વિચિત્ર લૂંટ / ઓહ બાપ રે ! યુપીમાં ગોડાઉન તોડીને 17 લાખની ચોકલેટ ઉપાડી ગયા ચોર, મધરાતે આવી રીતે લઈ ગયા જથ્થો

• યુપીની રાજધાની લખનઉના ગોડાઉનમાંથી ચોકલેટની ચોરી 
• ગોડાઉન તોડીને 17 લાખની ચોકલેટ ચોરી ગયા ચોર
• મધરાતે ત્રાટક્યાં, મોટી ટ્રકોમાં ભરીને લઈ ગયા ચોકલેટના 150 ડબ્બા

ઉત્તર પ્રદેશના લખનઉના એક ગોડાઉનમાં ચોરી અને લૂંટનો એક વિચિત્ર કિસ્સો સામે આવ્યો છે. અજાણ્યા શખ્સો મધરાતે લખનઉના ગોડાઉનમાં ત્રાટકીને 17 લાખની ચોકલેટ ચોરીને ફરાર થઈ ગયા હતા. ચોરની એક ટોળકી મધરાતે લખનઉના ગોડાઉનમાં ત્રાટકી હતી અને કેડબરી ચોકલેટના 150 જેટલા ડબ્બા મોટી ટ્રકમાં ભરીને લઈ ગયા હતા. આ સમાચાર મળતા ગોડાઉનની માલિક તો રડવા જેવા થઈ ગયા હતા. ચોકલેટની ચોરીની આ ઘટના ત્યાં લાગેલા સીસીટીવી કેમેરામાં ઝડપાઈ હતી. 

ચોકલેટથી ભરેલું હતું આખું ગોડાઉન, ચોરોએ ખાલી કરી નાખ્યું 
કેડબરી ગોડાઉનના માલિક રાજેન્દ્રસિંહ સિદ્ધુ લખનની લોકપ્રિય ચોકલેટ બ્રાન્ડના જાણીતા વિતરક છે. વેપારીએ પોલીસ ફરિયાદ નોંધાવી છે જ્યાં તેમણે જણાવ્યું હતું કે ચિનહાટ વિસ્તારમાં આવેલું ગોડાઉન ખરેખર તેનું જૂનું ઘર હતું જેનો હંગામી ધોરણે ગોડાઉન તરીકે ઉપયોગ કરવામાં આવી રહ્યો હતો. તેમણે ઉમેર્યું કે, ઘરમાં ચોકલેટનો તમામ સંગ્રહિત તમામ સ્ટોક રિટેલરોને વહેંચવાનો હતો.

Chocolates worth Rs 17 lakh stolen from Uttar Pradesh godown

Read @ANI Story | https://t.co/R4Bpp5v1Dx
#Chocolates #UttarPradesh pic.twitter.com/NeKTadSZIt

— ANI Digital (@ani_digital) August 17, 2022

ટ્રકની ભરીને લઈ ગયા ચોકલેટ 
મંગળવારે સિદ્ધુને તેમના જૂના ઘરના પાડોશીનો ફોન આવ્યો હતો, જેમણે તેમને તેમના ઘરે તૂટેલા તાળાની માહિતી આપી હતી. ઘટના સ્થળે પહોંચ્યા પછી, તેમણે જોયું કે આખું ગોડાઉન ખાલી કરી દેવામાં આવ્યું છે. અન્ય એક પાડોશીએ પણ ઉદ્યોગપતિને જાણ કરી હતી કે તેણે મોડી રાત્રે એક પિક-અપ ટ્રકનો અવાજ સાંભળ્યો હતો જે ચોકલેટની ચોરી માટે ગોડાઉન પર લવાઈ હતી. પોલીસે કારોબારની ફરિયાદને આધારે તપાસ શરુ કરી છે. યુપીમાં ચોકલેટ ચોરીની આવી પહેલી ઘટના છે. 

વેપારી રાતા પાણીએ રડ્યો

પોતાના ગોડાઉનમાંથી 17 લાખની ચોરીની ઘટના બાદ વેપારીને તો રાતા પાણીએ રોવાનો વારો આવ્યો છે. તેની બધી મહેનત પાણીમાં ગઈ છે. વિતરકોને પૂરો પાડવા માટે તેમણે સ્ટોકનો સંઘરો કર્યો હતો અને ચોર ફાવી ગયા હતા.