વડોદરાઃ ચૂંટણીની અદાવત રાખી એકજ કોમના બે જૂથ વચ્ચે ઘમાસાણ 11 લોકોને ઇજા

વડોદરાઃ પાદરામાં એક જ કોમના બે જૂથ વચ્ચે જૂથ અથડામણ થયું છે. અથડામણમાં 5 મહિલા સહિત કુલ 11 લોકોને ઇજા થઇ છે. 5 ઇજાગ્રસ્ત મહિલાઓ પૈકી એક સગર્ભાને ઇજા પહોંચી છે. ઇજાગ્રસ્તોને પાદરા સામૂહિક આરોગ્ય કેન્દ્રમાં ખસેડાયા છે. અને પાદરા પોલીસે ઘટનાસ્થળે પહોંચી વધુ તપાસ હાથ ધરી છે.

મહત્વનું છે કે આ અથડામણ ચૂંટણીની અદાવાતમાં થઇ હતી. આ બનાવને લઇ સમગ્ર વિસ્તારમાં પોલીસનો બંદોબસ્ત ગોઠવી દેવામાં આવ્યો હતો. ગત ચૂંટણીમાં મત આપવા અને પ્રચાર કરવાને લઇ માથાકૂટ થઇ હતી.

પરંતુ ત્યારબાદ મામલો શાંત પડી ગયો હતો. પરંતુ બન્ને જૂથ એકબીજાનો બદલો લેવાની ફિરાકમાં હતા. જેને લઇ બન્ને વચ્ચે ફરી ઝઘડો થયો હતો. જેને મોટું સ્વરૂપ ધારણ કરતા મારામારી સર્જાઇ હતી. જેને લઇ આ બનાવ બન્યો હતો.