જી20 સમિટમાં કેનેડાના પીએમ જસ્ટિન ટ્રુડો સાથે ખરાબ રીતે વાત કરી રહેલા રાષ્ટ્રપતિ જિનપિંગનો વીડિયો સામે આવ્યા બાદ ચીન હરકતમાં આવ્યો છે અને આ મુદ્દે સ્પસ્ટતા આપી છે.
જી20માં જિનપિંગે જસ્ટિન ટ્રુડો સાથે તોછડાઈથી વાત કરી હતી
વીડિયો સામે આવ્યાં બાદ ચીન હરકતમાં આવ્યો
સ્પસ્ટતા આપતાં કહ્યું કે વીડિયોમાં જિનપિંગે કોઈનો વાંક કાઢ્યો નથી
કેનેડા પીએમ ટ્રુડો અને જિનપિંગ વચ્ચે જી20માં થઈ હતી વાતચીત
વાતચીતનો વીડિયો સામે આવતા દુનિયાભરમાં જિનપિંગની થઈ ટીકા
ઇન્ડોનેશિયાના બાલીમાં જી-20 શિખર સંમેલન દરમિયાન ચીનના રાષ્ટ્રપતિ શી જિનપિંગ અને જસ્ટિન ટ્રૂડો વચ્ચે થયેલી વાતચીત પર બેઇજિંગની આ પ્રતિક્રિયા આવી છે. ચીનના વિદેશ મંત્રાલયે એક નિવેદન જાહેર કરીને કહ્યું છે કે, શી ટ્રુડો સાથેની વાતચીતના વીડિયોમાં કોઈની ટીકા કે આરોપ નથી લગાવી રહ્યા. વાસ્તવમાં જિનપિંગે કેનેડાના વડાપ્રધાન જસ્ટિન ટ્રૂડો સાથેની મુલાકાતમાં નારાજગી વ્યક્ત કરી હતી કે તેમની અગાઉની મુલાકાતમાં થયેલી વાતચીત મીડિયામાં લીક થઈ ગઈ હતી. આ સમગ્ર ઘટના ટીવી કેમેરામાં કેદ થઇ ગઇ હતી, જેમાં જોવા મળ્યું હતું કે, જિનપિંગ ટ્રુડોથી નારાજ છે અને મીડિયા લીક સામે વાંધો ઉઠાવી રહ્યા છે.
Chinese President Xi Jinping wasn't criticising Canada PM Justin Trudeau in a video shot on sidelines of G20 summit in Bali
"I don't think that should be interpreted as Xi Jinping criticising or blaming anyone" reports AFP News Agency citing China's foreign ministry spokeswoman
જિનપિંગે જે રીતે વાત કરી તેની દુનિયાભરમાં ટીકા
જિનપિંગના આ વલણની દુનિયાભરમાં ટીકા થઈ હતી. જેના કારણે ચીનના રાષ્ટ્રપતિને ઘણી શરમ આવી હતી. જિનપિંગની જાહેરમાં વાત કરવાની રીત પર સવાલો ઉઠી રહ્યા હતા. આ સમગ્ર ઘટના અંગે સ્પષ્ટતા કરતા ચીનના વિદેશ મંત્રાલયે કહ્યું કે, "શી અને ટ્રુડોવાળા વીડિયોમાં કોઈની પણ ટીકા કે આરોપ નથી લગાવી રહ્યા. ચીનના વિદેશ મંત્રાલયના પ્રવક્તાએ જણાવ્યું હતું કે, "મને નથી લાગતું કે તેનું અર્થઘટન શી જિનપિંગની ટીકા કરવા અથવા દોષી ઠેરવવા તરીકે થવું જોઈએ.
જિનપિંગ અને કેનેડા પીએમ ટ્રુડો વચ્ચે શું થયું હતું
ચીનના રાષ્ટ્રપતિએ જી -20 બેઠકના સમાપન સત્રની બાજુમાં એક અનુવાદક દ્વારા ટ્રુડોને કહ્યું હતું કે, "અમે જે પણ ચર્ચા કરીએ છીએ તે અખબારમાં લીક થઈ જાય છે. તે યોગ્ય નથી. "આ વાતચીત કરવાની રીત નથી. જો ગંભીરતા હોય તો આપણે સારી વાતચીત કરી શકીએ છીએ, નહીં તો તે મુશ્કેલ બનશે. જિનપિંગે આ વાત ચીની ભાષામાં કહી હતી, જેનો અંગ્રેજીમાં અનુવાદ કરવામાં આવ્યો હતો અને તેમના સત્તાવાર અનુવાદકે ટ્રુડોને કહ્યું હતું.
The Cdn Pool cam captured a tough talk between Chinese President Xi & PM Trudeau at the G20 today. In it, Xi express his displeasure that everything discussed yesterday “has been leaked to the paper(s), that’s not appropriate… & that’s not the way the conversation was conducted” pic.twitter.com/Hres3vwf4Q
ટ્રુડોએ કહ્યું હતું અમે અભિવ્યક્તિની આઝાદીમાં માનીએ છીએ
ટ્રુડોએ જવાબ આપતા કહ્યું હતું કે અમે મુક્ત, ખુલ્લા અને નિખાલસ સંવાદમાં વિશ્વાસ રાખીએ છીએ અને તે જ અમે કરવાનું ચાલુ રાખીશું.અમે સર્જનાત્મક રીતે સાથે મળીને કામ કરવાનું ચાલુ રાખીશું પરંતુ એવી વસ્તુઓ હશે કે જેના પર આપણે અસંમત થઈશું. આના પર ચીનના રાષ્ટ્રપતિ જિનપિંગે કહ્યું કે, "પહેલા અમે પરિસ્થિતિઓનું નિર્માણ કરીએ છીએ", જે પછી બંનેએ હાથ મિલાવ્યા અને અલગ અલગ દિશામાં ચાલ્યા ગયા.