સુરેન્દ્રનગર / ચોટીલાના પીપરાળી ગામે શ્રીમંતના પ્રસંગમાં 120 લોકોને એકસાથે ફૂડ પોઈઝનિંગ, તમામને હોસ્પિટલ ખસેડાયા

• સુરેન્દ્રનગરના પીપરાળી ગામેનો બનાવ
• 120 લોકોને એક સાથે ફૂડ પોઇઝનિંગ
• શ્રીમંતના પ્રસંગમા જમણવાર બાદ બની ઘટના 

સુરેન્દ્રનગર ચોટીલાના પીપરાળી ગામે ફૂડ પોઇઝનિંગની ઘટના સામે આવી છે. એક સાથે 120 લોકોને અસર થઈ છે. શ્રીમંતના પ્રસંગમા જમણવાર બાદ બનેલી આ ઘટનામાં મહિલા -પુરૂષો અને બાળકો મોટી સંખ્યામાં ઝપેટામાં આવી ગયા છે. અચાનક જ જમણલીધા બાદ થોડા સમયથી એક પછી એક  ઝાડા-ઉલ્ટી થવા લાગતાં ઘણાની તબીયત લથડી હતી.

ગંભીર દર્દીઓને ચોટીલા ખસેડવામાં આવ્યા
જેમાંથી  120 લોકોને નજીકની હોસ્પિટલમાં સારવાર અર્થે ખસેડાયા હતાં.  વધુ ગંભીર દર્દીઓને ચોટીલા ખસેડવામા આવ્યા છે. ત્યાં પણ દર્દીઓના સંબંધીઓ દ્વારા હોસ્પિટલ બહાર હોબાળો મચાવવામાં આવ્યો હતો કારણ કે ઈમરજન્સી હોવા છતાં હોસ્પિટલમાં ડોક્ટર હાજર ન હતા.

આ અગાઉ ગવરીદળ ગામમાં ત્રણ વિધાર્થીનીને થયું હતું ફૂડ પોઇઝનિંગ
તો બીજી તરફ 16 માર્ચના રોજ રાજકોટ નજીક ગવરીદળ ગામમાં જ્ઞાનદીપ સ્કૂલમાં ત્રણ વિદ્યાર્થીનીને ફૂડ પોઇઝનિંગ થઈ ગયું હતું. સ્કૂલમાં ધરેથી લવાયેલ સેવ મમરાની ભેળ બનાવી ખાધી હતી જે બાદ ત્રણેય વિદ્યાર્થીનીઓને કે ટી ચિલ્ડ્રન વોર્ડમાં દાખલ કરાઈ હતી. અને ઘટનાની કુવાડવા પોલીસે તપાસ હાથ ધરી હતી

આ પહેલા મહેસાણામાં 1225 લોકોને એક સાથે થયું હતું ફૂડ પોઇઝનિંગ
5 માર્ચના રોજ મહેસાણા જિલ્લા માં વિસનગર ના સવાલા ગામ નજીક લગ્ન પ્રસંગ માં ફૂડ પોઇઝનિંગ થઈ જતા ભારે દોડધામ થઇ ગઇ હતી.ગુજરાત કોંગ્રેસ અગ્રણી વઝીરખાન પઠાણ ના પુત્ર ના લગ્નનપ્રસંગે 15,000 થી વધુ લોકો નો જમણવાર રાખ્યો હતો. મોડી સાંજ બાદ મોડી રાત્રે લગ્નના જમણવારમાં મહેમાનગતિએ ભોજન લેનારાની તબિયત મોડી રાત્રે બગાડવાનું શરૂ થયું હતું અને ત્યારબાદ મોટી સંખ્યામાં એક પછી એક ફૂડ પોઇઝનિંગમાં સપડાતા લગ્નપ્રસંગમાં અફરાતફરી મચી ગઈ હતી.તો વળી જિલ્લા વહીવટી તંત્ર ની સાથે આરોગ્ય પ્રધાન પણ દોડતા આવી ગયા હતા.જોકે સરકારી દફતરે 1225 લોકો ને ફૂડ પોઇઝનિંગ નોંધાવ ની સાથે અનેક લોકો ફૂડ પોઇઝનિંગ માં સપડાતા આંકડો 2000 કરતા વધુ લોકો ભોગ બન્યા હતા.ફૂડ પોઇઝનિંગના વિસનગર,વડનગર, મહેસાણા અને ગાંધીનગર સિવિલ ની સાથે પ્રાથમિક આરોગ્ય કેન્દ્રો માં સારવાર અર્થે ખસેડાયા હતા પણ સદનસીબે કોઈ જાનહાની થઈ ન હતી.પોતાના ત્યાં લગ્નપ્રસંગ માં ફૂડ પોઇઝનિંગ ની ઘટના થી કોંગ્રેસ અગ્રણી લોકોનો આભાર માનવાની  સાથે રડી પડ્યા હતા.