સાબરકાંઠા સહકાર વિભાગની સાધારણ સભામાં તડાપીટ બાદ મામલો બીચકાતા મારામારીના દ્રશ્યો પણ સામે આવ્યા હતા.
સાબરકાંઠા સહકાર વિભાગની સાધારણ સભામાં હંગામો
સભાસદો અને બાઉન્સર વચ્ચે મારામારી
ભ્રષ્ટાચારી ડિરેક્ટર સભા છોડી ભાગ્યા
સાબરકાંઠાના સહકાર વિભાગની સાધારણ સભા આજે યોજાઇ હતી. જેમાં ભ્રષ્ટાચારના આરોપ લાગ્યા બાદ સામાન્ય સભા તોફાની બની હતી. આ દરમિયાન સ્થાનિક સભાસદો અને બાઉન્સરો વચ્ચે છૂટા હાથની મારામારી થતા આ મુદ્દો ટોક ઓફ ધ ટાઉન બન્યો હતો. તોફાની સામાન્ય સભાના મારામારીના દ્રશ્ય કેમેરામાં કેદ થયા હતા. બીજી તરફ સહકાર વિભાગ આ ઘટનાને લઇને શરમજનક સ્થિતિમાં મુકાયો હતો.
23 શાખાને જીન મંડળીમાં ઉમેરાતા વિરોધનો મધપુડો છંછેડાયો
સાધારણ સભા કહેવા માટે જ સાધારણ હોય છે. પણ મોટા ભાગની સામાન્ય સભા દેકારા અને આક્ષેપો પ્રતિઆક્ષેપો વચ્ચે જ સમેટાતી હોય છે. આવી જ એક સામાન્ય સભા
સાબરકાંઠામાં યોજાઇ હતી. ભ્રષ્ટાચારમાં દૂર કરાયેલા ઈડર જીન ડિરેક્ટર દ્વારા આજે સાધારણ સભા બોલાવવામાં આવી હતી. જેમાંથી મોટાભાગની મંડળીઓ અને સભાપદો ભ્રષ્ટાચારી ડિરેક્ટરના વિરોધમાં હતા. તેમાં ફળ ફળાદી મંડળીની 23 શાખાને જીન મંડળીમાં ઉમેરાતા વિરોધનો મધપુડો છંછેડાયો હતો અને એ જ કારણથી હંગામો થયો હતો. જેને લઇને ઉત્તર ગુજરાતની સૌથી વધુ ઉત્પાદન આપતી જીનમાં વધુ એક કૌભાંડની આશંકા સેવાઇ રહી છે.
ભ્રષ્ટાચારી ડિરેક્ટરોને ભીંસ પડતા તેને સભા છેડીને ભાગ્યા
ત્યાંરબાદ તમામ મુદ્દા નામંજૂર થતાં મામલો બિચક્યો હતો. જ્યાં સાધારણ સભામાં બાઉન્સર બોલાવતાની સાથે જ મામલો ગરમાયો હતો અને આ દરમિયાન સ્થાનિક સભાસદો અને બાઉન્સરો વચ્ચે આડેધડ મારામારી પણ થઈ હતી.અને ભ્રષ્ટાચારી ડિરેક્ટરોને ભીંસ પડતા તેને સભા છેડીને નાશી જવાની નોબત આવી હતી.