મોંઘવારીથી હવે મોટા તો શું બાળકો પણ પરેશાન દેખાઈ રહ્યાં છે. વિશ્વાસ ના આવતો હોય તો આ મામલો વાંચી લો. આ મામલો ઉત્તર પ્રદેશનો છે, જ્યાં પહેલા ધોરણમાં ભણતી બાળકીએ વડાપ્રધાન મોદીના નામે એક પત્ર લખ્યો, જે સોશિયલ મીડિયામાં વાયરલ થઇ રહ્યો છે.
તો હવે મોંઘવારીથી બાળકો પણ થયા પરેશાન
બાળકીએ વડાપ્રધાન મોદીને લખ્યો પત્ર
પેન્સિલ, રબર અને મેગીના ભાવ વધાર્યા
હવે તો મોંઘવારી વિદ્યાર્થીઓને પણ નડી
‘મોંઘવારી ડાયન ખાય જાત હૈ’ જેવા ફિલ્મી ગીતોમાં સામાન્ય માણસના મનમાં છુપાયેલી વેદનાને સમજી શકાય છે. એવામાં જ્યારે મોંઘવારીએ મોટાથી લઇને બાળકોની કમર તોડી નાખી છે તો કન્નોજની એક વિદ્યાર્થીનીએ પીએમ મોદીને લેટર લખ્યો છે. બાળકીએ તેના પત્રમાં પેન્સિલ-રબરથી લઇને મેગી સુધીના ભાવનો ઉલ્લેખ કર્યો છે અને બાળકીનો આ પત્ર લોકોને ખૂબ પસંદ આવી રહ્યો છે.
કન્નોજમાં એક વિદ્યાર્થીનીએ પીએમ મોદીને લખ્યો પત્ર
ઉત્તર પ્રદેશના કન્નોજ જિલ્લામાં સ્થિત છિબરામઉ નિવાસી કૃતિ દુબે, સુપ્રભાષ એકેેડમીમાં ધોરણ એકમાં ભણે છે. હાલમાં કૉપી-બુક, રબર અને પેેન્સિલ બધુ મોંઘુ થયુ છે. જેનાથી પરેશાન વિદ્યાર્થીની કૃતિ દુબેએ વડાપ્રધાન નરેન્દ્ર મોદીને પત્ર લખીને તેના મનની વાત અને માતાનો ગુસ્સો બંને શેર કર્યો છે. કૃતિના પિતા વિશાલ દુબે એક વકીલ છે, જે તેની પુત્રીની લખેલી ચાર લાઈનોના કારણે સમગ્ર યુપીમાં જાણીતા બન્યા છે.
બાળકીની વેદના ‘મોદીજી તમે તો મોંઘવારી ખૂબ વધારી દીધી’
પીએમને લખેલા પત્રમાં વિદ્યાર્થીનીએ લખ્યું, મારુ નામ કૃતિ દુબે છે. હું પહેલા ધોરણમાં ભણુ છુ. મોદીજી તમે મોંઘવારી ખૂબ વધારી દીધી છે ત્યાં સુધી કે પેન્સિલ, રબર અને મેગીના ભાવ પણ વધારી દીધા છે. હવે મારી માં પેન્સિલ માગતા મને મારે છે. હું શુ કરુ. બીજા બાળકો મારી પેેન્સિલ ચોરી લે છે. આ પત્રને પરિવારે પોસ્ટ કરી દીધો. આ વાત વાયુવેગે ફેલાઈ ગઇ.
એસડીએમે મદદ માટે આપ્યું આશ્વાસન
એસડીએમ અશોક કુમારે કહ્યું, હું મારી અંગત ક્ષમતાના સ્તરે આ બાળકીની મદદ કરવા માટે તૈયાર છુ. મને આ વાતનો આનંદ હશે કે કૃતિ પોતાનો અભ્યાસ અને કોઈ પણ વસ્તુ માટે મને કહશે તો હું તાત્કાલિક તેની વાત સાંભળીે હોશિયાર બાળકીની મદદ માટે ત્યાં પહોંચી જઇશ.