માગ / હવે રાજ્યમાં આ કાયદાને હટાવવા ઝૂંબેશ શરૂ, દર વર્ષે 25 કરોડના નુકસાનનો દાવો

• ગુજરાતમાં દારૂબંધી હટાવવા શરૂ થઇ ઝુંબેશ
• નાગરીક અધિકાર રક્ષા સમિતિએ કરી માંગ
• દારૂબંધી નિતિમાં પુન:વિચાર કરવા કરી માંગ

રાજ્યમાં દારૂબધી છે, ત્યારે હવે ગુજરાતમાં દારૂબંધી હટાવવા ઝુંબેશની શરૂઆત થઈ છે. આ ઝુંબેશની શરૂઆત નાગરીક અધિકાર રક્ષા સમિતિએ દ્વારા કરવામાં આવી છે. ત્યારે આજે નાગરિક અધિકાર રક્ષા સમિતિ દ્વારા પોસ્ટર અને બેનરો સાથે અમદાવાદ કલેક્ટરને આવેદનપત્ર આપી દારૂબંધી નિતિમાં પુનઃવિચાર કરવા માંગ મુદે આવેદન પાઠવ્યુ હતું.

સાથે સાથે રાજ્યમાં દારૂબધી નાબુદી માટે કુલ પાંચ મુદ્દાની માંગણી જેમકે પાંચ વર્ષથી દારૂ વેચતા લોકોને કાયદેસર લાયસન્સ આપવા માગ કરી હતી. તેમજ ગુજરાતના નાગરીકો પર થયેલા દારૂ પીવાના અને વેચવાના કેસ પરત ખેંચવા તથા સજા માફ કરવા માંગ કરવામાં આવી હતી. તેમજ દારૂબંધીથી ગુજરાતને વર્ષે 25 કરોડના નુકસાનનો અને દારૂબંધીના કારણે પ્રવાસન ઉદ્યોગને કરોડોનું નુકસાન રાજ્યમાં થવાનો દાવો પણ નાગરીક અધિકાર રક્ષા સમિતિ દ્વારા કરવામાં આવ્યો હતો.

ગુજરાતમાં દારૂ વેચાવો જોઈએઃ શંકરસિંહ

આ અગાઉ પૂર્વ મુખ્યમંત્રી અને NCPના નેતા શંકરસિંહ વાઘેલાએ કહ્યું હતું કે, ગુજરાતમાં દારૂ વેચાવો જોઇએ. આદિવાસી વિસ્તારમાં મહુડાના ફુલ, જુવાર, ચોખા, મોલાસીસનો દારૂ વેચાવો જોઇએ. આ દારૂના વેચાણથી આદિવાસીઓનું જીવન ધોરણ સુધરશે.

શંકરસિંહે કહ્યું કે, આદિવાસી સમાજ દુઃખી છે, આજે પણ લોકો ભૂખ્યા છે, ગ્રેજ્યુએટ દીકરાઓ બેકાર છે. ત્યારે આ સમાજના ગ્રેજ્યુએટ છોકરાઓને દારૂ વેચવાનું લાયસન્સ આપો. જુવાર, મહુડા, ચોખા, મોલાસીસ જ્યાંથી પણ બને, લોકો નવસારીનું કેમિકલનું દારૂ પીને મરી જાય છે. તો સારી બ્રાન્ડનો દારૂ આપો. જેનાથી સમાજ સુખી થાય અને તેના બાળકો પણ સુખી થાય.