અહીંયા આવેલું છે ભારતનું 'મિની સ્વિટ્ઝરલેન્ડ'

ઉત્તરાખંડ દેશના સૌથી સુંદર રાજ્યોમાંથી એક છે. અહીંના સુંદર પહાડ નદીઓ ઝરણા અને ગ્રીનરી તમારા મનને શાંતિ આપે છે. અહીં અનેક હિલ સ્ટેશન્સ એવા છે જેની એક મુલાકાત તમને જીવનભર યાદગાર રહી જશે. અહીં એવા જ એક હિલ સ્ટેશનની વાત કરવામાં આવી રહી છે. 

ઉત્તરાખંડની વાદીઓમાં રૂદ્રપ્રયાગમાં એક નાનકડું હિલ સ્ટેશન આવેલું છે જેના નામ ચોપતા છે 2680 કિલોમીટરની ઉંચાઇ પર આવેલા ચોપાતનું નામ ભાગ્યે જ તમે પહેલા સાંભળ્યું હશે પરંતુ અહીંની સુંદરતા કોઇ ફોરેન લોકેશનને ઝાંખી પાડે તેવી છે. 

ચોપતા માત્ર પોતાની પ્રાકૃતિક સુંદરતા માટે પ્રખ્યાત નથી અહીંનો ચંદ્રશિલા ટ્રેક પણ ઘણો પ્રખ્યાત છે. આ ટ્રેક ચોપતાથી શરૂ થાય છે. આ સિવાય અહીંથી તુંગનાથ જવા માટે પણ  એક નાનકડો ટ્રેક છે. તુંગનાથ દુનિયામાં સૌથી વધારે ઉચાંઇ આવેલું શિવ મંદિર છે. 

ચોપતા જવાનો બેસ્ટ ટાઇમ એપ્રિલથી નવેમ્બર વચ્ચેનો છે. શિયાળા દરમિયાન આખો વિસ્તાર બરફથી ઢંકાઇ જાય છે. શિયાળામાં અહીં સતત હિમવર્ષા થતી હોય છે અને તે નજારો પણ જોવાલાયક હોય છે. 

ચોપતા રિષિકેશથી આરામથી પહોંચી શકાય છે. આ માટે રૂદ્રપ્રયાગ કુંડ ઉખીમઠ થઇને રિષિકેશનો રસ્તો લો અને ચોપતા પહોંચી જવાશે. તમે રૂદ્રપ્રયાગથી કર્ણપ્રયાગ ચમોલી અને ગોપેશ્વર થઇને ચોપતા પહોંચી શકો છો. 

ટ્રેકિંગ માટે ચોપતા-તુંગનાથ ટ્રેક દુનિયાભરમાં પ્રખ્યાત છે. ચોપતાં ઘણા એવા ટ્રેક્સ અને જંગલો અને સુંદર ગ્રાસલેન્ડ જોવા મળશે. 

ચોપતામાં ટૂરિસ્ટ ટ્રેકિંગ સિવાય કેમ્પિંગ યોગ સ્નો સ્કીંગ રૉક ક્રાફ્ટ રોક ક્લાઇમિંગ જેવી ઘણી એક્ટિવિટી કરી શકો છો. અહીં દેવરિયા તાલ અને અત્રિમુનીનું ઝરણું ઘણું પૉપ્યુલર છે.