મોટા સમાચાર / ભારતને જલ્દી મળશે સિંગલ ડોઝવાળી રસી, સિપ્લા કરી રહી છે આ કંપની સાથે 1 બિલિયન ડોલરનો કરાર

• સિપ્લા મોર્ડનાની સાથે 1 બિલિયન ડોલરનો કરાર કરવાની નજીક
• મોર્ડનાની આ રસી સિંગલ ડોઝ વાળી હશે
• મોર્ડના રસી 12-17 વર્ષના લોકો માટે ખૂબ કારગત

સિપ્લા મોર્ડનાની સાથે 1 બિલિયન ડોલરનો કરાર કરવાની નજીક

કોરોનાની બીજી ખતરનાક લહેર બાદ હવે દેશમાં રસીની ઉપલબ્ધતા વધારવાના પ્રયાસ જારી છે. આ કામ માટે ભારતીય ફાર્મા કંપની સિપ્લા અમેરિકન રસી નિર્માતા મોર્ડનાની સાથે 1 બિલિયન ડોલરનો કરાર કરવાની નજીક પહોંચી છે. કંપનીએ સોમવારે આ જાણકારી આપતા કેન્દ્ર સરકાર પાસે કેટલીક છુટની માંગ કરી છે. કંપનીએ સરકારને ક્ષતિપૂર્તિના નિયમો અને ટ્રાયલના નિયમોમાં છુટનો આગ્રહ કર્યો છે. મોર્ડનાની આ રસી સિંગલ ડોઝ વાળી હશે.

 5 કરોડ ડોઝના સપ્લાયની વાત ચાલી રહી છે

આ પહેલા મોર્ડનાએ કહ્યુ હતુ કે તે વર્ષ 2022માં ભારતમાં પોતાની સિંગલ શોર્ટ રસી લોન્ચ કરી શકે છે. આ માટે ભારતમાં સિપ્લા અને ફાર્મા કંપનીઓ સાથે વાતચીતની વાત કરવામાં આવી હતી. 5 કરોડ ડોઝના સપ્લાયની વાત ચાલી રહી છે.

મોર્ડના રસી 12-17 વર્ષના લોકો માટે ખૂબ કારગત

હાલમાં સમાચાર આવ્યા છે કે મોર્ડના રસી 12-17 વર્ષના ગ્રુપ માટે બહુ કારગત રહી છે.  કંપનીનુ કહેવુ છે કે આ ઉંમરના ગ્રુપમાં રસી સિંપ્ટોમેટિક ઈન્ફેક્શન રોકવામાં 100 ટકા કારગત રહી છે. કંપનીનું કહેવું છે કે હવે તે અમેરિકાના ફૂડ એન્ડ ડ્રગ એડમિનિસ્ટ્રેશન ડિપાર્ટમેન્ટમાં સંપર્ક કરી આ ઉંમરના ગ્રુપમાં રસીકરણો અધિકાર માંગશે.  મનાઈ રહ્યુ છે કે જૂનથી કંપની રસીકરણની શરુઆત કરી શકે છે.  આને માઈનસ 20 ડિગ્રી તાપમાન પર ફ્રીજ કરીને રાખવાની રહેશે.

રસીની જાળવણી મોંઘી છે

ગત વર્ષે પણ જ્યારે ભારતમાં રસી કાર્યક્રમ શરુ કરવાને લઈને વાતચીત ચાલી રહી હતી. ત્યારે મોર્ડનીની રસીને લઈને ચર્ચા થઈ હતી. જો કે રસીની જાળવણી મોંઘી છે. આને માઈનસ 20 ડિગ્રી તાપમાન પર ફ્રીઝ કરીને રાખવાની હોય છે.  જ્યારે ફાઈઝરની રસી માટે માઈનસ 70 ડિગ્રી તાપમાનની જરુર પડે છે.