IPLIN
 

બોલિવૂડ / સુશાંતે પોતાની સ્ટ્રગલને લઈને આ શખ્સ સાથે કરી હતી વાત, જાણો શું કહ્યું હતું

Team VTV 07:02 PM, 30 Jun 20
Follow us
Choreographer Pavan Shetty Tells Sushant Singh Rajput Shared About His Struggles

સુશાંત સિંહ રાજપૂતે તેના કરિયરની શરૂઆત એક બેકગ્રાઉન્ડ ડાંસર તરીકે કરી હતી. કોરિયોગ્રાફર પવન શેટ્ટીએ તેની સાથે કામ કર્યું હતું અને તેને નજીકથી જોયો હતો. આ બંનેએ ફિલ્મ કેદારનાથમાં સ્વીટહાર્ટ સોન્ગ માટે પણ સાથે કામ કર્યું હતું. તેણે સુશાંત વિશે ઘણી બધી વાતો જણાવી.

  • સુશાંત સિંહ રાજપૂતે કોરિયોગ્રાફર પવન શેટ્ટીને જણાવી હતી તેની સ્ટ્રગલ સ્ટોરી
  •  બેકગ્રાઉન્ડ ડાંસર તરીકે સુશાંતે કરિયરની શરૂઆત કરી હતી
  • પવને સુશાંતની ઘણી વાતો જણાવી

સુશાંત હવે આપણી વચ્ચે નથી પરંતુ તેની સાથે જોડાયેલી યાદો એક પછી એક સામે આવી રહી છે. તેની સાથે કામ કરી ચકેલા કોરિયોગ્રાફરે એક ઈન્ટરવ્યૂમાં જણાવ્યું કે, મેં પહેલીવાર જ્યારે સુશાંતને જણાવ્યું કે હું કોરિયોગ્રાફર છું તો તેણે બહુ સારી રીતે મારી સાથે વાત કરી હતી અને અમે ધીરે-ધીરે સારાં મિત્રો બની ગયા હતા. તેના કોઈ નખરાં નહોતા, તે બધા સાથે ખૂબ વિનમ્રતાથી વાત કરતો હતો. તે ખૂબ સારા દિલનો માણસ હતો. શૂટિંગ વખતે તે પૂછતો હતો કે, શૉટ બરાબર રહ્યો કે કોઈ ભૂલ થઈ. હું જ્યારે પણ સુશાંતભાઈને કોઈ ચેન્જ જણાવતો હતો ત્યારે તેને પોઝિટિવલી લેતો હતો. તે રી-ટેક્સ માટે ક્યારેય ના પાડતો નહોતો. તે ડાઉન ટૂ અર્થ હતો અને બિલકુલ 
ઘમંડી નહોતો. 

પોતાના અચીવમેન્ટથી ખુશ હતો સુશાંત

પવને સુશાંતના સ્ટ્રગલ વિશે વાત કરતા જણાવ્યું કે, હું હંમેશાં તેને ટીવીમાંથી ફિલ્મોમાંથી જવાની સ્ટ્રગલ વિશે પૂછતો હતો. એકવાર વાતચીત દરમિયાન સુશાંતે જણાવ્યું હતું કે, મેં ખૂબ સંઘર્ષ કર્યો છે પણ હું ખુશ છું કે, આજે આ પોઝિશન પર છું. તે પોતાના અચિવમેન્ટ્સ પર ખુશ હતો. તેણે ક્યારેય કંઈ નેગેટિવ જણાવ્યું નહોતું. 

એક જ દિવસમાં શીખી લીધા હતા સ્ટેપ્સ

પવને પર્સનલી સુશાંતને સ્ટેપ્સ શીખવ્યા હતા, જેમાં તેને સારાં સાથે રોમાન્સ કરવાનું હતું. તેણે સ્વીટહાર્ટ સોન્ગ પર સતત 4 દિવસ સુધી રિહર્સલ કરી હતી. પવન જણાવે છે કે, સુશાંત ખૂબ જ સારો ડાંસર હતો. સ્વીટહાર્ટ સોન્ગ સુશાંત એક જ દિવસમાં શીખી લીધું હતું. તે સ્ટેપ્સ પિક કરવામાં તેજ હતો પરંતુ પરફેક્શનિસ્ટ પણ હતો. 

Sushant Singh Rajput Suicide Bollywood News Struggle Choreographer Pavan Shetty
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