ચૂંટણી / મહાનગરમાં મેયર પદ માટે પરિપત્ર જાહેર, જાણો રોસ્ટર પ્રમાણે કોણ બની શકશે મેયર

• મેયરપદ માટે રોસ્ટર જાહેર 
• પહેલા અઢીવર્ષ માટે અમદાવાદ - SC
• બીજી ટર્મ અમદાવાદ-મહિલા

ગુજરાતની 6 મહાનગરમાં ચૂંટણી યોજાઈ રહી છે. તેની સાથે મેયર પદ માટે રોસ્ટર જાહેર કરાયું છે. અમદાવાદમાં પહેલી ટર્મમાં મેયરના પદ માટે SC અનામત રહેશે. તો અમદાવાદમાં બીજી ટર્મ માટે મહિલા અનામત કરવામાં આવશે. જ્યારે સુરતમાં પહેલી ટર્મ માટે મહિલા અનામતનું રોસ્ટર રહેશે. અને સુરતમાં બીજી ટર્મ માટે સામાન્ય ઉમેદવાર રહેશે. આ તરફ વડોદરામાં પહેલી ટર્મ માટે સામાન્ય ઉમેદવાર રહેશે. જ્યારે વડોદરામાં બીજી મહિલા ઉમેદવાર રહેશે.

સ્થાનિક સ્વરાજની ચૂંટણીમાં અમદાવાદ, સુરત અને વડોદરા સિવાય રાજકોટ અને ભાવનગર મનપામાં પણ ચૂંટણીનું આયોજન થયું છે. જેમાં ભાવનગર મહાનગરપાલિકાના મેયર પદ માટેની વાત કરવામાં આવે તો, પ્રથમ ટર્મ માટે મહિલા અનામત રાખવામાં આવશે. અને બીજી ટર્મ માટે બક્ષીપંચ માટે અનામત રહેશે. રાજકોટ મહાનગરપાલિકાની વાત કરવામાં આવે તો, પ્રથમ ટર્મ માટે બક્ષીપંચ અનામત રહેશે. બીજી ટર્મ માટે મહિલા અનામત રહેશે.