કેન્દ્રની મોદી સરકાર દેશના ટેક્સપેયર્સના પૈસા ઇમેજના મેકઓવર પર ખર્ચ કરી રહી છે તેવા પ્રકારનો આરોપ લગાડી રાહુલ ગાંધીએ આજે ટ્વિટ કરીને કહ્યું હતું કે દેશમાં આર્થિક મંદી, બેરોજગારી અને સરહદે ચીની આક્રમણ થઈ રહ્યું છે ત્યારે મોદી સરકાર ઇમેજ કરેક્શનમાં વ્યસ્ત છે
રાહુલ ગાંધીએ ફરી સાધ્યું મોદી સરકાર પર નિશાન
કેન્દ્ર ટેક્સપેયર્સના પૈસા ઇમેજ કરેક્શન પર કરે છે ખર્ચ: રાહુલ ગાંધી
ચીની આક્રમકતા કે બેરોજગારીના પ્રશ્નોની મોદી સરકારને પડી નથી
ફરી એક વાર આજે રાહુલ ગાંધીએ મોદી સરકારને સપાટામાં લીધી હતી. પોતાના ટ્વિટર હેન્ડલ પર ટ્વિટ કરીને રાહુલે લખ્યું હતું કે દેશમાં હાલ અર્થતંત્ર મંદીમાં ગર્ત છે, બેરોજગારી અને ચીની આક્રમણ જેવા પડકારો સામે દેશ ઝઝૂમી રહ્યો છે, ત્યારે મોદી સરકાર દેશના કરદાતાઓના પૈસાને ઈમેજ કરેકશન પર ખર્ચ કરવું મુનાસિબ માની રહી છે.
Economic slump, unemployment, Chinese aggression ail our country.
પોતાની ટ્વિટની સાથે પૂર્વ કોંગ્રેસ પ્રમુખે એક મીડિયા અહેવાલની લિન્ક પણ શેર કરી છે. જે ધ પ્રિન્ટ નામના અખબારનો અહેવાલ છે. જેમાં એક સમાચાર છે કે કેન્દ્રની મોદી સરકાર ભારત માટે એક ખૂબ જ મોટું ઇમેજ કરેક્શન અભિયાન લોન્ચ કરવા ધારે છે. જેમાં ખૂબ જ મોટા પાયે વિવિધ મીડિયા ડ્રાઈવ અને કેમ્પેઇન્સ કરવામાં આવશે. ધ પ્રિન્ટના અહેવાલ પ્રમાણે વિશ્વમાં એવા ખૂબ જ માન્યતા પ્રાપ્ત એવા કુલ 29 વૈશ્વિક સૂચકાંકો છે જેમાં મોદી સર્કાર દેશની પોઝીશન સુધારવા ચાહે છે, અને તે માટે જરૂર પડતી બધી જ સ્ટ્રેટેજી અને પ્લાનિંગ કરવા માટે મોદી સરકાર તૈયાર છે.
ખાસ કરીને અમુક એવા ઇંડેક્સ જેવા કે ગ્લોબલ હંગર ઇંડેક્સ, વર્લ્ડ ફ્રીડમ ઇંડેક્સ , ગ્લોબલ ટેરરીઝમ ઇંડેક્સ વગેરે જેવા સૂચકાંકો છે જેમાં ભારતની સ્થિતિ બહુ સારી નથી. જેનાથી ભારતની આંતરરાષ્ટ્રીય સ્થિતિમાં પણ ફેર પડે છે. તેથી તેવા સૂચકાંકોમાં ભારતની સ્થિતિ વધુ બહેતર બનાવવા માટે સરકાર મીડિયા ડ્રાઈવ, કેમ્પેઇન્સ અને પ્લાનિંગ કરવા માંગે છે.