NEET પરીક્ષા / પેપરનો સમય પૂરો થવા છતાં વિદ્યાર્થીઓને ન છોડતા સુરતમાં વાલીઓનો હોબાળો 

સુરતમાં NEETની પરીક્ષા દરમ્યાન હોબાળો થયો છે. કામરેજની વશિષ્ઠ વિદ્યાલયમાં હોબાળો થયો છે. પેપરનો સમય પૂરો થવા છતાં વિદ્યાર્થીઓને ન છોડવામાં આવતા વાલીઓએ હોબાળો કર્યો છે. હિન્દીના વિદ્યાર્થીઓને ગુજરાતીનું પેપર આપવામાં આવ્યુ હતું. જ્યારે ગુજરાતી વિદ્યાર્થીને હિન્દીનું પેપર આપતા મોડુ થયું હતું. હિન્દીના વિદ્યાર્થીઓ ફરી સમય બદલતા પરીક્ષા આપી છે. હિન્દીના વિદ્યાર્થીઓનો સમય 2થી 5 બદલીને 5થી 8 કરવામાં આવ્યો હતો.

મહત્વનું છે કે દેશભરમાં નીટની પરીક્ષા યોજાઈ હતી. જેમાં ગુજરાતમાંથી પણ 80 હજાર જેટલા વિદ્યાર્થીએ રાજ્યના વિવિધ સેન્ટરો પર પરીક્ષા આપી હતી. તો દેશભરમાંથી આશરે 13 લાખ વિદ્યાર્થીઓએ આ પરીક્ષા આપી હતી. ગુજરાતમાં અમદાવાદ, વડોદરા, રાજકોટ અને સુરત સહીતના શહેરોમાં પરીક્ષા યોજાઈ હતી.

પરીક્ષામાં લગભગ તમામ પેપર સરળ રહ્યાં હોવાની વિદ્યાર્થીઓએ પ્રતિક્રિયા આપી હતી. જ્યારે બાયોલોજીમાં કેટલાક પ્રશ્નો ટફ હોવાનું વિદ્યાર્થીઓએ જણાવ્યુ હતું. જોકે આ પરિક્ષામાં 180 પ્રશ્નો પુછવામાં આવ્યા હતા. 180 પ્રશ્નોની 720 માર્કસની પરીક્ષા લેવામાં આવી. જેમાં ફિઝિક્સના 45, કેમેસ્ટ્રીના 45, બાયોલોજીના 90 પ્રશ્નોનો સમાવેશ થાય છે.