ઓસ્કાર એવોર્ડ મેળવનાર કમ્પોઝર એમએમ કીરવાની એક સમયે અકાળ મૃત્યુના ડરને કારણે સંન્યાસી તરીકે જીવ્યા હતા તો કોરિયોગ્રાફર પ્રેમ રક્ષિતે આત્મહત્યા કરવાનું વિચારી રહ્યા હતા.
આત્મહત્યા કરવા માંગતા હતા કોરિયોગ્રાફર પ્રેમ રક્ષિત
અકાળે મૃત્યુના ડરથી સંયાન્સીનું જીવન જીવતા હતા કિરવાની
ફિલ્મ 'RRR'ના 'નાટુ-નાટુ' ગીતને બેસ્ટ ઓરિજિનલ સોંગ કેટેગરીમાં ઓસ્કાર એવોર્ડ મળ્યો છે. છેલ્લી વખત બેસ્ટ ઓરિજિનલ સોંગ માટેનો ઓસ્કાર 2008માં ફિલ્મ 'સ્લમડોગ મિલિયોનેર'ના ગીત 'જય હો' માટે એઆર રહેમાને જીત્યો હતો. ભારતને 15 વર્ષ બાદ આ એવોર્ડ મળ્યો છે. જો કે 'જય હો' ગીતને ઓસ્કાર મળ્યો હતો પણ એ એક બ્રિટિશ ફિલ્મ હતી. આવી સ્થિતિમાં, 'નાટુ-નાટુ' ઓસ્કારમાં જનાર પહેલું ગીત છે જે હિન્દી ફિલ્મનું છે. આ ગીતને ગોલ્ડન ગ્લોબ એવોર્ડ મળી ચૂક્યો છે. જણાવી દઈએ કે આ ગીત ગોલ્ડન ગ્લોબ જીતનાર પહેલું ભારતીય અને એશિયન ગીત પણ છે.
We’re blessed that #RRRMovie is the first feature film to bring INDIA's first ever #Oscar in the Best Song Category with #NaatuNaatu! 💪🏻
No words can describe this surreal moment. 🙏🏻
Dedicating this to all our amazing fans across the world. THANK YOU!! ❤️❤️❤️
ગીતને બનાવવાની વાત ખૂબ જ રસપ્રદ છે.
આપણે બધા જાણીએ છીએ કે ફિલ્મ 'RRR'ના 'નાટુ-નાટુ' ગીતને જુનિયર એનટીઆર અને રામચરણ પર ફિલ્માંકન કરવામાં આવ્યું છે અને આ ગીતના હૂક સ્ટેપ બનાવવા માટે કોરિયોગ્રાફર પ્રેમ રક્ષિતે 110 સ્ટેપ બનાવ્યા હતા. આ ગીતને બનાવવાની વાત ખૂબ જ રસપ્રદ છે. જણાવી દઈએ કે ઓસ્કાર એવોર્ડ મેળવનાર કમ્પોઝર એમએમ કીરવાની એક સમયે અકાળ મૃત્યુના ડરને કારણે સંન્યાસી તરીકે જીવ્યા હતા. અને ગીતના સ્ટેપ્સ બનાવનાર કોરિયોગ્રાફર પ્રેમ રક્ષિતે પણ આત્મહત્યા કરવાનું વિચારી રહ્યા હતા.
ગીત પૂરું કરવામાં 19 મહિનાનો સમય લાગ્યો હતો
નાટુ-નાટુ ગીત મિત્રતા પર આધારિત છે અને આ ગીતને લઈને રસપ્રદ વાત એ છે કે તેને બનાવવામાં 19 મહિનાનો સમય લાગ્યો હતો. કમ્પોઝર એમએમ કિરવાનીએ ફિલ્મ માટે 20 ગીતો લખ્યા હતા. જે બાદ ફિલ્મના લોકોના વોટિંગના આધારે નિર્ણય લેવામાં આવ્યો હતો. અંહિયા રસપ્રદ વાતએ છે કે 90% ગીત માત્ર અડધા દિવસની અંદર પૂરું થયું હતું અને બાકીના 10% ગીતને પૂરું કરવામાં 19 મહિનાનો સમય લાગ્યો હતો.
કોરિયોગ્રાફર એ ગીત માટે 110 મૂવ્સ તૈયાર કર્યા
કોરિયોગ્રાફર પ્રેમ રક્ષિતે ગીતના સ્ટેપ્સ બનાવ્યા છે. એ સમયે ફિલ્મના ડિરેક્ટર એસ.એસ. રાજામૌલી એવા સ્ટેપ્સ ઇચ્છતા હતા કે જે બે મિત્રો એકસાથે કરી શકે પણ એ સ્ટેપ્સ એટલા અઘરા ન હોવા જોઈએ કે અન્ય તેમની નકલ કરી શકે. રસપ્રદ વાત એ છે કે કોરિયોગ્રાફરે ગીતના હૂક સ્ટેપ બનાવવા માટે 110 મૂવ્સ તૈયાર કર્યા હતા.
