CAA / જામિયાના 50 વિદ્યાર્થીઓને છોડ્યા બાદ શાંત થયો તણાવ, વિરોધ પ્રદર્શન થયું પૂર્ણ

• જામિયા મિલિયામાં પોલિસ કાર્યવાહી વિરુધ્ધ નારેબાજી
• જામિયા નગરમાં પ્રદર્શનકારીઓએ બસને આગ લગાવી
• ઈન્ટરનેટ અને શાળાઓ રહેશે બંધ

6 જિલ્લામાં કલમ 144 લાગૂ, CM યોગીએ કરી શાંતિની અપીલ

નાગરિકતા સંશોધન કાયદાની વિરુદ્દમાં દિલ્હીના જામિયા મીલિયા ઈસ્લામિયા વિશ્વવિદ્યાલયની આસપાસના વિસ્તારોમાં શરૂ થયેલું હિંસક પ્રદર્શન યૂપી સુધી પહોંચ્યું છે. યૂપીના 6 જિલ્લામાં ઈન્ટરનેટ સેવાઓ બંધ કરવાની સાથે જ કલમ 144 લાગૂ કરવામાં આવી છે. અન્ય તરફ સીએમ યોગી આદિત્યનાથે લોકોને શાંતિ અને સૌહાર્દ જાળવવાની અપીલ પણ કરી છે. 

UP Chief Minister's Office: CM Yogi Adityanath has appealed people to maintain peace&harmony and not pay attention to rumours regarding Citizenship Amendment Act. Govt is committed to security of every citizen. For this, it is also important that all citizens abide by the laws.

— ANI UP (@ANINewsUP) December 15, 2019

નાગરિકતા સંશોધન કાયદાને લઈને સૌથી પહેલાં ઉત્તર પૂર્વના રાજ્યોમાંથી આસામમાં વિરોધ પ્રદર્શન શરૂ થયું બતું ત્યારબાદ તે બંગાળથી લઈને દિલ્હી સુધી પહોંચ્યું. રવિવારે જામિયાના વિદ્યાર્થીઓએ યૂનિવર્સિટીમાં તોડફોડ કરી અને સરકારી બસોમાં આગ પણ લગાવી. 4 ફાયર ફાઈટરની ગાડીઓએ આગને કાબૂમાં લીધી. માર્ગમાં અવરોધ લાવવા માટે ઝાડ પણ કાપીને લગાવ્યા અને ટાયરોને પણ રસ્તા વચ્ચે સળગાવ્યા હતા. જેના કારણે રેલ સેવા પણ બંધ કરવાની ફરજ પડી હતી. ઈએમયૂ લોકલ ટ્રેન સેવા 10 કલાક માટે ખોરવાઈ હતી. 

બસો સળગાવી, પથ્થરમારો કરવો અને આંસૂગેસથી ઘેરાયું જામિયા

રવિવારે જામિયાનું વિરોધ પ્રદર્શન હિંસક બન્યું. પ્રદર્શનકર્તાઓએ ડીટીસી બસોમાં આગ લગાવી. 3 બસો સંપૂર્ણ રીતે સળગી ગઈય 4 ગાડીઓ આગ ઓલવવા માટે આવી હતી. તેમાં એક ફાયરમેન પણ ઈજાગ્રસ્ત થયો હતો. ભીડે બસ પર પત્થરમારો પણ કર્યો હતો જેના કારણે આસપાસના લોકો જીવ બચાવીને ભાગ્યા હતા. 

આજે શાળાઓ રહેશે બંધ

દિલ્હીના ઉપમુખ્યમંત્રી મનીષ સિસોદિયાએ સોમવારે શાળાઓ બંધ રાખવાનો આદેશ આપ્યો છે. તેઓએ ટ્વીટ કરીને કહ્યું છે કે દિલ્હીમાં સાઉથ ઇસ્ટમાં ઓખલા, જામિયા, ન્યૂ ફ્રેન્ડ્સ કોલોની, મદનપુર ખાદરમાં સરકારી અને પ્રાઈવેટ શાળાઓ બંધ રહેશે. 

