પોલમપોલ / છોટાઉદેપુર, દ્વારકા, સુરેન્દ્રનગરમાં લાંચિયા રંગે હાથ ઝડપાયા, ACBએ છટકું ગોઠવી આવી રીતે પાડ્યો ખેલ

• રાજ્યમાં લાંચિયા રંગે હાથ ઝડપાયા!
• છોટાઉદેપુર, દ્વારકા, સુરેન્દ્રનગરની ઘટના
• ACBએ છટકું ગોઠવીને ખોલી પોલ

સુરેન્દ્રનગરમાં ફોરેસ્ટ અધિકારી દ્વારા ગેરકાયદેસર ખનન મામલે અરજદાર પાસે પૈસાની માંગણી કરી હતી. ત્યારે દ્વારકાનાં ખંભાળિયાનાં રામનગરનાં સરપંચનાં પતિએ અરજદારનું કામ કરવા માટે અરજદાર પાસે  લાંચની માંગણી કર હતી. ત્રીજા એક બનાવમાં છોટા ઉદેપુરનાં નસવાડીમાં રાઉન્ડ રેન્જ ફોરેસ્ટ ઓફિસર લાંચ લેતા એસીબીનાં હાથે ઝડપાઈ જવા પામ્યા હતા. 

સુરેન્દ્રનગરમાં ફોરેસ્ટ અધિકારી સી.બી.ગોસ્વામી લાંચ લેતા ઝડપાયા છે. સી.બી.ગોસ્વામીએ અરજદાર પાસેથી 17 હજારની લાંચ માગી હતી. રાજકોટ ગ્રામ્ય ACBની ટીમે લાંચ લેતા રંગે હાથ ઝડપી પાડ્યા છે.  ફરિયાદી પાસે ગેરકાયદે ખનન મામલે લાંચ માંગી હતી. તો બીજી બાજૂ દ્વારકાના ખંભાળિયાના રામનગરના સરપંચનો પતિ સુનિલ નકુમ ફરિયાદી પાસેથી રૂપિયા 2 લાખની લાંચ લેતા ACBના હાથે રંગેહાથ ઝડપાયો હતો.  ACBએ સરપંચના પતિ સુનિલ સહિત 2 આરોપીઓની ધરપકડ કરાઇ હતી. જ્યારે છોટા ઉદેપુરના નસવાડીમાં રાઉન્ડ રેન્જ ફોરેસ્ટ ઓફિસર મહેશ બારીયા 5 હજારની લાંચ લેતા ઝડપાયા હતા. મહેશ બારીયાએ વેપારી પાસેથી જલાઉ લાકડાને લઇ લાંચ માંગી હતી.  લાંચ માંગવાને લઇ છોટાઉદેપુર ACBએ છટકું ગોઠવીને નસવાડીના રાઉન્ડ રેન્જ ફોરેસ્ટ ઓફિસર મહેશ બારીયાને રંગેહાથે ઝડ્પી પાડ્યો હતો. ACBએ સમગ્ર મામલે કાર્યવાહી હાથ ધરવામાં આવી છે.