જમ્મુ / જમ્મુ-કાશ્મીરમાં સેનાને મોટી સફળતા, કઠુઆમાં જૈશ-એ-મોહમ્મદના બે ટોપ કમાન્ડર ઠાર

જમ્મુ પ્રદેશના કઠુઆ જિલ્લામાં સુરક્ષાબળોને આતંકવાદ સામે મોટી સફળતા મળી છે. સુરક્ષાબળોએ બે આતંકીઓને ઠાર કર્યા છે. આ બે આતંકી જૈશ-એ-મોહમ્મદના ટોપ કમાન્ડર હતા. તેમનાં પાસેથી એક રાઇફલ અને દારુ-ગોળો મળી આવ્યા છે. ઘર્ષણ હજુ ચાલુ જ છે.આતંકીઓ સામેનું આ ઓપરેશન કઠુઆના ખાનદારામાં ચાલી રહ્યું છે.

અલગ-અલગ વિસ્તારોમાં ઓપરેશન ચાલી રહ્યા છે

જમ્મુ પ્રદેશમાં હાજર આતંકીઓની શોધખોળ અને તેમને ખતમ કરી નાંખવા માટે સુરક્ષાબળોની ટીમો અલગ-અલગ વિસ્તારોમાં સતત ઓપરેશન ચલાવી રહી છે. આ ઓપરેશન ભારતીય સેનાની, સી.આર.પી.એફ. અને જમ્મુ-કાશ્મીર પોલીસની સંયુક્ત ટીમો દ્વારા કરવામાં આવી રહ્યું છે. જે અંતર્ગત કઠુઆમાં પણ ઓપરેશન ચાલી રહ્યું હતું.

આતંકીઓની હાજરી અંગે ગુપ્ત સૂચના મળી હતી

ખાનદારામાં આતંકીઓની હાજરી અંગે ગુપ્ત સૂચના મળી હતી. આતંકીઓની હાજરી અંગે મળેલી સૂચના પર સુરક્ષાબળોએ વિસ્તારને ઘેરવા શરૂ કર્યું. આ દરમિયાન, આતંકીઓએ પોતાને ઘેરાતા જોઈને ફાયરિંગ શરૂ કર્યું. જે બાદ સામ-સામે ઘર્ષણ થયું. ઘણા કલાકો સુધી ચાલી રહેલા આ ઘર્ષણમાં 2 આતંકીઓ માર્યા ગયા.

આતંકીઓને ઠાર કરવા સુરક્ષાબળો માટે મોટી સફળતા

આ આતંકીઓને ઠાર કરવા સુરક્ષાબળો માટે મોટી સફળતા છે કઠુઆ જિલ્લામાં આ સંવેદનશીલ વિસ્તારમાં સુરક્ષાબળોને આ મોટી સફળતા મળી છે. વરસાદ અને કઠિન ભૂગોળની પરિસ્થિતિઓ વચ્ચે, સુરક્ષાબળોએ આતંકવાદીઓ સુધી પહોંચી તેમને ખતમ કર્યા. . ઠાર કરાયેલા આતંકીઓ પાસેથી સુરક્ષાબળોને મોટા પાયે દારુ-ગોળો તેમજ રાઇફલ મળી છે. આ વિસ્તારમાં જૈસ-એ-મોહમ્મદના બે ટોપ કમાન્ડરને ઠાર કરવા સુરક્ષાબળો માટે મોટી સફળતા છે. સીમા પારથી સતત જમ્મુ પ્રદેશમાં અશાંતિ ફેલાવાનું ષડયંત્ર રચાઇ રહ્યું છે. આ માટે પાકિસ્તાન આતંકીઓને મદદ કરી રહ્યો છે. જમ્મુ પ્રદેશમાં ઘણા આતંકીઓ સક્રિય છે.

આ પણ વાંચોઃ બિગ બોસ ફેમ એલી અવરામના બિકીનીમાં સિઝલિંગ પોઝ, બોલ્ડ ફોટો સોશિયલ મીડિયા પર વાયરલ

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