સિનેમા ઘરના માલિકોના પક્ષમાં મોટો ચુકાદો આપતાં સુપ્રીમ કોર્ટે એવું જણાવ્યું છે કે ફિલ્મ જોવા આવતા લોકોને બહારથી ખાવાનું લાવતા તેઓ અટકાવી શકે છે.
ટોકિઝ માલિકોના પક્ષમાં સુપ્રીમનો મોટો ચુકાદો
ફિલ્મ જોવા આવતા દર્શકો બહારથી ખાવાનું ન લાવી શકે
બહારથી ખાવાનું લાવતા દર્શકોને અટકાવી શકે
સુપ્રીમ કોર્ટે મંગળવારે સ્પષ્ટ કરી દીધું છે કે સિનેમા હોલના માલિકોને એ અધિકાર છે કે તેઓ ફિલ્મ જોવા આવતા લોકોને બહારથી ખાવાનું લાવતા અટકાવી શકે. જમ્મુ-કાશ્મીર મલ્ટિપ્લેક્સના માલિકોએ 18 જુલાઈ, 2018ના રોજ હાઈકોર્ટ દ્વારા પસાર કરવામાં આવેલા નિર્ણયને પડકાર્યો હતો, જેમાં ફિલ્મ જોનારાઓને સિનેમા હોલની અંદર બહારનું ખાવાનું લાવવાની મંજૂરી આપવામાં આવી હતી.
Popcorn Goes Cold: SC says cinema owners can probihit outside food in halls
સિનેમા હોલ માલિકની ખાનગી સંપત્તિ
હાઈકોર્ટને નિર્ણયને ફગાવતા ચીફ જસ્ટિસ ધનંજય વાય ચંદ્રચુડ અને જસ્ટિસ પી એસ નરસિમ્હાની બેંચે કહ્યું કે, "સિનેમા હોલ તેના માલિકની ખાનગી સંપત્તિ છે. જ્યાં સુધી તે જાહેર હિત, સલામતી અને કલ્યાણની વિરુદ્ધ ન હોય ત્યાં સુધી આવા નિયમો અને શરતો નક્કી કરવાનો માલિકને અધિકાર છે.
જલેબી અથવા તંદૂરી ચિકન ખાઈને સીટ ગંદી કરો તો કોણ સાફ કરશે
ખંડપીઠે અરજદારને કહ્યું હતું કે સિનેમા હોલ જીમ અથવા ખાવા માટેનું સ્થળ નથી પરંતુ મનોરંજનનું સ્થળ છે. જો કોઈ હોલની અંદર જલેબી અથવા તંદૂરી ચિકન લાવે અને ખાઈને ખુરશી સાથે હાથ લૂંછે તો જે ગંદુ થશે તે કોણ સાફ કરશે, આવા કિસ્સામાં માલિકને હક છે કે તે બહારથી ખાવાનું લાવતા લોકોને રોકે. અરજદારે જમ્મુ-કાશ્મીર હાઈકોર્ટમાં દલીલ કરી હતી કે સિનેમા હોલની અંદર ખાવાનું સારુ મળતું નથી તેથી દર્શકોને મોંઘા ભાવે ટોકિઝમાંથી લેવું પડતું હોય છે. આવા કિસ્સામાં દર્શકોને બહારથી ખાવાનું લાવવું પડતું હોય છે.