એક સમયે આત્મહત્યા કરવા માંગતા હતા કોરિયોગ્રાફર પ્રેમ રક્ષિત
નાટુ નાટુ ગીતના કોરિયોગ્રાફર પ્રેમ રક્ષિતના પિતા આર્થિક પરિસ્થિતિને કારણે ફિલ્મોમાં ડાન્સ આસિસ્ટન્ટ બન્યા અને પ્રેમ દરજીની દુકાનમાં કામ કરતો હતો. એક દિવસ ગરીબીથી કંટાળીને પ્રેમ આત્મહત્યા કરવા ચેન્નાઈના મરિના બીચ પર ગયો. તેણે વિચાર્યું કે આત્મહત્યા કરી લેશે તો ડાન્સ ફેડરેશનના લોકો પરિવારને 50,000 રૂપિયાની આર્થિક મદદ કરશે. એ સમયે આત્મહત્યા કરતા પહેલા વિચાર આવ્યો કે તેની પાસે આઅલ જે સાયકલ છે એ ઉધાર લીધેલ છે અને તેના મૃત્યુ બાદ એ લોકો પરિવારને પરેશાન કરશે. આ વિચાર સાથે તે સાયકલ રાખવા ઘરે આવ્યો અને ઘરે આવતાં જ તેને તેના પિતાનો ફોન આવ્યો કે ફિલ્મમાં ડાન્સ એક્સ્ટ્રા તરીકે કામ મળ્યું છે. પ્રેમે નોકરી મળતાં જ આત્મહત્યાનો વિચાર છોડી દીધો હતો.
પહેલા પ્રેમે ફિલ્મ વિદ્યાર્થિ માટે ડાન્સ કોરિયોગ્રાફ કર્યો હતો. તે ગીત જોઈને રાજામૌલી એટલા ખુશ થયા રાજામૌલીએ તેમને ફિલ્મ છત્રપતિમાં કોરિયોગ્રાફર તરીકે કામ આપ્યું. જુનિયર એનટીઆર આ ફિલ્મથી જ સ્ટાર બન્યો હતો અને સાથે જ પ્રેમ રક્ષિતને પણ આ ફિલ્મથી ઓળખ મળી હતી.
અકાળે મૃત્યુના ડરથી સંયાન્સીનું જીવન જીવતા હતા કિરવાની
નાટુ નાટુ ગીતના કમ્પોઝર એમ.એમ. કિરવાનીનેના જીવનમાં સંગીતની સફર ચાર વર્ષની ઉંમરે શરૂ થઈ હતી. પછી એમને વાયોલિન શીખવાનું શરૂ કર્યું. વચ્ચે એક સમયગાળો એવો પણ આવ્યો, જ્યારે તેણે પોતાનું નામ બદલીને જામા જમાયા રાખ્યું અને એમએમ કરીમના નામથી સંગીત આપ્યું.એ સમયે એવું થયું કે પત્ની એમ.એમ. શ્રીવલ્લી ગર્ભવતી હતી. એ સમયે તેના ગુરુએ કહ્યું કે કિરવાની પર અકાળ મૃત્યુનો ખતરો છે. સાથે જ એમ પણ કહ્યું કે જો તેઓ સાધુની જેમ દોઢ વર્ષ સુધી પરિવારથી દૂર રહે તો જ આ સંકટ ટળી શકે.
એ બાદ કિરવાનીએ ગુરુની આજ્ઞાનું પાલન કર્યું અને પોતાના ગુરુના કહેવા મુજબ નામ બદલ્યું અને ગુરુની સલાહ પર જ કામ કર્યું. એ સમયે કીરાવાણીએ તમિલ ફિલ્મો માટે મારકદમણી નામથી સંગીત આપ્યું હતું. સાથે જ જણાવી દઈએ કે તેઓ ગ્રહો, નક્ષત્રો અને શુભ, અશુભમાં ઘણું માને છે.
મુહૂર્ત જોઈને જ ગાડીમાંથી નીચે ઉતરે
આ સાથે જ રસપ્રદ વાત એ છે કે કિરવાની એટલા સમય સુધી કારમાં બેઠા રહે છે જ્યાં સુધી નીચે ઉતરવાનો યોગ્ય સમય ન આવે. આટલું જ નહીં તેઓ શુભ મુહૂર્ત જોઈને જ કોઈ પણ ફંક્શનમાં જાય છે. જણાવી દઈએ કે એમને તમિલ, મલયાલમ, કન્નડ અને હિન્દી ફિલ્મો માટે સંગીત આપ્યું છે.
આખું ગીત કિવમાં 15 દિવસમાં શૂટ કરવામાં આવ્યું
ગીત કંપોઝ થયા પછી તેનું શૂટિંગ ઓગસ્ટ 2021 માં યુક્રેનના કિવમાં રાષ્ટ્રપતિના ઘર મેરિન્સકી પેલેસમાં કરવામાં આવ્યું હતું. જણાવી દઈએ કે કિવમાં 15 દિવસમાં શૂટ કરવામાં આવ્યું હતું, જેમાં 50 બેકગ્રાઉન્ડ ડાન્સર્સ અને 400 જેટલા જુનિયર કલાકારો હતા.