નારાજગી / અમિત શાહની પાટીદારો સાથે મુલાકાત બાદ સી.કે પટેલ અને નીતિન પટેલનું મોટું નિવેદન

મળતી માહિતી મુજબ આર.પી પટેલના નિવાસસ્થાને જઈ અમિત શાહે ચર્ચા કરી હતી. મહત્વનું છે કે ટિકિટ વહેંચણીને લઈને પાટીદાર આગેવાનોમાં ભાજપ સામે નારાજગી જોવા મળી હતી.
સી.કે પટેલનું નિવેદન

આ મામલે વિશ્વ ઉમિયા ફાઉન્ડેશનના અધ્યક્ષ સી.કે પટેલે પત્રકાર પરિષદ યોજી હતી. જેમાં તેમણે કહ્યું કે, પાટીદાર સમાજના અગ્રણીઓ સાથે અમિત શાહે શુભેચ્છા મુલાકાત લીધી હતી. ખોડલધામ અને ઉમિયાધામના અગ્રણીઓ હાજર રહ્યા હતા. અમિત શાહ, CM, DyCM હાજર રહ્યા હતા.

DyCM નીતિન પટેલનું નિવેદન

વિશ્વ ઉમિયા ફાઉન્ડેશન મામલે DYCM નીતિન પટેલે મહત્વનું નિવેદન આપ્યું હતું. જેમાં તેમણે કહ્યું કે, વિશ્વ ઉમિયા ફાઉન્ડેશનને સરકાર દ્વારા સંપૂર્ણ સહયોગ અપાયો. ગઈકાલે અમિત શાહની મુલાકાત માટે સામેથી સૂચન કરાયુ હતું. આર.પી. પટેલના ઘરે મુલાકાત કરાઈ હતી. પાટીદાર સમાજ નારાજ નથી. પાટીદાર સમાજને આ વખતે વધુ ટિકિટ અપાઇ છે. 26 બેઠકમાં દરેક સમાજને ધ્યાને રાખી ટિકિટ આપવાની હોય છે.