ભારત અને સાઉથ આફ્રિકા વચ્ચે આજે ત્રીજી ટેસ્ટ રમાઈ રહી છે ત્યારે વધુ એક સાઉથ આફ્રિકન ક્રિકેટર કે જે IPL ના ઇતિહાસનો સૌથી મોંઘો ખેલાડી રહી ચૂક્યો છે તેણે નિવૃત્તિ જાહેર કરી દીધી હતી.
ક્રિસ મોરિસે ક્રિકેટના તમામ ફોર્મેટમાંથી જાહેર કરી નિવૃત્તિ
નિવૃત્તિ જાહેર કરનારો બીજો ખેલાડી
અગાઉ ડી કોકે નિવૃત્તિ જાહેર કરી દીધી હતી
દુનિયાભરમાં ટેસ્ટ ક્રિકેટનો રોમાંચ વધી રહ્યો છે. એકતરફ ઈંગ્લેન્ડ અને ઓસ્ટ્રેલીયા વચ્ચે એશિઝ રમાઈ રહી છે તો બીજી તરફ ન્યુઝીલેન્ડ અને બાંગ્લાદેશ વચ્ચે ખરાખરીનો જંગ ચાલી રહ્યો છે.
ભારત અને સાઉથ આફ્રિકા વચ્ચે પણ રોમાંચક શ્રેણી ચાલી રહી છે. બંને ટીમો એક એક મેચ જીતી ચૂકી છે અને બરાબરી પર આવી ગઈ છે ત્યારે આ સિરીઝની અધવચ્ચે જ સાઉથ આફ્રિકન ઓલરાઉન્ડર ક્રિસ મોરિસે નિવૃત્તિ જાહેર કરી દીધી છે.
ચોંકાવનારો નિર્ણય
સાઉથ આફ્રિકાનો દિગ્ગજ ઓલરાઉન્ડર ક્રિસ મોરિસે અચાનક ક્રિકેટનાં તમામ ફોર્મેટમાંથી નિવૃત્તિ જાહેર કરી દીધી છે. તેને 2019 બાદ સાઉથ આફ્રિકાની ટીમમાં સ્થાન મેળવવામાં નિસફ્ળતા જ મળી હતી. હવે મોરિસે નિવૃત્તિનો નિર્ણય જાહેર કર્યો છે. આ નિર્ણય ખૂબ જ ચોંકાવારો સાબિત થયો છે કારણ કે મોરિસ ઘણો ફિટ ખેલાડી છે અને હજુ ઘણું ક્રિકેટ રમી શકે એમ લાગતું હતું.
મોરિસને ભારત સામેની ટેસ્ટ અને વનડે સિરીઝમાંથી પણ પડતો મૂકવામાં આવ્યો હતો.
આઈપીએલનો સાઈથી મોંઘો ખેલાડી
Chris Moris ભારતની IPL નો સૌથી મોંઘો ખેલાડી રહી ચૂક્યો છે. ગઈ સિઝનમાં રાજસ્થાન રોયલ્સે તેને 2021 IPL માટે 16.25 કરોડ રૂપિયામાં ખરીદ્યો હતો.
આ સિવાય મોરિસ IPL માં ચેન્નાઈ સુપર કિંગ્સ અને રોયલ ચેલેન્જર્સ બેંગલોર માટે પણ રમી ચૂક્યો છે. રાજસ્થાને પણ તેને પોતાની ટીમમાંથી ડ્રોપ કરી દીધો હતો.
Quinton de Kock ની નિવૃત્તિ
અગાઉ દક્ષિણ આફ્રિકાના વિકેટ કીપર બેટ્સમેન Quinton de Kock એ તાત્કાલિક અસરથી ટેસ્ટ ક્રિકેટમાંથી નિવૃત્તિ જાહેર કરી છે.
જો કે તે દક્ષિણ આફ્રિકા માટે ODI અને T20 ક્રિકેટ રમવાનું ચાલુ રાખશે. ક્રિકેટ સાઉથ આફ્રિકાના ટ્વિટર હેન્ડલ પર ટ્વિટ કરવામાં આવ્યું છે કે વિકેટ કીપર બેટ્સમેન ક્વિન્ટન ડી કોકે તેના પરિવાર સાથે વધુ સમય વિતાવવા માટે તાત્કાલિક અસરથી ટેસ્ટ ક્રિકેટમાંથી નિવૃત્તિ જાહેર કરી છે.
ક્વિન્ટન ડી કોકે CSA (cricket south africa) દ્વારા જાહેર કરેલા નિવેદનમાં કહ્યું હતું કે ''આ એવો નિર્ણય નથી જેના પર હું સાવ સરળતાથી આવી ગયો. અને મારું ભવિષ્ય કેવું હશે તે વિચારવામાં મેં ઘણો સમય લીધો છે. પણ હવે મારા જીવનમાં પ્રાથમિકતા શું હોવી જોઈએ?''
મારો પરિવાર મારા માટે સર્વસ્વ છે
આ ઉપરાંત તેમણે કહ્યું હતું કે, ''હવે હું અને શાશા અમારા પ્રથમ બાળકનું આ દુનિયામાં સ્વાગત કરવાના છીએ. અમે અમારા પરિવારને આગળ લઈ જવા માંગીએ છીએ. મારો પરિવાર મારા માટે સર્વસ્વ છે અને હું મારા જીવનના આ નવા અને રોમાંચક અધ્યાય દરમિયાન તેમની સાથે રહેવા માટે સમય કાઢવા માટે આતુર છું.''