જાગૃતિ / 18 વર્ષ પહેલા શારીરિક સંબંધો મામલે CJIએ આપ્યું મોટું નિવેદન, સહમતીને લઈને જુઓ શું કહ્યું

• ચીફ જસ્ટિસ ચંદ્રચૂડ Pocso એક્ટનાં કાર્યક્રમમાં રહ્યાં હાજર
• બાળકોની જાતિય સતામણી પર ન્યાયાધીશોને કરી વાત
• 18 વર્ષથી નાની ઉંમરનાં લોકો વચ્ચે સેક્સ અંગેનો કાયદો જણાવ્યો

CJI મુખ્ય જજ ડી.વાય ચંદ્રચૂડે કહ્યું કે બાળકોનાં જાતિય શોષણ એક છૂપાયેલી કે ગુપ્ત સમસ્યા છે કારણે કે અહીંયા મૌનની સંસ્કુતિ છે. તેથી સરકાર દ્વારા પરિવારોને દુર્વ્યવહારની ફરિયાદ નોંધાવા માટે પ્રોત્સાહિત કરવું જોઇએ પછી ભલે અપરાધી તે પરિવારનો સદસ્ય જ કેમ ન હોય.

POCSO એક્ટ પર જસ્ટિસ ચંદ્રચૂડ બોલ્યાં
જાતિય અપરાધોથી બાળકોનાં સંરક્ષણનાં કાયદા પર 2 દિવસિય રાષ્ટ્રીય કાર્યક્રમમાં મુખ્ય ન્યાયાધીશે કહ્યું કે એક દુર્ભાગ્ય તથ્ય છે કે આપરાધિક ન્યાય પ્રણાલી એવી રીતે કાર્ય કરે છે જેનાથી ક્યારેક ક્યારેક પીડિતોનાં આઘાત વધી જાય છે  તેથી કાર્યપાલિકાએ આવું થતાં રોકવા માટે ન્યાયાલય સાથે હાથ મળાવવું જરૂરી છે.

Safe Touch-  Unafe Touch

બાળ જાતિય શોષણનાં લંબિત મામલોને ઘ્યાનમાં રાખીને રાજ્ય અને અન્ય હિતધારકો માટે બાળ યૌન શોષણની રોકથામ અને તેનું સમય પર ઓળખ અને કાયદામાં તેના માટેનાં ઉપાયો વિશેની જાણકારી - જાગૃતતા પેદા કરવી અનિવાર્ય બને છે. બાળકોને Safe Touch અને Unafe Touchની વચ્ચે અંતર શીખવાડવું જોઇએ.

Good touch-Bad touch
તેમણે કહ્યું કે પહેલા તેને Good touch અને  Bad touch માનવામાં આવતું હતું. બાળ અધિકાર કાર્યકર્તાઓએ માતા-પિતાને આગ્રહ કર્યો કે તે સુરક્ષિત અને અસુરક્ષિત શબ્દોનો ઉપયોગ કરે કારણ કે સારાં-ખરાબ શબ્દોનો નૈતિક પ્રભાવ પડે છે અને તે દુર્વ્યવહારની રિપોર્ટ કરવાથી રોકી શકે છે.

દુર્વ્યવહાર વિરોધ ફરિયાદ નોંધાવા પ્રોત્સાહન જરૂરી...
તેમણે જણાવ્યું કે આ બધાંથી ઉપર એ સુનિશ્ચિત કરવાની જરૂર છે કે પરિવારનાં સન્માનને બાળકનાં સર્વોત્તમ હિતથી પણ ઉપર મહત્વ ન આપવામાં આવે. તેમણે વધુમાં કહ્યું કે સરકારે પરિવારોને દુર્વ્યવહાર વિરોધી ફરિયાદ નોંધાવવા માટે પ્રોત્સાહિત કરવું જોઇએ પછી અપરાધી ભલે પરિવારનો સદસ્ય જ હોય.

સેક્સ માટે સ્વીકૃત ઉંમરની પણ વાત કરી
ન્યાયાધીશે પોક્સો કાનૂન અંતર્ગત સેક્સ માટે સ્વીકૃત ઉમરને લઇને વધી રહેલી ચિંતા પર વિચાર કરવાનો આગ્રહ કર્યો. તેમણે કહ્યું કે તમે જાણો છો કે પોક્સો કાયદો 18 વર્ષથી નાની ઉંમરનાં લોકોની વચ્ચે જાતિય કૃત્યને ગુનાહિત જણાવે છે ભલે તે સગીરોની વચ્ચે સહમતિથી થયું હોય. કારણકે કાયદાની ધારણા છે કે 18 વર્ષથી નાની ઉંમરનાં લોકોની વચ્ચે કોઇ સહમતિ હોતી નથી.