ગુજરાતમાં કોરોના વાયરસ બેકાબૂ બન્યો છે. તો આ તરફ અમદાવાદ સિવિલ હોસ્પિ.ના સ્પે.સુપરિટેન્ડેન્ટ ડો.પ્રભાકર ફરી ચર્ચામાં આવ્યા છે. એશિયાની સૌથી મોટી ગણાતી સિવિલ હોસ્પિટલના સ્પે.સુપરિટેન્ડેન્ટ ડો.પ્રભાકરના પૌત્રને હાલ સિવિલ હોસ્પિટલના VVIP રૂમમાં સારવાર અર્થે રાખવામાં આવતા લોકોમાં ચર્ચાનો વિષય બન્યા છે.
સુપરિટેન્ડેન્ટ ડો.પ્રભાકર આવ્યા વિવાદમાં
પ્રભાકરનો પૌત્ર અત્યારે સિવિલ હોસ્પિટલમાં સારવાર હેઠળ
પ્રભાકરના પૌત્રને સિવિલમાં VVIP સારવાર અપાઈ રહી છે
પ્રાપ્ત થતી જણાકારી પ્રમાણે અમદાવાદ સિવિલ હોસ્પિટલના સુપરિટેન્ડેન્ટ ડો.પ્રભાકર વિવાદમાં આવ્યા છે. ડો.પ્રભાકરનો પૌત્ર અત્યારે સિવિલ હોસ્પિટલમાં સારવાર હેઠળ છે. પ્રભાકરના પૌત્રને સિવિલમાં VVIP સારવાર અપાતા વિવાદમાં આવ્યા છે.
સ્પેશિયલ VVIP વોર્ડમાં અપાઇ રહી છે સારવાર
ઉલ્લેખનીય છે કે, સિવિલ હોસ્પિટલમાં ડૉ. પ્રભાકરના પુત્રને સ્પેશિયલ VVIP વોર્ડમાં સારવાર ચાલી રહી હોવાનું સામે આવ્યું છે. તો આ સાથે જ સિવિલના D6 વોર્ડમાં પ્રભાકરના પૌત્ર સિવાય કોઇ દર્દીને મંજૂરી નથી અને પ્રભાકરના પૌત્રની સારવારને લઇને વોર્ડના તમામ રૂમ ખાલી કરાવાયા છે.
D6 વોર્ડમાં જતી લિફ્ટ પણ બંધ કરાઇ
આ સાથે જ D6 વોર્ડમાં જતી લિફ્ટ પણ બંધ કરવામાં આવી છે અને વોર્ડની બહાર ખાનગી સિક્યોરિટી બંદોબસ્ત ગોઠવાયો હોવાનું જાણવા મળેલ છે. આ ઘટનાને પગલે સિવિલ હોસ્પિટલમાં અન્ય દર્દીઓને હાલાકીનો સામનો કરવો પડી રહ્યો છે.