નાપાક હરકત / PM મોદીની બેઠક પહેલા કાશ્મીરમાં મોટો આતંકી હુમલો, CID ઈન્સપેક્ટર પરવેઝ અહમદ ડાર શહીદ

• આવતીકાલે જમ્મુ કાશ્મીરના નેતાઓ સાથે પીએમ મોદીની બેઠક
• બેઠક પહેલા શ્રીનગરમાં આતંકીઓ ત્રાટક્યાં
• CID ઈન્સપેક્ટર પરવેઝ અહમદ ડાર પર અંધાધૂંધ ગોળીબાર કર્યો
• ઘટનામાં ઈન્સપેક્ટર પરવેઝ ડાર શહીદ 

શ્રીનગરના નૌગામ વિસ્તારમાં આતંકીઓએ CID ઈન્સપેક્ટર પરવેઝ અહમદ ડાર પર અંધાધૂંધ ગોળીબાર કર્યો હતો તેમાં તેઓ શહીદ થયા હતા. ઈન્સપેક્ટર પરવેઝ અહમદ ડાર જમ્મુ કાશ્મીર પોલીસના ક્રિમિનલ ઈન્વેસ્ટીગેશન ડિપાર્ટમેન્ટમાં તહેનાત હતા. 

મસ્જિદમાંથી નમાઝ પઢીને ઘેર આવતા હતા ત્યારે રસ્તામાં આતંકીઓએ ગોળીબાર કર્યો 

સીઆઈડી અધિકારી ડાર જ્યારે મસ્જિદમાંથી નમાઝ પઢીને ઘેર આવતા હતા ત્યારે રસ્તામાં આતંકીઓએ તેમને આંતર્યા હતા અને તેમની પર ધડાધડ ગોળીઓ વરસાવીને ફરાર થઈ ગયા હતા. લોહીથી લથપથ ઈન્સેપેક્ટરને તત્કાળ નજીકની હોસ્પિટલમાં લઈ જવાયા હતા જ્યાં ડોક્ટરોએ તેમને મૃત જાહેર કર્યાં હતા. 

આતંકીઓએ CID ઈન્સપેક્ટર પરવેઝ અહમદ ડાર પર અંધાધૂંધ ગોળીબાર કર્યો

કાયર આતંકીઓએ ઈન્સપેક્ટર ડાર પર ગોળીબાર કર્યા બાદ ભાગી છૂટ્યા હતા. સુરક્ષા દળોએ વિસ્તારની નાકાબંધી કરીને સર્ચ ઓપરેશન શરુ કર્યું હતું. આ પહેલા રવિવારે જમ્મુના બારામૂલા જિલ્લાના સોપોર વિસ્તારમાં સુરક્ષઆ દળોની અથડામણમાં 3 આતંકીઓ ઠાર થયા હાત. આ ત્રણ ખૂંખાર આતંકીઓમાંથી એક મુદસ્સિર પંડિત હતો જે મોસ્ટ વોન્ટેડની યાદીમાં સામેલ હતો. માર્યો ગયેલો બીજો એક આતંકી પાકિસ્તાની નિવાસી હતો. ડીજીપી દિલબાગ સિંહે કહ્યું કે ત્રણ આતંકીઓ લશ્કરના  કમાન્ડર હતા. 

આ હુમલામાં એક વિદેશી આતંકવાદી પણ સંડોવાયેલો હતો. તેની ઓળખ અસરાર અબ્દુલા તરીકે થઈ છે. તે પાકિસ્તાનનો રહેવાશી હતો અને ઉત્તર કાશ્મીરમાં 2018 થી સક્રિય હતો. દિલબાગ સિંહે જણાવ્યું કે આ આતંકવાદી બે મોટા હુમલામાં સામેલ હતો જેમાંથી એક 29 માર્ચે થયો હતો. 

આવતીકાલે કાશ્મીરી નેતાઓ સાથે પ્રધાનમંત્રી મોદીની મુલાકાત
પ્રધાનમંત્રી મોદી આવતીકાલે 14 કાશ્મીરી નેતાઓ સાથે મુલાકાત કરી રહ્યાં છે તેના એક દિવસ પહેલા કાયર આતંકીઓએ આ નાપાક હરકત કરી છે. ભારત-પાક શાંતિ મંત્રણામાં આતંકવાદીઓ સૌથી મોટી અડચણ છે.