NCP અધ્યક્ષ શરદ પવારની હત્યાનુંકાવતરુની ઘટના સામે આવી છે. NCP કાર્યકર્તા લક્ષ્મીકાંત ખાબિયાએ આ મુદ્દે પોલીસ સ્ટેશનમાં ફરિયાદ કરી છે. ત્યારે રાજકીય બેડામાં તેમને કોણ મારવા માંગે છે એ અંગે ચર્ચા જાગી છે. ફરિયાદ નોંધાતા પોલીસે તપાસ હાથ ધરી છે. ત્યારે NCP કાર્યકર્તાએે આ અંગે પુરાવા પણ આપ્યાં છે.
ખાબિયાએ પોલીસને કેટલાક પુરાવા તરીકે સ્ક્રિન શોટ પણ આપ્યા
રાષ્ટ્રવાદી કોંગ્રેસ પાર્ટીના અધ્યક્ષ શરદ પવારની હત્યાનુંકાવતરુ રચવાનો દાવો કરવામાં આવ્યો છે. આ અંગે શિવાજીનગર પોલીસ સ્ટેશનમાં ફરિયાદ પણ નોંધાઈ છે. આ ફરિયાદ NCP કાર્યકર્તા લક્ષ્મીકાંત મોહનલાલ ખાબિયાએ કરી છે.
ખાબિયાએ એન્ટિ પવાર પોસ્ટને લઈ ચાલતી યુટ્યૂબ ચેનલ અને બે યુટ્યૂબર પર ફરિયાદ કરી છે. ખાબિયાએ પોતાની ફરિયાદમાં અમુક સ્ક્રિન શોટ સહિત 19 દસ્તાવેજો પણ પોલીસને આપ્યા છે.
ઉલ્લેખનીય છે કે થોડાક સમય પહેલા મહારાષ્ટ્રનાં NCP પ્રમુખ શરદ પવાર સહિત અનેક નેતાઓના ફોન ટેપીંગનો મામલો સામે આવ્યો હતો. લોકસભામાં શરદ પવાર અને ઉદ્ધવ ઠાકરેના ફોન ટેપીંગ થયા હોવાનો આરોપ મહારાષ્ટ્રના ગૃહમંત્રી દ્વારા લગાવવામાં આવ્યો હતો.