ગાંધીનગર / આર્ચર કેર કૌભાંડ કેસ મામલે CID ક્રાઈમની મોટી કાર્યવાહી, 7.24 કરોડની સંપત્તિ જપ્ત, જાણો વિગત

• પોલીસે સમગ્ર મામલે કાર્યવાહી હાથ ધરી
• અમદાવાદમાં આર્ચર કેર કૌભાંડ કેસનો મામલો 
• આરોપી વિનય શાહની સંપત્તિને લઇ કાર્યવાહી
• કુલ રૂપિયા 7.24 કરોડની સંપત્તિ કરી જપ્ત

ગાંધીનગરમાં આર્ચર કેસ કૌભાંડ મામલે આરોપી વિનય શાહની સંપત્તિ જપ્ત કરવામાં આવી છે. ત્યારે CID ક્રાઈમની ટીમે વિનય શાહના 4 ફ્લેટ અને 2 વાહનો કબ્જે કર્યા છે. તેમજ સોના-ચાંદીના દાગીના સહિતનો મુદ્દામાલ પણ જપ્ત કરવામાં આવ્યો છે. ત્યારે CID ની ટીમે કુલ 7.24 કરોડ રૂપિયાની સંપત્તિ જપ્તી કરી છે. ત્યારે આ મામલે પોલીસે કાર્યવાહિ હાથ ધરી છે. 

અમદાવાદમાં આર્ચરકેર કંપની ખોલીને લોભામણી નાણાંકીય સ્કીમો બહાર પાડીને 260 કરોડ રૂપિયાનું કૌભાંડ આચરનાર કૌભાંડી વિનય શાહની ગઈકાલે દિલ્હીથી ધરપકડ કરવામાં આવી હતી. આજે આરોપીને સ્પેશિયલ CID કોર્ટમાં રજૂ કરવામાં આવતા આરોપીને 12 ડિસેમ્બર એટલે કે 9 દિવસના રિમાન્ડ મંજૂર કર્યા છે.

અમદાવાદમાં 260 કરોડની છેતરપીંડી આચરનાર કૌભાંડી વિનય શાહની CID ની ટીમે દિલ્હીથી ધરપકડ કરવામાં આવી છે. લોભામણી અને ગેરકાયદેસર સ્કીમ બહાર પાડી વિશ્વાસઘાત અને છેતરપીંડી કરતા આરોપી વિનય બાબુલાલ શાહની CID  ક્રાઈમે ધરપકડ કરી છે. અમદાવાદમાં થલતેજમાં ઓફિસ ભાડે રાખીને અન્ય આરોપીઓ સાથે મળીને હજારો લોકોને તેમની કંપનીમાં રોકાણ કરાવી છેંતરપીંડી કરતો હતો.

29 આરોપીઓ વિરૂદ્ધ કોર્ટમાં ચાર્જશીટ દાખલ કરવામાં આવી હતી
મળતી માહિતી મુજબ કૌભાંડના માસ્ટર માઈન્ટ વિનય શાહે આર્ચર કેર LLP  કંપનીના નામે લોભામણી અને ગેરકાયદેસર નાણાંકીય સ્કીમ બહાર પાડી હતી. જેમાં અન્ય આરોપીઓ સાથે મળીને રોકાણકારોને તેમના આર્ચરકેર કંપનીમાં રોકાણ કરાવી 260 કરોડ રૂપિયાનું ફુલેકું ફેરવીને વિનય શાહ નેપાળ ભાગી ગયો હતો. આર્ચર કેર કંપનીના ડીરેક્ટર વિનય શાહ અને તેની પત્ની ભાર્ગવી શાહ તેમજ અન્ય બે વ્યક્તિઓ મળી કુલ 29 આરોપીઓ વિરૂદ્ધ કોર્ટમાં ચાર્જશીટ દાખલ કરવામાં આવી હતી.

રેડકોર્નર નોટીસ ઈશ્યું કરવામાં આવી
અત્રે ઉલ્લેખનીય છે કે અમદાવાદમાં કૌભાંડ આચર્યા બાદ વિનય શાહ નેપાળ ભાગી ગયો હતો.  જ્યાં નેપાળ પોલીસે તેને એક કેસમાં ધરપકડ કરી હતી. ત્યારે તેને ઝડપી પાડવાની જવાબદારી CID ક્રાઈમને સોંપવામાં આવી હતી. CID ક્રાઈમ દ્વારા તેને ઝડપી પાડવા માટે રેડકોર્નર નોટીસ ઈશ્યું કરવામાં આવી હતી. જેના આધારે ઈન્ટરપોલ સહિત અન્ય એજન્સીઓ સાથે સંકલન કરીને CID ક્રાઈમે બાતમીના આધારે વિનય શાહની દિલ્હી ખાતેથી ધરપકડ કરી હતી.