VIRAL / કેપ્ટન કોહલીએ ગ્રાઉન્ડ પર વિન્ડીઝના ગેલને શીખવાડ્યો ડાન્સ, જુઓ VIDEO

ભારત અને વેસ્ટ ઇન્ડિઝની વચ્ચે ગયાનામાં રમવામાં આવેલી વનડે મેચમાં ભલે ફેન્સ વિરાટ કોહલીની બેટિંગ ના જોઇ શક્યા. પરંતુ એમને ટીમ ઇન્ડિયાના કેપ્ટનનો ડાન્સ જરૂરથી જોઇ લીધો. વાસ્તવમાં વરસાદ બંધ થયા બાદ જ્યારે ટીમ ઇન્ડિયા મેદાન પર ઊતરી તો ગ્રાઉન્ડ્સમેન મેદાનને ઠીક કરી રહ્યા હતા. આ વચ્ચે વિરાટ કોહલી અચાનક ભાંગડા કરવા લાગ્યો. વિરાટ કોહલી સ્ટેડિયમના એક કર્મચારી સાથે ડાન્સ કરવા લાગ્યો. ત્યારબાદ વિરાટ કોહલી વેસ્ટ ઇન્ડિઝના જોરદાર ઓપનર ક્રિસ ગેલની સાથે પણ નાચતો જોવા મળ્યો. વિરાટ કોહલીની સાથે સાથે કેદાર જાધવ પણ ડાન્સ મૂવ્સ કરતો જોવા મળ્યો. વિરાટ કોહલીના ડાન્સનો આ વીડિયો હવે સોશિયલ મીડિયા પર વાયરલ થઇ ગયો છે. 

એવું નથી કે વિરાટ કોહલી પહેલી વખત મેદાન પર ડાન્સ કરતો જોવા મળ્યો હોય. વિરાટ પહેલા પણ ઘણી વખત મેદાન પર ડાન્સિંગ મૂવ્સ કરતો જોવા મળ્યો છે. વિરાટ કોહલી મેચ દરમિયાન ગંભીર રહે છે, પરંતુ બ્રેક દરમિયાન મૂડ ખૂબ જ હળવો જોવા મળે  છે અને એ મેચને એન્જોય કરે છે. 

Teacher: No one will dance in the class.
Le Backbenchers:@BCCI @imVkohli#INDvWI #India #Kohli pic.twitter.com/9R1fulVBHT

— Parth Goradia (@parthgoradia13) August 8, 2019

આ પહેલા ભારત અને વેસ્ટ ઇન્ડિઝની વચ્ચે વનડે સીરિઝની પહેલી મેચ વરસાદના લીધે રમાઇ નહતી. ગયાનામાં ટીમ ઇન્ડિયાએ ટૉસ જીતીને પહેલી બોલિંગ કરવાનો નિર્ણય લીધો, વિન્ડીઝ ટીમ 13 ઓવર જ બેટિંગ કરી શકી હતી અને વરસાદે આખી મેચ રદ કરી. જ્યારે વરસાદ પડ્યો તો વેસ્ટઇન્ડિઝનો સ્કોર એક વિકેટ પર 54 રન હતા. 

આઉટ થનાર બેટ્સમેન ક્રિસ ગેલએ 31 બોલમાં માત્ર 4 રન જ બનાવ્યા. જ્યારે એના ઓપનિંગ પાર્ટનર એવિન લુઇસ 40 રન પર નોટઆઉટ થયો, તો બીજી બાજુ એની સાથે શે હોપએ 11 બોલમાં નોટઆઉટ 6 રન કર્યા. ભારત તરફથીા એકમાત્ર સફળતા કુલદીપ યાદવને મળી. જેને 2 ઓવરમાં 3 રન આપીને ક્રિસ ગેલને બોલ્ડ કર્યો. 

When in the Caribbean, breaking into a jig be like 🥁🥁🕺 #TeamIndia #WIvIND pic.twitter.com/teg6r2WilS

— BCCI (@BCCI) August 8, 2019

ઉલ્લેખનીય છે કે હાલના સમયમાં વિરાટ કોહલી આઇપીએલ ફ્રેન્ચાઇઝી રૉયલ ચેલેન્જર્સ બેંગ્લોરનો કેપ્ટન છે. જ્યારે ક્રિસ ગેલ કિંગ્સ ઇલેવન પંજાબ માટે રમે છે. ક્રિસ ગેલને જ્યારે રોયલ ચેલેન્જર્સ બેંગ્લોરે બહારનો રસ્તો દેખાડ્યો, ત્યારે કિંગ્સ ઇલેવન પંજાબે એને 2 કરોડની બેસ પ્રાઇઝમાં ખરીદતા એનું આઇપીએલ કરિયર બચાવી લીધું.