ક્ચ્છના માંડવીના શીરવામાં ધુળેટીના પર્વ પર ખૂની ખેલ ખેલાયો છે. આ ઘાતક હુમલામાં પિતાની હત્યા થઇ છે. જયારે પુત્ર ઘાયલ થયો છે. એક જ સમાજના 2 પરિવારો વચ્ચે લોહિયાળ જંગ ખેલાયો છે.
કચ્છના માંડવીમાં ધુળેટીના પર્વ પર ખૂની ખેલ
ઘાતક હુમલામાં પિતાની હત્યા, પુત્ર ઘાયલ
તાપી નદીમાં નાવ પલટી, 1 બાળકીનું મોત
સરકારી જમીન પર ઘેટા-બકરાના વાડાના વિવાદમાં હત્યા થઇ છે. આ હત્યા બાદ આરોપીઓ ફરાર થઇ ગયો છે. માંડવી પોલીસે આ મામલે વધુ તપાસ હાથ ધરી છે.
રાજકોટમાં મારામારી
તો આ તરફ, રાજકોટના જેતપુરની દરજી સોસાયટીમાં પરપ્રાંતીય શ્રમિકો અને સ્થાનિકો વચ્ચે મારામારી થઇ છે. રહેણાંક વિસ્તારમાં આવેલા કારખાનામાં તેઓ કામદારો કામ કરે છે. ધુળેટીને લઈને દારૂ પીને તેઓએ રહેણાંક વિસ્તારમાં ધમાલ કરી હતી. વારંવાર ઘર પાસેથી નહિં નીકળવા સમજાવતા મારામારી થઇ છે. જેમાં આ શ્રમિકોએ 3 સ્થાનિક લોકો પર ધોકા-પાઇપ વડે હુમલો કર્યો હતો. જેમાં ઇજાગ્રસ્તોને સારવાર માટે જૂનાગઢ ખસેડવામાં આવ્યા હતાં. પોલીસે ઘટનાસ્થળે પહોચીને વધુ તપાસ હાથ ધરી છે.
તાપી નદીમાં 3 યુવકો ડૂબ્યા
સુરતના માંડવી નજીક તાપી નદીમાં 3 યુવકો ડૂબી ગયા છે. રામેશ્વર મંદિર નજીક તાપી નદીમાં યુવકો નાહવા ગયા હતાં. બે યુવાનોના મૃતદેહ મળી આવ્યા એકની શોધખોળ ચાલુ છે. મૃતક યુવાનો સુરતના વરાછા વિસ્તાર રહેવાસી છે. માંડવી ફાયર તેમજ માંડવી પોલીસ ઘટના સ્થળે પહોચ્યું છે.
તાપી નદીમાં હોડી પલટી
તાપી જિલ્લાના સુંદરપુર અને ભીતખુર્ડ ગામના એકજ પરિવારના 13 જેટલા સબંધીઓ ધુળેટીના પર્વને પગલે તાપી નદીમાં ફરવા ગયા હતા, જ્યાં ભારે પવન ને કારણે હોડી પલટી જતા એક બાળકી સહિત બે લોકોના મોત નિપજ્યા છે. આ સાથે અન્ય 6 જેટલા લોકોને સલામત રીતે બહાર કાઢી લેવામાં આવ્યા છે અને અન્ય 5 જેટલા લોકોની હજુ પણ શોધખોળ યથાવત છે, ઘટનાને પગલે ઉચ્ચ પોલીસ અધિકારીના કાફલા સહિત વહીવટી તંત્ર અને સ્થાનિક ધારાસભ્ય પણ ઘટના સ્થળે પોહચી ગયા હતા.