MP / સ્કૂલ બસ છૂટી જતાં વિદ્યાર્થી રડતો રડતો ઘરે આવ્યો, પછી તેણે જે કર્યુ તે જાણી તમે પણ ચોંકી જશો

• મધ્યપ્રદેશના બેતુલમાં વિદ્યાર્થીએ શાળા ન જવાતાં ફાંસી લગાવી
•  શાળાએ ન જવાને કારણે ડિપ્રેશનમાં આવી ગયો
• આત્મહત્યાનું ચોક્કસ કારણ તપાસ બાદ જ જાણી શકાશે 

ધો.9માં ભણતો વિદ્યાર્થીએ શાળા ન જવાના કારણે ફાંસી લગાવીને આત્મહત્યા કરી

મધ્યપ્રદેશના બેતુલમાં ધો.9માં ભણતો વિદ્યાર્થીએ શાળા ન જવાના કારણે ફાંસી લગાવીને આત્મહત્યા કરી લીધી. આ ઘટના બેતુલના ચોપના પોલીસ સ્ટેશન વિસ્તારના આમ દોષ ગામની છે. હાલ પોલીસે આ મામલે તપાસ શરૂ કરી છે. રાહુલ સરદાર આમડોહ ગામથી 6 કિલોમીટર દૂર આવેલી ચોપનાની સરકારી શાળામાં 9મા ધોરણમાં ભણતો હતો. તે ગામના અન્ય બાળકો સાથે પેસેન્જર બસમાં શાળાએ જતો હતો. સોમવારે સવારે 9 વાગે તે ઘરેથી શાળાએ જવા નીકળ્યો હતો. સ્ટોપ પર પહોંચતા જ બસ આવી ગઈ, પરંતુ બસ ભરેલી હોવાથી કંડક્ટરે સ્કૂલના બાળકોને બેસવાની ના પાડી. જેના કારણે રાહુલ સહિત અન્ય બાળકો ઘરે પરત ફર્યા હતા.

રાહુલ શાળા ચૂકવા માંગતો ન હતો

કહેવામાં આવી રહ્યું છે કે રાહુલ સ્કૂલ મિસ કરવા માંગતો ન હતો. શાળાએ ન પહોંચી શકવાથી નારાજ રાહુલ ઘરની પાછળ ગયો. થોડીવાર પછી જ્યારે તે ન દેખાયો ત્યારે માતા તેને શોધતી શોધતી આવી, જ્યાં તે ઝાડ પર લટકતો હતો. મહત્વનું છે કે, રાહુલના પિતા મુંબઈમાં સુથારી કામ કરે છે. હાલમાં તે માત્ર મુંબઈમાં જ છે. રાહુલના કાકા કનિકનું કહેવું છે કે તેની ભાભીએ કહ્યું કે તે સ્કૂલે જતો હતો પરંતુ બસ ચૂકી ગયો અને સ્કૂલે જઈ શક્યો નહીં અને ઘરે પાછો ફર્યો. થોડી વાર પછી તેણે ઘરની પાછળ ઝાડ પર ફાંસી લગાવી લીધી.

આત્મહત્યાનું ચોક્કસ કારણ તપાસ બાદ જ જાણી શકાશે

ડો. અભિનવ શુક્લાનું કહેલું છે કે, હાલ રાહુલની આત્મહત્યા પાછળનું  ચોક્કસ કારણ તપાસ બાદ જ જાણી શકાશે. તેમણે કહ્યું કે, આજકાલ ઘણા વિદ્યાર્થીઓ અને યુવાનો હતાશાના કારણે આત્મહત્યા કરી રહ્યા છે. સોશિયલ મીડિયા પર બાળકોની વધતી જતી પ્રવૃત્તિ આના માટે મોટાભાગે જવાબદાર છે. આવી સ્થિતિમાં પરિવારે બાળકોની ગતિવિધિઓ પર ધ્યાન આપવાની જરૂર છે.ઘોડાડોંગરી પોલીસ ચોકીના ઈન્ચાર્જ રવિ શાક્યનું કહેવું છે કે મૃતકની માતાએ જણાવ્યું કે રાહુલ સવારે 9 વાગે શાળાએ જવા નીકળ્યો હતો પરંતુ તેની બસ ચૂકી ગઈ હતી અને તે ગુસ્સામાં ઘરે આવ્યો હતો અને થોડીવાર પછી ઝાડ પર લટકતો જોવા મળ્યો હતો.