વડોદરાની વાત કરીએ તો હવે એમ થશે કે હાશ, આખરે ઠાંસી-ઠાંસીને વાહનમાં મોકલાતા બાળકોને મોકળાશ મળી ખરી અને વાલીને પણ હાશ થઈ. વડોદરામાં એમ.સી.હાઈસ્કૂલનાં સંચાલકોએ પ્રથમ વાર વડોદરામાં પોતાનાં વિદ્યાર્થીઓની સુરક્ષા માટે સિટી બસ સેવાની સુવિધા શરૂ કરી છે. આ બસમાં 35થી વધુ વિદ્યાર્થીઓ મુસાફરી કરે છે અને માત્ર 135થી 265 રૂપિયા પાસની ફી ચુકવે છે.
(પ્રતિકાત્મક તસ્વીર)
જો તમે એક વાલી હશો અને તમારુ બાળક વાનમાં સ્કૂલે જતું હશે તો જરૂર તમે ચિંતામાં રહેતાં હશો. તો સ્વાભાવિક છે કે વારંવાર વાનની બેદરકારીનો ભોગ બાળકો બનતા હોય છે. સ્કૂલ બસ કે સ્કૂલવાન ચાલક વિદ્યાર્થીઓને ઢોરની માફક વાહનમાં ભરે છે. આવાં સમયે વડોદરામાં સિટી બસનાં સંચાલકોનો નિર્ણય વાલિઓનાં હૈયાને ઠંડક પહોંચાડે તેવો છે. વડોદરામાં સિટી બસનાં સંચાલકો દ્વારા વિદ્યાર્થીઓ માટે ખાસ બસ સેવા શરૂ કરવામાં આવી છે. રાજયમાં પ્રથમ વાર આવો નવતર પ્રયોગ શરૂ કરાયો છે અને તેનું શ્રેય જાય છે. ત્યારે જોઇએ સંસ્કારી નગરી વડોદરાનાં આ અહેવાલને.
વડોદરાની વાત કરીએ તો હવે એમ થશે કે હાશ, આખરે ઠાંસી-ઠાંસીને વાહનમાં મોકલાતા બાળકોને મોકળાશ મળી ખરી અને વાલીને પણ હાશ થઈ. વડોદરામાં એમ.સી.હાઈસ્કૂલનાં સંચાલકોએ પ્રથમ વાર વડોદરામાં પોતાનાં વિદ્યાર્થીઓની સુરક્ષા માટે સિટી બસ સેવાની સુવિધા શરૂ કરી છે. આ બસમાં 35થી વધુ વિદ્યાર્થીઓ મુસાફરી કરે છે અને માત્ર 135થી 265 રૂપિયા પાસની ફી ચુકવે છે.
સ્કૂલનાં પ્રિન્સીપાલે દરેક સ્કુલ સંચાલકોને વિધાર્થીઓની સુરક્ષા માટે આજ પ્રકારે સિટી બસની સુવિધા લેવા અપીલ કરી છે તો સિટી બસમાં મુસાફરી કરતી વિધાર્થીની પોતે સુરક્ષિત મહેસુસ કરી રહી હોવાનું કહે છે. વિદ્યાર્થીઓની આ બસ સેવા વાલિઓનાં ખિસ્સાને પણ પરવળે તેવી છે. સિટી બસ સ્કૂલનાં ભાડા અને ખાનગી બસ કે સ્કૂલવાન વચ્ચેનાં ભાડાનાં તફાવતની વાત કરીએ તો બસમાં દર મહિને 135થી 300 રૂપિયા સુધીનું ભાડું રહેશે જ્યારે ખાનગી સ્કૂલ વાનમાં 500થી 700 ભાડું હોય છે તો સ્કૂલ બસમાં 1000થી 1200 ભાડું હોય છે.
સિટી બસમાં દર મહિને પાસનાં રૂપિયા ભરવા પડશે. જ્યારે ખાનગી સ્કૂલ વાનમાં એકસાથે 13 માસનાં રૂપિયા ભરવા પડતા હોય છે. સિટી બસમાં વિધાર્થીઓની સુરક્ષા માટે વીમો પણ રહેશે. આ સાથે જ બસ ફાયર સેફટીનાં સાધનો અને જીપીએસ સિસ્ટમથી સજજ છે. તો બસમાં 35 સીટની જગ્યામાં 35 વિધાર્થીઓને જ બેસાડાશે. હાલમાં અમદાવાદમાં સ્કૂલ વાનમાંથી ત્રણ વિદ્યાર્થીઓ પડી જતાં તેમને ગંભીર ઈજા પહોંચી હતી તેમજ અવાર નવાર સ્કૂલ વાન કે સ્કૂલ રીક્ષાનાં અકસ્માતનાં બનાવો પણ સામે આવે છે. ત્યારે વડોદરાનાં વિનાયક સિટી બસ સેવાનાં સંચાલકની સ્કૂલ સેવા લોકોને પસંદ પડી રહી છે.
સ્કૂલનાં વિદ્યાર્થીઓ માટે શરૂ કરવામાં આવેલી સિટી બસનાં સંચાલકોને ખૂબ જ સારો પ્રતિસાદ મળી રહ્યો છે. ગુરુવારે જ બસ શરૂ કરવાની જાહેરાત બાદ 25 સ્કૂલો દ્વારા સિટી બસનો સંપર્ક સાધીને તેમની સ્કુલ માટે બસ શરૂ કરવા માંગ કરી છે. ત્યારે રાજયમાં સરકાર જો આજ પ્રકારે બસ સેવા શરૂ કરે તો ચોકકસથી વિધાર્થીઓનાં અકસ્માતને સિલસિલો અટકી શકે છે.