારી સમૂહ ફરી વખત ખાલી વેટલેન્ડ્સ તરફ પરત ફરવા લાગ્યા. સંશોધકોએ પ્રાચીન સાઇબિરિયાઇ શિકારીઓના સંબંધમાં આ જાણકારી રશિયા ની અમુર નદીના તટ પર મળેલાં પ્રાચીન માટીનાં વાસણના ટુકડાનું વિશ્લેષણ કરીને પ્રાપ્ત કરી હતી. ૧૬થી ૧૨,૦૦૦ વર્ષ પહેલાં આ વાસણમાં ફેટ અને લિપિડનાં તત્ત્વ સંરક્ષિત મળી આવ્યાં હતાં.
એક નવા અભ્યાસ પરથી એમ પણ જાણવા મળ્યું છે કે દુનિયાનાં સૌથી જૂનાં માટીનાં વાસણ પૂર્વોત્તર એશિયાના ઘણા ભાગમાં ખૂબ જ અલગ રીતે બનાવવામાં આવતાં હતાં અને દર બીજું વાસણ પહેલાંની સરખામણીમાં મજબૂત અને ટકાઉ હતું.