ગાંધીનગરના ક્લાસવન અધિકારી મહિલાને એક સાયકો માણસ છેલ્લા બે વર્ષથી પરેશાન કરી રહ્યો છે ત્યારે મહિલાએ તુરંત જ સાયબર સેલની મદદ લઈ વ્યક્તિ સુધી પહોંચવાના પ્રયાસ કરી દીધા હતા અને હવે એ માણસ અમદાવાદના ઈસનપુરનો હોવાનું તપાસમાં ખુલ્યુ છે.
અભદ્ર મેસેજ પરથી વીડિયો ઉપર આવી ગયો
મોકલાવ્યો ફોન નંબર અને ફસાયો
ચાર ચાર ફેસબુક એકાઉન્ટ છે ફેસબુક ઉપર
ગાંધીનગર પોલીસના સેક્ટર-7 પોલીસ મથકમાં નોંધાવેલી ફરિયાદમાં 57 વર્ષના મહિલા અધિકારીએ જણાવ્યું કે, તેઓ સેક્ટર-7માં રહે છે અને સ્ટેટ સેક્રેટરીએટમાં ડેપ્યુટી સેક્રેટરી તરીકે કાર્યરત છે. ફેસબુક પર તેઓ ઉપેન્દ્ર રાવલ નામના વ્યક્તિના મિત્ર હતા.
અભદ્ર મેસેજ મોકલે છે અજાણ્યો શખ્સ
મહિલા અધિકારીએ ફરિયાદમાં જણાવ્યું, હું માત્ર તેની ફેસબુક ફ્રેન્ડ હતી અને પર્સનલમાં આ વ્યક્તિને ક્યારેય નહોતી મળી. આ વ્યક્તિએ સપ્ટેમ્બર 2018થી મને એવા એવા અભદ્ર મેસેજો મોકલવાનું શરૂ કરી દીધું હતું, જેને હું વર્ણવી પણ નથી શકતી.
વોર્નિંગ આપવા છતા ન માન્યો
આ વ્યક્તિ મહિલા અધિકારીને વારંવાર આવા અભદ્ર મેસેજ મોકલતો હોઈ તેમણે તેને આમ ન કરવા વોર્નિંગ આપી હતી. પરંતુ તેમ છતાં તે કોઈ મહિલાની પ્રતિષ્ઠાને નુકસાન પહોંચે તેવા મેસેજ મોકલતો રહ્યો. આ વ્યક્તિ વિશે પૂછપરછ કરતા માલુમ પડ્યું તે તેને ફેસબુક પર ચાર જુદા જુદા એકાઉન્ટ છે.
અમદાવાદનો છે મેનિયાક માણસ
આ પહેલા પણ તેમણે ગાંધીનગરના એસ.પીને અરજી લખીને ફરિયાદ દાખલ કરવા માટે કહ્યું હતું. આ વ્યક્તિએ 2 ઓક્ટોબર 2018 પર મહિલા અધિકારીને અભદ્ર વિડીયો મોકલ્યો હતો અને તેની સાથે પોતાનો ફોન નંબર પણ હતો. આ નંબરની ડિટેઈલ્સ તપાસ કરતા પોલીસને માલુમ પડ્યું કે આ વ્યક્તિ ઈસનપુર વિસ્તારનો રહેવાસી છે. સેક્ટર-7 પોલીસે શુક્રવારે IT એક્ટ તથા IPCની કલમ હેઠળ ફરિયાદ નોંધી છે.