રાજકોટ / ઉત્તરાયણના દિવસે RMC વેસ્ટ ઓફિસ પાસે લાકડી અને પથ્થરો સાથે સામ-સામે છૂટા હાથે મારામારી

• રાજકોટની RMC વેસ્ટ ઓફિસ પાસે જુથ અથડામણ 
• ઉતરાયણના દિવસે થઈ હતી મારામારી
• લાકડી અને પત્થરોના કરાયા છુટા ઘા

હાલ છેલ્લા ઘણા સમયથી મુખ્યમંત્રીનું શહેર રાજકોટ ચર્ચામાં જોવા મળી રહ્યું છે. હાલમાં જ શહેરમાં આયુષ્યમાન કૌભાંડનો મામલો સામે આવ્યો હતો. જેમાં સવાલો ઉઠ્યા હતા કે કૌભાંડ મામલે કેમ ફરિયાદ નોંધાતી નથી?

રાજકોટમાં દિવસને દિવસે જૂથ અથડામણનો કિસ્સાઓમાં વધારો થઇ રહ્યો છે. રાજકોટ મ્યુનિસિપલ કોર્પોરેશન વેસ્ટ ઓફિસ પાસે વધુ એક જૂથ અથડામણ થયું છે. જેમાં બે જૂથ આમને-સામને જોવા મળ્યાં હતા. 

બે જૂથ વચ્ચે લાકડી અને પત્થરોનાં છૂટા ઘા કરવામાં આવતા લોકોને સામાન્ય ઇજા પહોંચી છે. આ ઘટનાની જાણ થતાં પોલીસ ઘટના સ્થળે પહોંચી છે. પોલીસે ટોળા સામે ગુનો નોંધીને આગળની કાર્યવાહી હાથ ધરી છે.