5 જાન્યુઆરી સુધી AMU રહેશે બંધ

અલીગઢ મુસ્લિમ યુનિવર્સિટીએ લીધેલા નિર્ણય અનુસાર 5 જાન્યુઆરી 2020 સુધી વિશ્વવિદ્યાલય બંધ રહેશે. 

ઈન્ટરનેટ સેવાઓ રહેશે બંધ

અલીગઢમાં 16 ડિસેમ્બર રાતે 10 વાગ્યા સુધી અને મેરઠમાં 12 વાગ્યા સુધી ઈન્ટરનેટ સેવાઓ બંધ કરવામા આવી છે. સહારનપુરમાં પણ ઇન્ટરનેટ સેવાઓને સુરક્ષાને ધ્યાનમાં રાખીને બંધ કરવામાં આવી છે. સ્થિતિ પર કાબૂ મેળવવા આગ્રાના એજીજી અજય આનંદ એએમયૂ કેમ્પસ પહોંચ્યા હતા અને પોલીસ પ્રશાસન પણ શાંતિ વ્યવસ્થા જાળવી રાખવામાં જોડાયું હતું. 

બંધ થયેલા મેટ્રો સ્ટેશન ખૂલ્યા

રવિવારે વિરોધ પ્રદર્શનના કારણે દિલ્હીમાં જે મેટ્રો સ્ટેશન બંધ કરવામાં આવ્યા હતા તે દરેક આજે સવારે ખોલી દેવામાં આવ્યા છે. 

રાતના 11.30ના સમયે કોંગ્રેસે કરી પ્રેસ કોન્ફરન્સ

આ દરમિયાન કોંગ્રેસે રવિવારે રાત્રે 11.30 વાગ્યે એક પ્રેસ કોન્ફરન્સ યોજી હતી અને મોદી સરકારની વિરુદ્ધમાં વાત કરી હતી. કોંગ્રેસના નેતા પવન ખેડાએ નાગરિકત્વ કાયદા અને હિંસાઓ પરની હિંસાની નિંદા કરી હતી. તેમણે કહ્યું કે પીએમ નરેન્દ્ર મોદી ઝારખંડમાં ચૂંટણી પ્રચારમાં વ્યસ્ત છે. વિદ્યાર્થીઓ પર અત્યાચાર થઈ રહ્યો છે. વિદ્યાર્થીઓ પર ડંડા વરસાવવામાં આવી રહ્યા છે. હોસ્ટેલ અને લાઈબ્રેરીમાં પણ ટીયર ગેસના શેલ છોડવામાં આવી રહ્યા છે. આ યોગ્ય નથી.  

કોંગ્રેસના રાષ્ટ્રીય પ્રવક્તા નાયક રાગિનીએ મીડિયા પ્રેસ કોન્ફરન્સમાં કહ્યું હતું કે જામિયા મીલીયા ઇસ્લામીયાના વિદ્યાર્થીઓ અને વિદ્યાર્થીઓ કેમ્પસની અંદરથી વીડિયો મોકલી રહ્યાં છે. તેમની ઉપર હિંસા કરવામાં આવી રહી છે. સરકાર નિરંકુશ થઈ ગઈ છે. વિદ્યાર્થી રાજકારણના ઇતિહાસમાં આવી ઘટનાઓ ક્યારેય બની નથી. તેઓએ વધુમાં કહ્યું કે છોકરીઓ પોતાને રૂમમાં બંધ કરીને બેઠી છે અને મદદના અવાજ લગાવી રહી છે. યુવકો રૂમની બહાર નીકળી શકતા નથી. તેમનો શ્વાસ રુંધાઈ રહ્યો છે. પોલીસ વિદ્યાર્થીઓને ઘસડીને બહાર લાવી રહી છે.