લોકસભા / નાગરિકતા સંશોધન બિલ પર કોંગ્રેસે કહ્યું, ભાજપનું આ પગલું હિંદુ રાષ્ટ્ર બનાવવા તરફ 

• નાગરિકતા સંશોધન બિલ લોકસભામાં પાસ
• નાગરિકતા સંશોધન બિલનો કોંગ્રેસે કર્યો વિરોધ
• ભાજપ હિંદુ રાષ્ટ્ર બનાવા તરફ આગળ વધી રહ્યું છેઃ કોંગ્રેસ

કોંગ્રેસ સાંસદ અધીર રંજન ચૌધરીએ આ બિલનો વિરોધ કરતા કહ્યું કે, અમે નાગરિકતા સંશોધન બિલનો વિરોધ કરી રહ્યો છે. કારણ કે આ ભેદભાવપૂર્ણ છે. જો કોઇ પીડિત સમુદાયને શરણ આપી રહ્ય છીએ તો અમે આનો વિરોધ નથી કરતા પરંતુ અમારો વિરોધ આ વાતને લઇને છે કે આનું માપદંડ ધર્મને બનાવવામાં આવી રહ્યું છે. આને બદલવું જોઇએ. ભાજપ હિન્દુ રાષ્ટ્ર સ્થાપિત કરવા તરફ આગળ વધી રહ્યું છે.

આ પહેલા વિપક્ષી દળોના હંગામા વચ્ચે ગૃહમંત્રી અમિત શાહે સોમવારે લોકસભામાં નાગરિકતા બિલ સંશોધન રજૂ કર્યું. આ બિલને રજૂ કરતા જ કોંગ્રેસ પાર્ટીએ હંગામો શરૂ કરી દીધો. કોંગ્રેસ સાંસદ અધીર રંજન ચૌધરીએ કહ્યું કે આ બિલ બંધારણની મૂળ ભાવનાઓના વિરૂદ્ધ છે, કારણ કે આ બિલ સમાનતાનું ઉલ્લંઘન કરે છે. સરકાર કલમ 14ને નષ્ટ કરી રહ્યું છે.

કોંગ્રેસ સાંસદે કહ્યું કે આ બિલ મુસ્લિમો વિરૂદ્ધ છે અને ભારત બંધારણની કલમ 14 (સમાનતાનો અધિકાર)નું ઉલ્લંઘન કરે છે. વધુમાં તેમણે કહ્યું કે ભારત એક ધર્મનિરપેક્ષ દેશ છે. એટલા માટે આ બિલ ન લાવવું જોઇએ, કારણ કે આનાથી લોકોનીસાથે ધર્મના આધાર પર ભેદભાવ કરવામાં આવી રહ્યો છે.