અમદાવાદઃ આંબાવાડીમાં યુવતીની છેડતી મામલે 2 જૂથ વચ્ચે અથડામણ 2 બાઇકને આગચંપી

અમદાવાદઃ શહેરના આંબાવાડી વિસ્તારમાં મોડી રાત્રે અથડામણની ઘટના સામે આવી છે. આંબાવાડી વિસ્તારમાં બે જૂથ વચ્ચે અથડામણ સર્જાઇ છે. યુવતિની છેડતી મામલે અથડામણ થતાં બે જૂથ સામસામે આવી ગયા હતા. ઉશ્કેરાયેલા ટોળાએ 2 મોટરસાઇકલને આગ ચંપી કરી હતી. 

મહત્વનું છે કે ટોળાને વિખેરવા માટે પોલીસ ઘટના સ્થળે પહોંચી હતી. ઉગ્ર ટોળાએ પોલીસ પર પણ પથ્થરમારો કર્યો છે. આ સાથે અથડામણ સ્થળ પર ફાયરવિભાગ પણ પહોંચી ગયું હતું.

જો કે ફાયર કર્મીઓ વાહનોને લાગેલી આગને કાબૂમાં લેવાના પ્રયાસો હાથ ધર્યા છે. જ્યારે પોલીસ પણ આ ટોળાને કાબૂમાં લેવા માટે ટીયરગેસના સેલ છોડ્યા હતા.

પોલીસ દ્વારા ટોળાને શાંત પાડવાના પ્રયત્નો કરાઇ રહ્યા છે. ત્યારે હાલ તો વધુ તપાસ પોલીસ દ્વારા હાથ ધરવામાં આવી રહી છે.